#غفران_الخطايا
بارت 37
بقلمي: زينب Al AQILI
لا تتعامل مع أحد على أنه مصدر أمان
كل الناس مؤذية لكن بطرق مختلفة🤎
❥_________❥
ريتال :: بنفس مكاني نايمة ومغمضة عيوني واكيد أفكر
ليش وافقت؟ شنو السبب؟
احس بذيج الليلة راودتني مشاعر غريبة اتجاه ناهي
لغة جسمي تناغمت وياه وكأنها ايقاع مميز
نفيت براسي لا ماريد انجذب اله بس اني وافقت!!
الحيرة بهذا الوقت عجزت عقلي من التفكير وبعدني ما متوصلة لحل نهائي بس شي اعرفة اني كارهه نفسي
شنسيت اني؟ ضربة لو أهانته الية مخليني خدامة لغرائزة الحيوانية
نهضت من الفراش من صارت عندي لحظة ادراك
لكل شي حوليني صرت كدام المرايا اتمعن بملامحي الطافية.. النور الرحماني الكان بوجهي اختفى
حل مكانه وجه ماعرف شوصف ملامحه
كان بداخلي ضعف أمل تحول لشيطان يوسوس وبي وما يكبر يخليني خاضعة للظروف ...
رمشت اكثر من مرة وهزيت راسي اريد اتكلم وجان يدخل ناهي بخطواته الزلزالية
درت وجهي علي جان لازم موبايلة ويخابر ومبين عصبي بحيث من سد الباب عبالك شلعة
بقيت ساكته اراقب تصرفاته وأدرسها
طبعا طول هذه الفترة الي حوالي اسبوعين من موافقتي اني من اشوفه انهزم منه اكره اتواجد وياه بمكان واحد
كمزني من عاط بية
-ناهي: رررريتااال شاايفة بهذا المكان اورااق ؟؟
راسي انسطر من صوته
نفيت براسي سريع عبالك اريده يتغاضى عن وجودي
فرك وجهه بقبضة ايدة محتار
وضل يشمر بالملابس وادي تجول بالخزانة عبالك كنز ضايع الة..
تكلمت بهدوء واني اتقرب منه: على شنو جاي تدور؟ وليش مهمات!
-ناهي: ريتال تندليهن كولي ما تندلينهن وخري من وجهي خليني اشوف وين موليات
سويت حركة عدم اهتمام بكتفي وطلعت من الغرفة واني اهمس: لعلك لا لگيتهن عشتوو اوراق مهمه
دخلت للمطبخ وطلعت من الثلاجة عصير بارد
شربته وثنيت وجهي على الميز واسمع صوته الي يتعارك بالموبايل مبينة السالفة چايدة
لان طلع من طورة الأخ
بهذه الفترة صارت حياتي مملة ماكو فد حدث معين يلونها الي
هو فقط ناهي وتصرفاته المتناقضة ماعرف المزاجية
مرة يحبني بهووووسسس وعبالك ملكته
ومرة يضربني بس بخفة ايدة نسمي شقة وهم يحبني
ف حرت وياه حيل
وسالفة اضطراب شخصياته باقية ببالي ومخوفتني من الارتباط بي مع انه اني مسيرة ماكو عندي غير حل!
طلع من الغرفة مبتسم بطريقة مريبة
لزم كم ملف بأيدة ومر من يمي يريد يطلع
قبلها قرص خدي بدفو أيدة
نزيت لا أرادي: شنو شبيك
-ناهي: ماكو بس حضري نفسج اليوم راح تصيرين ملكي لو اعرف اهلهل جان هلهلت بس هاي سوالفجن ماعدي عرف بيها
أنت تقرأ
غفران الخطايا
Storie d'amoreليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
