#غفران_الخطايا
بارت 38
بقلمي: زينب Al AQILI
لا تنسون التصويت والتعليقات بين الفقرات 💗
تُداهمكَ الأفكارُ جِيوشًا و أنتَ فرد .🔥
❥_________❥
ريتال :: علاقتي بناهي اتخذت منحدر اني نفسي ما فهمته
كنت اكثر تقبل لشخصيته ومنجذبة الة بس رغم كل هذا ابداً ما ناسية الماضي
يعني شكد ماريد اتقبل ناهي مستحيل انسى اهانته الية وضربة والأهم أغتصابه
بليلة العقد من تقرب الية حسيت اكو فد حلقة ناقصة
اكو فد شعور ينتابني مريب
سديت باب المطبخ واني اطلع للحديقة اتنفس الهوا
ابتسمت واني اتمشى ناحية الاشجار والزرع
حديقته كانت كاملة من ناحية كل شي
فتت الها وزراق السما وية خضار الاشجار انطاني طابع مريح ، غمضت عيوني براحة و رفعت راسي ليفوك
الجو كان خليط بين الدفو و البرد
بقيت على هذا الحال اكثر من ٥ دقايق
ناهي مو هنا اتذكر طلع مستعجل من البيت قبل ساعتين اقل مادري
بسطت ادية انكت ملابسي واني اكوم
رجعت دخلت للبيت جان مترب فقط المواعين مال الأكل مغسولة بأهمال ومنو غسلها؟
اكيد ناهي
شعور انتابني انظف البيت وما كذبته
اندل ادوات التنظيف بالمخزن رحتله وبلشت انظف البيت من اول طابق لباب الحديقة المغلق
جان بيت بتصميم حلو مع انو ما مركزة بي
بس هسة كمت اركز
نضفته واني امسح كل الأثاث الموجود بي
رجعت للمطبخ كان مهوس من آكل المواعين تبقى بمكانها.. غسلتهن ورتبت كل شي يلا طلعت منه
لليل اني كنت مكملة كل التنظيف وحتى سويتلي كلاص عصير فريش اشربه وناهي ما موجود شنو وين صار هذا
الخوف تسلل لگلبي بس كتمته واني ادخل لغرفتي
عزلت ملابسي ورجعت ملابس النوم الي جابهم بكارتونة من كل عقلة البسهن والله يلعب
دكت الساعة ب8 وهو ماكو ، بقيت الكلوب مفتوح
واني اتغطى اجبر نفسي انام ظليت اتكلب ما متعودة البيت شكبرة بس اني بي
ماعرف يمته عيوني غفت واخذت النوم
احلام وكوابيس كامت تجيني واحد منهن
عبالك ناهي مجروح والدم ينزل من كل حدب براسة
ويباوعلي بندم
تغير وجهه يضحك وتغير مرة ثانية لواحد حزين
وجوه ما ثابته وكل شوية متغيرة
اتقرب مني وهو لازم نصل حاد شمره عليه
فزيت من النوم بعيطة عالية بنفس لاهث:- ااااااستغفرر الله ياررربي
جانت الدنيا ليل وادين على بطني ملتفة
درت راسي جان ناهي نايم بصفي.. رجعت راسي واني ادير جسمي لصفحته اباوع لتقاسيم وجهه
تمعنت وكان التعب واضح على بشرته تنهدت وبقيت امشي ايدي على وجهه بدون هدف
شواربة طولت ووجهه ملتحي ، نزلتهن لشفايفه اتلمسهن صحيت على نفسي ابتعد اخذت نفس وكمت
الدنيا جانت فجر
طلعت من الغرفة انزل ليجوة فتت للمغسلة توضيت لاول مرة من يوم خطفي ولفيت حجاب على شعري... كعدت بالصالة الشباك مفتوح
صليت بقلب مجروح والخنكة بيها وما تزيد عندي صرت اناجي ربي بكل صدق وخشوع ...
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
