#غفران_الخطايا
بارت39
بقلمي: زينب Al AQILI
لا تنسون التصويت والتعليقات 🔥🤎
مُغرم بشعركِ الأسود
وأهوى سماركِ
وعيونكِ وعقدة حاجبكِ
وضحكتكِ القمرية
مُغرم جدا .
❥_________❥
تالية :: واكفة اهدي بالجهال الي انتهت من البجي تريد اشتر
كمت احجي وياهم بتوسل اش ماما فدوة لا تبجون والله مالي خلگكم اسير عليك الله شيلهم مني والله راسي حيطگ من الوجع
-اسير: خوية فكري بالموضوع الجهال يردون ابوهم
وانتي زعلتج الى متى تضل؟ الله شاهد احطج ببطن عيني بس شوفة عينج الحال
دنكت راسي بذنب هسة شلون افهمه شلوون اوف
- ماعرف لا تسألني والله دايخه.. اكول صدك انت ليش ما رايح لشغلك؟
-اسير: اروح واعوفج وحدج حايرة بيهم يسكت ذاك يبجي هذا شلون صاير؟
شلت جوان افر بيها واني ابتسم بتعب
- جونة اسكتي امي ليش تبجين؟
الدموع ملت عيونها وهي تميل على صدري تبجي
- بباا
-زفرت بتعب شلون سالفة من الصبح لسة بس ببا على لسانها: شوفي ببا مو هنا يعني مو بالبيت راح للشغل
بليل اذا اجة اخذج اله خوش؟
كامت تبجي مشتاقة لأبوها وهو بالحقيقة مدللهم
اربعة وعشرين ساعة من هو بالبيت ينامون على صدره
ابد ما يفارگهم.. فبسرعة افتقدتة
-اسير: انطيني حبيبة خالها انة رايح للسوبر ماركت اشتريلهم واجي وانتي فكري بالموضوع
انطيتها اله وكمت اروح للغرفة عيوني مغوشة من كد التعب البارحه سهرت وياهم يبجون يريدون الحاج اشتر..
رديت باب الغرفة ونمت من التعب
بين معزة النومة الحلوة والموبايل الي يدك باستمرار
تجعدت حواجبي واني امد ايدي لموبايل اسير
شفت الخط جان رقم ريم.. صارلي ٣ ايام هناية واني على تواصل مستمر وياها تسألني شكو ماكو بس ابد ما حاولت ارجع وهذا خلاني بحيرة شنو سببها؟
-فتحت الخط ببرود وصوتي نعسان: هلا ريم
-ريم: ولچ تاااالية الحكينييي اخوووي اشتر بين الحياااة والموت ومانعرف لو طلع منهاا عدلل
صوتها فاقد وتحجي بهستيرية وعياط قوي
-گمزت من السرير فاتحة عيوني والارتباك ملى صوتي:
شنوو ريمة شجااي تحجين شبي اشتر شصايرر ريم احجي لا تبجين رييييم شبيي اشتررر وينچ رييم
الوووووو..
الخط انقفل وعقلي شخط ايدي كامت ترجف من الخوف. رجعت اتصلت عليها ماكو رد
صوتها الفاقد طير عقلي بدون وعي رحت جريت صاية وحجاب لبستهن بخربطة ودموعي تنزل ولشتي ترجف
-متمتت برجاء: فدوة ربي كل شي ولا اشتر
جهالي ماريدهم يتيتمون مثلي، فدوة ياربي جهالي..
مو لخاطري لخاطرهم فدوة يارب والله بعد ما اعصيك
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة :: Zainab Al_Aqili البداية: 12/ 2/ 2022 النهاية: 14 / 3 / 2023
