#غفران_الخطايا
بارت٨
Zainab Al_Aqili
التصويت مهم🫶🏻✨
❥_________❥
ريتال :: كعدت الفجر قبل ليكعدني مزعوووجة واحس نفسيتي زفت كمت من فراشي عدلت شعري واخذت نفس اهدي بروحي فتحت الباب بهدوء ماكو صوت يدل على وجوده مبين بعده بالغرفة طلعت للمطبخ
فتحت باب المطبخ ورحت للحديق جريت نفس صافي وباوعت للنجوم الي بدت تختفي
تاركة قوة الشمس تخفيها بين ثناياها..
مثل وضعي تمام
بقوته وعقله المدمر بدأ يجردني من شخصيتي القديمه
افكار متزاحمه بعقلي تحتاج خطة مسيرة... اني حاليا اريد خطة واساسيات لازم اسير عليها بحذر و دقه
بدون ما أخطئ بشيء حتى اخلص منه وارجع لحياتي القديمه الـي ميته عليها
اكتشفت ثغرة بشخصيته.... عقله من صدك مُدمر الكلمه الي يكولها وراها مليون قصد مو بس واحد
وأغلب الكلمات الي تلتقطها اذني من اتصالاته عن طريق الصدف
عباره عن خطط وتنفيذات منه... اللعبة هو مأسسها وهمه فقط ينفذون كلامه
بديت افهمه واعمق بفكري بيه هو بس
ما حبيته ولا راح احبه بيوم
افكاري كانت فقط تردد الانتقام.
حسيت بظل وراية فزيت ملتفته شفته هو ... دكات گلبي علت من كعد بجانبي وجهه جامد بدون تعابير ، سحب ايدي اخذها بين ادي وهمس :: اليوم كاعدة من وكت اكو سبب؟
- نفيت براسي: ماكو سبب شبعت نوم وحبيت اشم هوا نقي ، بعيداً عن التلوث
- رفع حاجبة بسخرية لان فهم هو التلوث، حط ايده على خدي يتلمسه بحركة تلقائية نترتها منه بضيق :: لا تلمسني رجاءا والله اشمأز من نفسي بكل لحظة تكون بيها قريب مني.... اني اكره هذا القرب ماعرف نفسي وضميري مايتقبله حجيتها وفركت شعري بحيرة وتردد ...
- ابتسم وحچة بذهول: القائچ للكلمات وتحريك شفايفچ بنطقها حيل تدوخ العقل
جريت نفس تعبانه حيل وتصرفاته تدوخني
يوم بارد وثلج ويهسترني بالتدريب مالتة
ويوم طبيعي يتصرف يعني يضوج ويعاقب او يسامح بدون مشكلة مثل هسة بالضبط... لهل سبب استغليت طبيعة شخصيته الحالية والتفتتله بنبرة متوسلة
- اريد ماما، اسمعني للآخر عليك الله
اني من اطلع منا والله ما اخبر لا شرطة ولا شي
بس اروح لأمي وعائلتي
وحتى اذا تريد نطلع من العراق ونعيش بغير دوله بعيدا منك هم قابلة... عليك الله ولو لمرة بحياتك تصرف بأنسانية ولا تخلي الشيطان يحكمك
- قهقه بأستمتاع: زين واذا اني الشيطان بذاته
شتسوين بهل حاله
- ما اسوي شي
غيرت موجة حديثي وياه بعد ما عرفت كل شي ما يتغير وهسة اني ببداية مشواري وياه ولازم اصبر على رزقي وانتظر رحمة ربي تنور دربي
وأسعي بكل ما لدي من قوة حتى ربي يعيني
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
