#غفران_الخطايا
بارت٤٣
بقلمي: زينب Al AQILI
Retal Says :
كأننِي بَحر ارهَقتهُ العَواصِف .
❥_________❥
ريتال
- غمضت عيوني ودگات گلبي تنتفض بصدري
ايدي مشبگة وترررجف من الخووف
عيوني حطت على وجهه الملثم همست بصوت ناصي وعيوني تزخ دمع:
- ماا ماريد اموت نااااهي وينك ناهي
جنت امر بحالة هستيرية جسمي ينتفضض بدون ارادة مني هزيت الكرسي اكثر من مرة بمحاولة افتح ايدي لكن وگع الكرسي وصار وجهي مقابل الارض واديه ملوية ليورة مورمة من الالم
ما عدت احس بشي
صوتي المطبگ الي يصرخ بصوت عاااااالي عسى يفزز الانسانية الي عنده
لو جسمي المورم حتى حيل ماعندي
-بجيت ودموعي غرگت وجهي: نااااهي تعااالي ماريد اموت اريد اشووفك لا يحرگني ناهي مااريد اموت مارريد امووووت
الغرفة بلحظة وحدة گبت نار وانسد باب الغرفة الضيگة علية اني والنيران الما ترحم
جنت فاتحة عيوني كل وسعها واصرخ بصوت يفزز الميت من گبره.. الدخان صار عالي ولسعات النار تخوف شكلها
صرت اعارك الحبل النابت بأدية وعيوني مغوشة من الدموع
ادية ترجف بشكل هستيري.. عتيت الحبل اعلى وماحس غير الدخان عامي عيوني حتى ماكدر ابصر شي.. گحيت وغمضت عيوني من الدخان وكلما شفايفي البيضة تسحب الهوا يدخل اكبر مقدار دخان لرئتي
جسمي فقد الهوا النظيف وحتى التركيز فقده
انتهيت من فرط الحركة ارافس بالگاع احاول افتح الحبل بس ماگدرر
- دخيلككك الهي ماريد اموت والله ماريددددد
بلشت اعضائي تخمد شوية شوية
لسعات نار صارت على اطراف رجلي وماعندي قابلية اسحبها ضليت اتلوع الوجع بحركات بطيئة
ثواني او دقايق ماعرف الوقت شكد مر علية بس احسة دهر بطوله ، مثل طير مذبوح صرت ارفس الحركة بحركة بطيئة والشهگات تطلع من گلبي بتلقائية.. عيوني انعمت من الدخان غمضتهن
وتنفسي فقدته من الهوة الملوث
اما اطرافي لاحها النار وأنشلن من الحركة
وحتى صوتي صار نااااصي اگح بتعب
بحلقن عيوني ليفوگ وسحبت نفس ملوث من لا چاره
ووگفت حركتي وجمد جسمي
اخيرا احس توگف گلبي وضليت ثابتة بمكاني بعدما روحي شاغت الوجعات ، وعشت الالم بكل حذافيره
بقيت مشمورة على الگاع روحي مسغوبة
-هذا حالي غمضت عيوني وهدء صوتي تدريجيا ،
واعية واحس بالنار من تتمشى على جلدي
ومن لاحت اطراف وجهي وحركتني واني هزيلة
القوة
احتضرت روحي ونطقت الشهاده بگلبي
جهنم.. سكرات الموت
طلعان الروح من الجسم.. الحساب
الآخره.. عالم غير عالمنا.. بعد ما اشوف ناهي
ولا اشوف عائلتي
يمكن التقي بأمي وابوي
انهالت الافكار والذكريات على عقلي بجنون
بس يبقى الألم متصدر المركزز الأول
-هون يا ألم وجعك على جسمي وافتك روحي بدون ما تأذيني جاي احس بالنار تحركني ماكدر اگوم وابتعد.. ليش تصير ضدي؟ والله يوجع احس بوجهي التهب ناره ، ما اطلب منك بس تراعي اواجعي لمرة وحده
ليش بكل مرة انة الضحية ليش لازم انطاع لأوامركم مثل الجارية الذليلة
الي لازم تتعذب وتبقة ساكته
ليش بكل مرة اني الانظلم حتى بموتي انحرگت..
غمضت عيوني بتعب وفقدت احساسي بالداير مدايري
أنت تقرأ
غفران الخطايا
Romanceليس من ذنبها أن تقع بين يدين ظالم ولا أن تمارس معهُ الآثِم ولا أيضاً ان تحبهُ عقلاً يصارع قلباً فأيهما سيربح ؟ المنطق ام الخطيئة ! . . غفران الخطايا من الواقع للكاتبة زينب آل راشد البداية: 12/ 2/ 2022 النهاية: 14 / 3 / 2023
