بعدك يابوي اصبحت دنياي عرجاء بلا عكاز

12

العصر .. بعد ما رجعوا الشباب يشيكون على الخيام و يرتبونها ..جميلة واهي تنادي : نـاصر تعال
جاها يركض : خذ هالمدخنه ولا تطيح عليك انتبه وناد لي خوالك
وراح واهو يناديهم وبدت جميلة تعطيهم البخور يبخرون الخيام ورجعت لعند البنات الي كانت غرفهم عبارة عن حوسه من اغراضهم .. سُلاف بأعلى صوتها من الحمام : المويا بارده
وريف : على حظك محد قالك تتسبحين اخر وحده اسرعي عشان تضبطين وجيهنا
دخلت سُلاف الحمام واهي تنتفض ..وريف ركضت لغرفة البنات الي كانوا متواجدين فيها خواتها و فرح و وضحى ..وحليمه ماخذها صقر للمشغل تتعدل من الظهر
فرح ناظرت شكلها بالمرايا : يـمه وش ذا!
ليلى واهي ماسكه ريشة المكياج وتبتسم : اعجبك؟
فرح : لا وش ذا الكحل ماعرفتي تضبطين عيني
ليلى : والله يجنن خليه ..لفت على البنات وتكلمت : صح يابنات؟
كلهم ايدوا كلامها ومدحوه ..فرح اخذت المنديل : بعدل فيه ما اقتنعت
ليلى : بكيفك
جودي بملل : سُلاف طولت
دخلت سُلاف وعلى راسها المنشفه وترجف من البرد : طفوا المكيف طفوه
وجود محتاره : بنات شعري اسيحه ولا اخليه على طبيعته؟
جودي : خليه على طبيعته مموج حلو
ليلى الي كانت فاكه شعرها ومنسدحه لوريف تكويه لها : وريف انتبهي تلقين اذني مثل ذيك المره
وريف : انتي لا تتحركين وكل شي بيصير تمام
جميلة لف على فرح : حلو؟
فرح ناظرتها واهي تمسح كحلتها : حلو ، وانا ضبط؟
جميلة : اي لا عاد تتعبثين فيه شكلك زين
دخلت ام زايد واهي منصدمه من حوستهم : يادافع البلا وش ذا القرشه!
ليلى ابتسمت : الله الله خالتي وش ذا الزييين
ام زايد استحت : رحت مع حليمه وغصبتني اتزين عندهم
سُلاف وقفت : حليمه جت؟
ام زايد : اي
وجود مسكت سُلاف : اجلسي خلصي شعرك وابدي مكياجي ماسويت شي تراني
وبدأوا البنات يرتبون انفسهم اكثر و اكثر سُلاف خلصت نفسها بسرعه وبدت تضبط خواتها ..لبسوا فساتينهم وكل وحده مستانسه على شكل الثانية ..
فرح : خلصتوا؟
كلهم : اي
فرح : امشوا نروح لحليمه
طلعوا من قسم غرفهم وراحوا للمحلق الي كانت حليمه جالسه فيه بتوترها اول ماشافت البنات خنقتها العبره : وين كنتوا!
فرح صرخت : تجـننييـن! ماشاء الله
ليلى ركضت لعندها : لا لا تبكين بيخرب مكياجك ، اجلسي
جلسوها واهو يناظرون بعض بهدوء وضحكت جودي : اول مره نشوف زين بعض ولا كيف؟
ليلى ابتسمت : لاحظتي! مو مستوعبين
ام فرح دخلت عليهم : يلا حليمه البسي فستانك وتجهزي
وريف و وضحى قعدوا عند حليمه يساعدونها بلبس الفستان و الباقين طلعوا ..
-
عند الرجال ..ثامر طالع بسروال وفنيله ومعصب : شرابي وينه؟
نياف بهدوء : وقفت على الشراب ثوبك وينه اصلًا؟
ثامر مسك راسه بصدمه : نسيته
زايد طلع واهو مرسم ومخلص : كيف ؟
نياف : والله اشك انك المعرس
زايد نفخ صدره بغرور : الله يسلمك
صقر جاء واهو يلبس غترته و بثوبه البني الشتوي : نايف وينه؟
زايد : مع ابوي وعمي مستقعدين له
صقر : ليه وش مسوي؟
زايد : ماسوا شي المسيكين بس ينصحونه
صقر : اجل امش امش لا ننمسك معه
ثامر طلع واهو يضبط غترته : اصبروا لـي
طلعوا كلهم ولحقوهم ابو نايف و ابو زايد وبدوا الناس يجون شوي شوي والمكان بشكل مفاجئ ازدحم مع وجود الفرقة ..
والمكان انصخب من بدت فيه مراسم الغناء عند الرجال ..وقفت الفرقة البنات بطلب من الرجال وجابوا السماعات قريبة لعند قسم النسوان واهم يسمعون طرب فرقة الرجال ، صفوا قبال بعضهم و توسطهم ابو نايف يلعب وبدوا يلعبون معه بحماس وقفوا لثانية بعد ما صقر مسك الفنان و غمز له وفهم عليه وخلاه ..بدا صقر يغني بصوته وقال :