بعدك يابوي اصبحت دنياي عرجاء بلا عكاز

16

العصر عند الرجال ..
جابر يضبط ترسيمته : كذا زين؟
ثامر : ترا هذي عاشر مره تسألني ارهقتني
جابر دفه : انقلع عن وجهي طيب
نياف ضحك : ياخي راع مشاعره وامدحه
ثامر : رايق له انا ابوي كرفني كرف الحمير عشان وجهه
جابر : لا جاء عرسك بننكرف احنا بعد
نياف : احمد ربك انها ملكة ولا كان طلعت عيونا كلنا
ثامر : اي والله
زايد دخل عليهم : تستهبلون انتوا للحين هنا امشوا للخيمة المأذون بيجي بعد شوي
جابر فز من مكانه : يلا
ثامر : شوي شوي لا تخرب الترسيمه
نياف واهو يضحك : انت شف كيف يمشي مجبس مايبي يحرك رقبته
جابر لف عليهم بكامل جسمه : بتسكتون انتوا ولا كيف؟
زايد الي كان يشرب مويا وشرق فيها من ضحكه على جابر كيف مايبي غترته تخرب..
جابر ناظره بطرف عين : انا السبهه اصلًا الي جالس معكم لا ابو روسكم المصديه
زايد تقدم له واهو مبتسم : يلا يلا امش بس
دخلوا للخيمة الي على يمينها جالس ابو نايف وجنبه نايف و باليسار ابو زايد وصقر الي واقف عنده يبخره ..
صقر : تبخر تبخر يا ابو الصقار تبخر
ابو زايد واهو يبتسم : عقبال ما اتبخر بعرسك
صقر : اللهم امين
نايف : زايد يارجال طقيت الثلاثين تراك بعمر جابر متى العرس؟
زايد ناظر لنياف : اخوك ناشب لي كأني قاعد فوق راسه
ابو نايف : واهو الصادق عمرك ٣٠ الي بعمرك عنده اربعه ولا خمسه
زايد الي يبي ينهي الموضوع : صح صادق
نياف : والله يستلمك ابوي مايفكك
زايد : اني داري بعمي الله يهديه
ابو زايد : نايف قم وانا عمك دخل المأذون هذا اهو عند الباب
جابر عدل جلسته بتوتر وجلس جنبه ثامر ..
ثامر : هد خلك ثقيل
جابر : ثامر يرحم امك اسكت تراني متوتر
ثامر : انصحك انا وانت وجهك ذا
قام نايف متوجهه للرجال يدخله ..وبعد خمس دقايق دخل وسلموا عليه وجلس المأذون متوسط الخيمة بكتابة ..
بدوا بقراءة سورة الفاتحة وبعد ربع ساعة لف عليه ..
المأذون : هل تقبل بـ ليلى بنت سليمان آلـ .. زوجةً لك؟
جابر ببتسامه عريضه وبسرعه : نعم اقبل
ثامر همس لنياف : حتى ما انتظره يكمل على طول جاوب
نياف ابتسم له : خله ياخي يستانس مناقره بفرحته
ثامر : لا والله الله يسعده
المأذون : المعذرة بس ابي موافقة وتوقيع البنت
ليلى الي كانت قريبة اهي والنسوان ويسمعون الي حصل ..طلع المأذون والكتاب بيده لليلى ..
المأذون من ورا الباب : هل تقبلين بـ جابر بن يافع آلـ .. زوجًا لك؟
ليلى بتوتر : نعم
المأذون الي يبي يسمع اجابتها كاملة وبصوت واضح : عزيزتي إذا تقبلين بالزواج ردي علي بـ نعم اقبل..ورجع يعيد سؤاله : هل تقبلين بـ جابر بن يافع آلـ.. زوجًا لك؟
ليلى علت صوتها : نعم اقبل
المأذون مد الكتاب ويده تحته : وقعي
ليلى اخذت القلم الي كان متوسط الكتاب ووقعت ..
المأذون : ولي امرك اهو القاضي الشرعي ، تتوجهون للمحكمة عشان يتصدق عقد زواجكم بأذن الله سمعتي يابنتي؟
ليلى : اي سمعت ياشيخ
المأذون : بارك الله فيكم
دخل المأذون للخيمة ووراه ابو نايف الي كان واقف معه ..ورجع المأذون يعيد كلامه بخصوص ولي امره لليلى ..
طلع المأذون واهو يعلن ليلى زوجة لجابر ، وجابر زوج لليلى بس ينقص التصديق لعقد الزواج بالمحكمة..
جابر سد سجود شكر : الحمدلله لك يارب
باس راس ابوه و الفرحه ماليه وجهه ..
ابو نايف واهو مستانس لفرحة ولده : الله يوفقك يارب ويسعدك
جابر : امين
صقر : مبروك يا ولد العم
جابر : الله يبارك فيك
ثامر : ها ارتحت؟
جابر : بقى شوي
ثامر انصدم : بعد!
ضحكوا واهم يعلنون افراحهم بالأغاني..
عند البنات ..لما ليلى ابعدت عن الباب ولفت لورا واهي تشوفهم واقفين ويناظرونها ..
وجود الي عيونها مليانه دموع وبمجرد ما ليلى لفت بكت ..و وريف الي حضنتها : مبروك يا روح اختك مبروك
ليلى خنقتها العبره : الله يبارك فيك
تركوها البنات وراحت تسلم على ام نايف تحت تبريكاتها ..
ام فرح : ياجعلها دايمه هالأفراح والسعادة يابنتي
ليلى : امين
فرح بصراخ : يلا يلا الاغاني خلونا نرقص
بدا الجو يبرد اكثر بعد ماغابت الشمس وبدت الأغاني تردح بأنحاء المزرعه بالأحتفال الصغير الي سووه برضى الطرفين ليلى وجابر ..
بعد ثلاث ساعات من هالحوسه ..
سُلاف سحبت ليلى : امشي اعدل مكياجك
ليلى بتوتر : ليه خرب
سُلاف : امشي
دخلتها الغرفة واهي تعدل المكياج وتسريحة شعرها وتعطرها ..
ليلى بستسلام : قولي ان جابر بيشوفني
سُلاف ابتسمت : ايه وضحى وصتني اعدلك لأنه يبي يشوفك
ليلى : خايفه يدرون
سُلاف : لا ماعليك بنغطي
ليلى ناظرت نفسها بالمرايا تعدل اكثر وطلعت مع سُلاف واستقبلتهم وضحى واهي تاخذها لجابر لمكان بعيد عنهم ..
وضحى : يلا بروح
ليلى فركت يدينها متوتره : طيب
مرت دقيقة و دقيقتين واهي واقفه بمكانها وتتلفتت تأففت بملل وقررت تمشي ..
جابر طلع لها واهو يبتسم : وين بتروحين؟
ليلى ناظرتها : شفتك تأخرت قلت برجع
جابر : ماتدرين اني كنت اتأمل من بعيد
ليلى ناظرتها وتكلمت بدلع : مالك داعي مخليني انتظرك هنا
جابر : بس متعت عيوني بشوفتك
ليلى ابتسمت له ..قرب لها واهو يمسك كتوفها بيده : الحمدلله
ليلى : الحمدلله
جابر : قرة عيني بقربك وانتي حلالي يا ليالي دنيتي
ليلى : و قرة عيني بقربك وانت حلالي يا جابر خاطري
جابر باسها على جبينها وحضنها وبادلته الاحتضان ..
جابر ابعد عنها بهدوء وجلسوا بالكرسي : متى تبين اخذك للبيت؟
ليلى : البيت تأثث ؟
جابر : البيت متأثث الحين وبيتأثث اكثر لو تبين
ليلى ابتسمت : بعد اسبوع ان شاء الله على ما ارتب اموري وعلى ما يتصدق العقد
جابر : على بركة الله
ليلى وقفت : بروح لا يشكون اني مختفيه
جابر : يلا وانا راجع لهم بعد
عند البنات بعد ماخلصوا رقص ..
جودي بتعب : خير وين ليلى انشقت الأرض وبلعتها
وضحى : تلقينها بالغرفة خايفه
سُلاف ابتسمت واهي تشوفهم شايفين ليلى بهالنظرة واهي الحين تلعب مع جابر ..
وريف : وش عندك تتبوسمين؟
سُلاف : يعني ملكة اختي ماتبيني افرح؟
وريف : الا افرحي افرحي
وجود جت واهي تدق رقبه : يلا امشوا ارقصوا معي
قاموا البنات معها تحت تصفيق الأمهات ..وقامت ام نايف رقصت شوي ورجعت تقعد..
فرح رفعت صوتها عشان الأغاني : خالتي امشي
ام نايف : مافيني شده هذا حدي
ام زايد لها : يازين ايام اول نرقص الين مايطيح الي براسنا و الحيل صامل ماشاء الله
ام فرح : اي والله كبرنا
فرح : توكم صغار امشوا بس ارقصوا وخلوا الدلع
ام زايد : روحي انتي ارقصي طلعي طاقتك الي مزعجتنا فيها
فرح واهي تهز خصرها : ابشري
ام فرح ضحكت : روحي يالخبله روحي
جت حليمه جلست بتعب واهي تمسح وجها ..
ام زايد : وش فيك يابنتي مارقصتي؟
حليمه : تعبت
ام زايد مدت لها المويا : خذي
شربت المويا وقامت طلعت من العجه تبي تتنفس هواء ربي ..
وقفت تناظر المنظر واهي تتكتف من برودة الجو ..
نايف من وراها : كأنك حاسه اني ادورك
حليمه بخوف : يمه بسم الله طيرت عقلي
نايف : بسم الله عليك
حليمه : وش جابك هنا؟ لو طلعت لك وحده من البنات؟
نايف : تغارين علي؟
حليمه : زوجي اكيد اغار عليك
نايف : اتصلت بالتليفون مليون مره فقعته اتصالات ابيك تطلعين لي
حليمه : الأغاني صوتها عالي ما سمعناه ، بس وش تبي؟
نايف : من جينا ماشفتك وش دعوه زوجه انتي؟
حليمه ابتسمت برتباك : معليش ياقلبي اخذتنا الوناسه
نايف : او يمكن لأني ما حسستك اني زوجك
حليمه عقدت حواجبها بستغراب : كيف؟
نايف : ماسمعتي وش قلت؟
حليمه : الا بس وش الي ما حسستني انك زوجي؟
نايف : يعني تشوفيني زوجك؟
حليمه قربت منه واهي تشوف حرارته : مافيك حراره وش قاعد تخربط انت؟
نايف بملامحه الحاده : منتي مقتنعه اني زوجك ؟
حليمه : نايف وش فيك وش تقول انت!!
نايف : جايك اليوم الظهر ابي اشوفك بس سمعت كلام مفروض ما اسمعه
حليمه بتوتر : ماقلت شي
نايف بعصبيه : اتبلاك يعني! اكذب انا
حليمه هزت براسها بسرعه : لا ما اقصد بس ماقلت شي فيك
نايف قرب منها : الموضوع يخصني كيف ماقلتي شي فيني!!
حليمه : بس انا تكلمت عن الي احسه وعن شعوري انا ما غلطت عليك!
نايف : يعني اسمع انك ما تشوفيني زوج ومقارنتني بأخوانك! مالي قيمة عندك انا ما مليت عينك!
حليمه خنقتها العبره : والله لا , والله
نايف بعصبيه : لا تحلفين اذا منتي مرتاحه معي ترا نقدر ننفصل و انتهينا اما انك تمشين بين الكل وتتكلمين عني بهالطريقة لا والله ياحليمه انا رجال ما اتحمل هالتصرفات
حليمه انصدمت : ننفصل!
نايف : اذا منتي شايفه اني الزوج المناسب لك ، ايوا ننفصل
حليمه بهدوء : نايف الحين انت معصب اذا هديت نتكلم
نايف : صدقيني لو اني معصب سحبتك من سمعتك تتكلمين بس الحين جايك على رواقه ..زي ما ارخصتيني بكلامك ترا والله ماعندي مشكلة بفرقاك لو تبين اقولها لك الحين
حليمه تحس انها انهارت من داخل واطرافها نملت : انت صاحي على الي تقوله يانايف!
نايف بعصبيه ماسكها لا يصرخ بأعلى صوته : ها وش قلتي؟
حليمه الي تمالكت نفسها وحست قد ايش مستغني عنها ولا مهتم تكلمت والغصه تحرقها حرق : طيب دامك تبي فرقاي ولا انت مهتم ، نتطلق بس مو الحين تو مالي شهر والكلام بيجيني انا وانت الي بتريح راسك .. ست شهور وكل واحد بطريقه
نايف الي اعتدل بوقته وبنظرته القويه : الي تبين يابنت عمي
حليمه لفت ودخلت لداخل واهي ماسكه نفسها لا تبكي وتكسر كل شي حولها دخلت اقرب غرفه وسكرت الباب وجلست بالأرض تبكي ، تبكي ألم وخوف ..
ضربت الأرض بيدها واهي تبكي : ليه هنت عليك ليه!!
دخلت ليلى وحضنتها بقوه : بسم الله عليك هدي
حليمه : ياليلى يبي يطلقني يبي الفكه مني ماصدق على الله يشوف شي علي
ليلى بصدمه شهقت : مستحيل
حليمه هزت راسها واهي تبكي : لا ماهو مستحيل توه قايل لي انه سمع وش قلت لك ودامني ما اشوفه زوج اهو مو مهتم لوجودي بحياته ولا مهتم اني ابتعد عنه باعني ياليلى
ليلى سكتت من صدمتها ..كانت توها راجعه من جابر وسمعت صوت حليمه ودخلت عليها واهي تشوفها بذا المنظر..بعد دقايق
حليمه هدت شوي واهي ترفع راسها لفوق : ابوي خلاني اتزوجه ولا ارفضه عشانه ولد عمي ومايبي المشاكل مع اخوه والحين لو تطلقت وش بيصير؟
ليلى تهديها : ماراح يصير الا كل خير وصدقيني فترة وبترجعون لا تشيلين هم
حليمه بقهر : ماشفتي عيونه كيف يناظرني وكأنه يتحداني! يستقوي على مرته
ليلى : خلاص لا احد يسمعك تكفين
حليمه واهي تمسح دموعها بعنف : لا احد يدري حتى خواتك
ليلى : ابشري من دون لا تقولين اصلًا
حليمه حضنتها : خايفه
ليلى بهدوء : لا تخافين كلنا معك
حليمه استنشقت هواء وتكلمت : مكياجي صار حفله صح؟
ليلى ابتسمت بزعل : اي والله ..اصبري اجيب اغراض سُلاف اعدل الي اقدر عليه
حليمه : يلا تكفين قبل يلاحظون اننا مو موجودين
ليلى قامت بسرعه : يلا
-
عند الرجال ..
ثامر الي الي مبعثر شماغه فوق راسه وفوقه العقال : اقولك رقصت رقص عشر عروس قدام
صقر : وبعدين تسدح لي مثل الشايب تعبان تعبان
ثامر ابتسم : ترقب الليلة هالموال
صقر تنهد : الله يعين
نياف جاء عندهم و دلة القهوة بيده مع مجموعة فناجيل ، قعد واهو يبتسم ..
نياف : والله بتجيكم احلى قهوة من صنع الأمير نياف
ابو نايف بعصبيه : يا قوي الوجه ماخذ القهوة ومنحجر بالزاوية مثل الفار! قم اقحص صب لي انا وعمك
نياف انصدم : يبه شف دلة القهوة عندكم وزايد يصبها وش فيك!
ابو نايف : اقولك قم انت
ثامر همس واهو يضحك : الحمدلله الحين استلم احد غيري
ابو نايف : قم معه انت يالتعبان
ثامر بصدمه : انا؟
ابو نايف : ايه قم اخلصوا علي
ثامر قام واهو يهمس : ما امداني اتفرح حتى
صقر غطى وجهه بشماغه واهو يضحك ..
ابو زايد استغرب : وش فيك يابوك!!
صقر وخر الشماغ واهو كاتم ضحكته : كنت بعطس يابوي لا تخاف
ابو زايد نقد : احد يعطس بشماغه مافيه مناديل يعني؟
زايد الي ماسك الدله ويناظر فيهم مستغرب : ياساتر ولعوا شيابنا علينا
ابو زايد : انت صب وانت ساكت
دخل جابر واهو مبتسم و وراه نايف الي ملامحه ماتبشر بالخير..
ثامر واهو يناظرهم : مقارنة مابين قبل الزواج وبعد الزواج
ضحكوا كلهم على كلامه حتى عمه ابو نايف ..
ثامر استانس : اعيدها؟
ابو نايف كشر بوجهه : يا ثقل دمك ما تنعطى وجه
ابو زايد واهو يضحك : ياخي خف على وليدي
زايد همس لنايف : فنجالك
نايف والعصبيه واضحه عليه : لا مشكور
جابر جلس واهو ينفخ صدره واهو مبتسم : والله يازين الجو
نياف يناظره بنظرة الي ادري وش سويت : اي والله يازينه
صقر جلس جنب نايف : وش بلاك راجع معفوس؟
نايف : تتوهم مافيني الا العافية
صقر بعدم تصديق : زين
-
عند البنات.. جلسوا بكشختهم حول بعض واهو يسولفون
فرح : يازين هاللمه
ام زايد : ناقصها بنيتي وعيالها
ام فرح : اي والله
ام نايف : ماقالت متى بتجي؟
ام زايد : لا والله اهي جياتها طواري تجي بأي وقت
ام نايف : يابنت الحلال اهم شي تجيك وتشوفينها وتشوفين احفادك
ام زايد ابتسمت : وان شاء الله عقبالك تشوفين احفادك
ام نايف رفعت يدها : يــارب الله يسمع منك
حليمه اعتفس وجها واهي تشرب القهوة ونزلت عيونها تحت نظر ليلى الي خايفه حليمه تحصل منها ردة فعلها تفضح كل شي وتصير مشكلة كبيره ..
وجود دقت ليلى : وش عندك تناظرينها؟
ليلى نزلت فنجالها : عاجبني مكياجها
وجود ابتسمت : حليمه ليلى شكلها معجبه بشكلك
حليمه ابتسمت تلطف الجو : لا كذا تخلوني استحي
وريف لجودي : متى بنرجع؟
جودي : بكره
ام زايد سمعتهم : وش ترجعون ياكافي! خلكم
وريف : والله ودنا بالجلسه خالتي بس انتي عارفه ليلى يبغى لنا نخلص اغراضها
ام زايد : اي والله راح عن بالي
ام نايف : متى بتمشون؟
وريف : بكره ان شاء الله
وضحى : اجل زين يمدي نحلل الجلسه
ام زايد قامت : انا بروح اريح وانام تصبحون على خير
ام فرح وام نايف قاموا معها ..
ام فرح : بنات لا تطولون بالسهر
وضحى : ابشري
طلعوا وبقوا البنات مع بعض وبدوا يسولفون وحليمه تحاول تندمج معهم ولا تحسسهم بشي ..
-
عند الرجال ..بدوا يرتبون فرشهم ..
زايد يتلفت بالغرفة : وين مخدتي؟
نياف : ما احطها بذمتي بس شايف ابو اذاني طالع من الغرفة يركض هقوتي معه
زايد وقف واهو يمسك عقاله وطالع بالسروال و الفنيله للغرفة الثانية : ثـامر
ثامر واهو منسدح وتعبان : هـا ما امداني اريح
زايد شافه منسدح على مخدته ، اشر على عقاله : تبيني امحطك بالعقال؟
ثامر جلس على حيله : وش تبي؟
زايد : سبك عندك انا! ، سارق مخدتي مسوي غبي
ثامر رجع ينسدح : يابن الحلال مخدتي مدري وينها من امس
زايد : وتسرق حقتي!
تقدم له واهو يسحبها بقوه : ابن امك اشوفك ماخذها مره ثانيه
دخل صقر واهو يمسح شعره من المويا : ترا موب وقتكم تتهاوشون خلنا ننام نريح
نياف وقف عند الباب واهو متكتف مبتسم : تهاوشوا نسوي جو شوي
صقر : انت انقلع لا تتصفق
زايد مسك نياف وراح الغرفة مع نايف ..اما بالغرفة الثانية الي يتواجد فيها صقر وثامر وجابر..
جابر دخل يدندن ومستانس ..
صقر بملل : درينا انك مستانس خلنا نرقد
جابر : ارقد احد ماسكك!
ثامر : يا جماعة احد يتبرع لي بمخدته رقبتي بتوجعني
صقر عصب: حط اللحاف تحت راسك واسكت انت وياه ازعجتونا!
جابر : ياليل الشايب خلاص بنسكت
ثامر : طف النور
قام جابر يطفي النور واهو راجع طاح من المسجل الصغير الي بطريقه ..
ثامر الي ماشاف شي من الظلام بس ضحك بقوه وقام يسرع يشغل النور ..
ثامر بشماته وضحك قوي : بـلاك ربي تستــاهل!!
صقر : الحين مولع النور عشان تضحك؟
ثامر : لا عشان اشوفه واهو طايح
قام جابر واهو يحك ساقه بألم : طف طف النور
ثامر زفر براحه : احسني مرتاح الحين
طفى النور واتجهه لفراشه ، وناموا الكل..
-
عند البنات الي كانوا يغسلون وجيهم من المكياج..
فرح واهي مغمضه عيونها وتصرخ بألم : وجود وخري دخل بعيني
وجود الي كانت عند المويا تغسل : اصبري شوي
فرح بعصبيه : اقـولك عيني!!!!
وجود ابعدت : ها امشي عمى نار
فرح واهي تغسل عينها بسرعه : وش ناره اقولك عيني احرقتني وانتي تتمططين
وجود : اغسل وجهي يعني ما اغسله
وريف : خلاص يامبزره خلاص
فرح وقفت واهي تمسح وجها :صارت حمراء عيني صح؟
وضحى واهي تناظرها : شوي مو مره
وريف : اقول وين الرباعي المرح!
فرح : حبيبتي كل وحده ام قلبين خلصوا ودخلوا الغرفة
وجود : بروح اداهمهم
وضحى : يلا وانا معك
عند حليمه وجودي و ليلى وسُلاف بالغرفة ..
ليلى انسدحت : اه يا الراحة
حليمه : حاسه بشعورك
جودي : وين فرح تقول يارب احس بشعوركم
وضحكوا البنات على مقصد جودي "ان فرح تبي تجرب شعور الزواج" ..
دخلت فرح واهي تفتح الباب بقوه : سمعت اسمي!
جودي : قطعناك تقطع
فرح : سلامات مايحق لكم وش قلتوا!
حليمه : قلنا ياشينها غثيثه ماتنحب ليتها تتزوج وتفكنا
فرح صرخت : آه الله يسمع منكم ويجي فارس الأحلام وياخذني للديار البيضاء المزهره
ليلى واهي منسدحه : هيه يالحبيبه ترا قبل هالدعوه سبه ليش تسحبين عليها!
فرح بغرور : مايهمني كلام العذال
وجود ضحكت : تعجبيني
فرح ناظرتها واهي تمد يدها : رغم انك رفعتي ضغطي تو بس كفك
مدت يدها وجود ..
وريف : اقول اعقلوا وناموا
فرح : لا اصبروا ابي اسولف
البنات : سولفي لحالك ، محد رايق
فرح انصدمت : يع! ياشينكم
سُلاف ضحكت : رحمتك تعالي نسولف انا وياك
فرح استانست وقامت عندها : يلا
قامت سُلاف مسكت راس فرح وسدحتها : اقول نومي بس وخلي البثاره
وضحكوا البنات اكثر وفرح الي تسبهم بعصبيه ، وناموا مع بعض اليوم لأنها اخر ليلة لبنات سليمان بالمزرعة ..
-
الصباح بالمزرعة ..عند البنات
جودي سكرت شنطتها وسحبتها لعند الباب : انا خلصت
وريف : وجود خلصتي ؟
وجود : انا مخلصه من زمان
ليلى : اتصلت على بشير مارد
وريف : شوي واتصلي عليه قولي له يجي العصر
ليلى : طيب
دخلوا للخيمة عند الباقين وافطروا وبدوا يرتبون مابعد الفطور ..
فرح واهي تغسل المواعين : حرام هاليدين تتحلل تحت هالمويا وتجف
وضحى بملل : اقول غسلي وانتي ساكته
حليمه جلست على الكرسي وحطت راسها على الطاولة ..
وضحى : وش فيك؟
حليمه : حايمه كبدي
فرح سكرت المويا ولفت عليها وتكلمت بهدوء : بنت لا تكونين حامل!
حليمه بزعل : مدري
وضحى فزت بفرحه : بذمتك!
حليمه اشرت لها بسرعه : تكفين اسكتي لحد يدري الين اتأكد
وضحى ابتسمت : ابشري ابشري
فرح جلست قبال حليمه : وانتي وش علتك ماتبين تحملين يعني! ليش تتزوجين اجل
حليمه تنرفزت : فرح بلا استهبال ووخري عن وجهي
وضحى سحبت فرح : روحي كملي المواعين
قامت حليمه ودخلت وتقفل الباب وترفع قميصها تشوف بطنها ..
همست : مافيه بطن
فرشت فراشها الي كانت مرتبته وانسدحت واهي حاسه بغثيان : يارب مو حامل يارب
عند البنات بالمطبخ ..
سُلاف : وين حليمه؟
فرح : مدري قامت وطلعت
سُلاف تأففت : ياليل ذا البنت الاحقها ملاحق
وضحى : وش تبين فيها؟
سُلاف : ناسيه كنس الخيمه على مين؟
وضحى وقفت : خلاص انا بكنسها
سُلاف : لا دورها حرام انتي تنظفين المطبخ
وضحى ميلت راسها : خلاص سُلاف انا بكنس خلها ترتاح
سُلاف : بكيفك
-
عند الشباب ..
ابو نايف بعصبيه : وانا ماني ابوك يومك تشتري البيت من وراي؟
جابر : يا يبه افهمني انا شاريه قبل فترة ومابغيت اتكلم الا بعد الملكة
ابو نايف : يعني حسبالك بتحطني امام الأمر الواقع !
ابو زايد : خلاص ياخالد الرجال شرا بيت ويبي يستقر فيه اهو وزوجته وين المشكلة
نايف : بعدين يبه جابر ماهو بزر يستشيرك بكل شي
ابو نايف : حتى ولو يعني لو انه قالي برفض! بالعكس بفرح له وابارك له
نياف : اساسًا بكل الحالتين اهو شاري شاري البيت زين يكفي نايف وحليمه وهذا ان جاهم عيال اكيد بيحتاجون الغرفة الثانية
ابو زايد : اي والله صادق نياف
ابو نايف تنهد : الله يهديك بس عسى البيت جاهز؟
جابر ابتسم : جاهز
ابو نايف : لا طلعنا من المزرعه تاخذني له انا وامك تشوفه
جابر : ابشروا
صقر مبتسم له : مبروك ياجابر الله يطرح فيه البركه
زايد : الله يكتبه بيت العمر وتشوف عيالك يطامرون فيه ليل نهار
جابر : امين
ثامر : عاد اعزمنا
جابر ضحك : ابشروا على هالخشم
نياف لف على نايف ويكلمه بصوت واطي : وانت ماودك ببيت؟
نايف ببرود : ما افكر الحين
نياف : زين
جاهم صقر واهو يصب لهم الشاهي ..
صقر يناظر نايف وعيونه عليه طول الوقت..
نايف : وش عندك انت تناظرني من امس!
صقر بجمود وبنظرة غريبة : سلامتك
زايد سحب صقر وطلعه برا من دون لا احد يحس ..
زايد : وش فيك على نايف وش ذا النظرات؟
صقر تكتف : ماني مرتاح حاس فيه شي صاير بينه وبين حليمه
زايد : وانت وش عليك حليمه ماهي صغيره وتعرف تدبر امور بيتها وحياتها
صقر : ادري اختي الكبيره و ابي اتطمن عليها فيها شي؟
زايد : لا ابد بس لا تسوي شوشره وتوضح للكل ان بينهم شي حتى لو بينهم شي مالنا دخل لا شفنا حليمه ذيك الساعة متأذيه ولا جت تتشكى عندنا وقتها نعرف تتصرف
صقر بتسليك : طيب
ثامر طلع لهم : وش عندكم واقفين هنا؟
زايد : نسولف
ثامر : امشوا طيب ابوي يبيكم
دخلوا للخيمة مع الكل ..
-
عند البنات .. على اذان العصر
ليلى سكرت التليفون بملل : بشير ما يرد للحين!
وجود مدت يدها : جيبي جيبي التليفون
اخذته من ليلى وبدت تتصل مره مرتين ورد عليها ..
بشير : هلا ماما
وجود : بشير تستهبل نتصل من الصباح وينك فيه!
بشير بتعب : ماما انا روح جيب بضاعه من برا تو اجي للدكان
وجود : وبعدين وش بتسوي؟
بشير : انا سياره مافيه كفي بضاعه اخذ شوي وحطه بالدكان و الحين ارجع مره ثانيه اجيب بضاعه باقي
وجود : ياربيه
بشير : ليه ماما انتا وش تبي؟
وجود : خلاص خلاص اكلمك بعدين
بشير : طيب
سكرت واهي تناظر البنات ..
وجود : بشير قاعد يجيب البضايع للمحل وبيرجع يجيب الباقي وش الحل؟
وريف : والله هذي البلشه صدق
ام زايد : ماعليه واحد من العيال يرجعكم
جودي : لا لا خالتي مانبي نثقل عليهم اغراضنا كثيره و الطريق يبغى له ساعه
ام نايف : عادي يابنت الحلال لو ان ليلى ماوراها جهاز كان خليناكم معنا بس لازم تخلص اغراضها
ام زايد : اي والله
ام فرح : خلاص اجل انا بروح اشوف من من العيال يوديكم
ام نايف ناظرتها : جابر لا يجي خله
ام فرح ضحكت : ادري خلاص ماينفع يشوف العروسه الين مايجي ياخذها
ليلى ابتسمت ..ام فرح قامت متوجهه لقسم الرجال لأنها الوحيده الي ماتتغطى منهم ، اخت الأخوين وعمة العيال..
ام فرح واهي مبتسمه : الحين مين الكفو الي بيودي بنات سليمان لبيتهم؟
جابر قام : اكيد انا زوجتي معهم
ام فرح : اقول اقعد
ابو نايف : عساك صاحي بس ماتشوف زوجتك الين ماتكون ببيتك
جابر : قلتها يابوي زوجتي خلني اوديها اهي وخواتها
ابو نايف اشر بعصابه : اقـعد
جلس جابر بملل ..
ابو زايد : صقر يابوي ودهم
صقر بهدوء: ابشر
ام فرح : اجل نص ساعة وكذا وبقولك تطلع
صقر : جاهزين اهم؟
ام فرح : ايه جاهزين بس انتظر يطلعون برا
صقر قام واخذ المفتاح يقرب السيارة لعندهم : طيب
عند البنات بعد ماجتهم ام فرح تقولهم يطلعون ..
ليلى واهي حاضنه حليمه : انتبهي لنفسك
حليمه : وانتي بعد
ودعوا الكل وطلعوا ..
وريف واهي تناظر نفس الطريق الي طاحت فيه : يا شينه
سُلاف ضحكت : موقف ماينسى
جودي : اي والله
وقف السيارة قدامهم ونزل بهدوء وعيونه على الأغراض : هذي كلها؟
وريف : ايه
سُلاف عضت شفايفها ماكانت تبغاه اهو الي يوديهم ..
اخذ صقر الشناط الثقيلة وبمساعدة البنات بباقي الأغراض يركبونها ..
صقر واهو ينفض يدينه : خلاص؟
سُلاف مدت شنطتها وتكلمت بهدوء : بقى هذي
صقر اخذها منها بسرعه من دون لا يناظرها او يبتسم وسكر الشنطة وركب بعد ماركبوا البنات ..
وريف عند الباب اليمين ويسارها ليلى وسُلاف و وجود فوق رجل وجود وبجنب صقر اغراض ..مشوا مسافة الطريق وكان هدوء وسُلاف تخطف النظر كل شوي لصقر واهي تناظر ملامحه بالمرايا هاديه بدون تعابير ماهي واضحه زعلان ولا معصب او فرحان..
وريف تنحنحت وتقدمت شوي واهي تناظرهم : اذا بشير بيروح يجيب البضايع متى نبدا نشتري لليلى؟
ليلى : ماعليه اليوم نروح سوق ديرة نشوف وش عندهم والأشياء الثانية نخليها بكره ولا بعده الين مايخلص
وجود : اي صح
جودي ناظرت سُلاف : وين لسانك؟
سُلاف الي تبي تلفت انتباه صقر الي كان مثل الجماد ولا نفس : راسي يوجعني شكل حرارتي ارتفعت
وريف مدت يدها تدخلها داخل لثمة سُلاف : بسم الله عليك مافيه شي
ليلى : شكلها داخليه
وجود : مو وقته عاد نبي نروح السوق
سُلاف : ماعليه عادي مصيري بطيب
ليلى : حطي راسك طيب على كتفي ريحي لك شوي
تسندت سُلاف على كتفها وعيونها على المرايا الي موضحه عيون صقر الي يناظر الطريق بعدم اهتمام لوجودهم ..
وريف : الجو يجنن ودي نخيم ببر
جودي : توك طالعه من المزرعه
وريف : بس البر غير
جودي ناظرتها : اجل نخلي زوج اختنا يطلعنا
ليلى : لا والله تتعبون زوجي
وريف ضحكت : بدينا هالحركات
ليلى بمزح : ايه كل شي ولا تعبه
وجود : هذي حركات واسلوب سُلاف شكلك تعلمتي منها واجد
سُلاف شهقت بخفيف : خير انا وش دخلني
ليلى واهي تستهبل : سُلاف كانت تقول كذا و اضحك عليها بس يوم اني تزوجت حسيت كلامها صدق
وجود انصدمت : شف الجاحده
وريف ناظرت صقر : الا صقر ماتبي تتزوج؟
ناظروها البنات مستغربين من شطحتها المفاجئه على صقر ..
صقر ببتسامه خفيفه وهدوء : الا ان شاء الله
وريف بعفويه : من سعيدة الحظ؟
صقر عيونها لازالت على الطريق : الي يجيبها النصيب
وريف تسندت : ايه الله يوفقك
صقر : وياكم
وجود : عاد اعزمنا ترانا خوات زوجة ولد عمك
صقر ضحك : اكيد ابشروا
ليلى ناظرت سُلاف الي عيونها تقدح شرار من العصبيه بس ساكته ..
ليلى بتغير الموضوع : صقر شغل اغنية
مد يده للمسجل يشغل الأغنية و رفع صوتها وعم السكوت عليهم واهم يسمعون ويتأملون مناظر المزارع الي على طريقهم ..
وصلوا للبيت ونزلوا كل الأغراض ووقفت سُلاف متكتفه قدام الباب وخواتهم دخلوا..
صقر مد لها الشنطة واهو يتكلم ببرود : خلاص هذي اخر شي
ما اخذتها سُلاف وهز يده : خذيها
سُلاف لازالت متكتفه : مين بتتزوج؟
صقر عقد حواجبه : وانتي وش لقفك؟
سُلاف واهي تحاول تتكلم بهدوء : لقفني الي مخليك تقرب مني وتسوي الي تبيه وبعدها تروح لغيري
صقر ابتسم : يعني تبيني لك؟
سُلاف بعصبيه : اتكلم انا جد! وين حركات الحب والعباطه الي تسويها لي واخر شي عيونك على وحده غيري!!
صقر بهدوء : وش تبيني ارد عليك؟
سُلاف الي ودها تعطيه كف تبرد الي بخاطرها احر ماعندها ابرد ماعنده : لا تقول شي
صقر مد يده مره ثانية : طيب خذي الشنطة
اخذت الشنطة ولف عنها متوجهه للسيارة..
سُلاف : صقر
صقر ناظر لها واهو عند باب السيارة وهز راسه يعني بـ هلا؟
سُلاف ناظرته بنظرة غريبة : مع السلامة
صقر سكر باب السيارة ورجع لها واهو منصدم : وش قلتي؟
سُلاف تراجعت على ورا من خوفها : وش فيك عصبت!
صقر : ماعصبت بس وش قلتي؟
سُلاف : قلت لك مع السلامة ما سمعت يعني
صقر ابتسم : مع السلامة
سُلاف مسكت يده : صقر
مثل صقر انه مل من مناداتها له : نعم يا سُلاف
سُلاف : زعلان مني؟
صقر ببرود : لا
سُلاف مستغربه: ماهي عادتك معي
صقر الي يبي يقسى بكلامه عليها يرد له الشعور الي حسه : والله ياطويلة العمر وعيت على نفسي اني اسوي شي غلط مع بنت ماتحل لي ، هالمشاعر و الرغبات تكون لحلالي عشان ماتحس نفسها بنت شوارع صح ولا لا؟
سُلاف : وش قصدك؟
صقر تكتف : يعني هالحركات الي اسويها معك مفروض اسويها مع حلالي ماهي معك
سُلاف بلعت ريقها وتعمدت تذكره : طيب ، وش صار على فالح؟
صقر شد بقبضة يده وتوجه للسيارة : روحي اسأليه اذا مهتمه
سُلاف ابتسمت بقهر : تمام مع السلامة
دخلت وسكرت الباب واهي ماسكه الشنطة معها ..
ليلى واهي طالعه بعبايتها : خير وينك فيه حسبت بعد صقر ساحبك بالسيارة
سُلاف فصخت عبايتها بعصبيه : وين بروح يعني جيت
ليلى استغربت : طيب شوي شوي
-
بالمزرعة ..
فرح فرق الخيل : حليمه امشي
حليمه بخوف : لا لا اخاف اطيح
فرح : امشي وش تطيحين انا اعرف
حليمه : ياربي يافرح والله انك نشبه خلاص خليني
فرح باصرار : تجين ولا الحقك؟
حليمه بنرفزه : طيب بجي
وضحى مسكتها ترفعها : شوي شوي فرح لا تسرعين
فرح ناظرت حليمه : منتي حامل؟
حليمه الي ماتبي احد يدري حتى اهي بنفسها مو متأكده : لا مو حامل بس لا تسرعين
فرح ضحكت : ابشري
وضحى : فرح لا تصيرين غثيثه واسمعي كلام
فرح : طيب
مشت اهي وفرح يدورون بالمزرعه و وضحى وقفت تناظرهم الين ما ابتعدوا عنها وجلست بالكرسي وحطت سلة الفواكة بحضنها واهي متربعه وتناظر الجهه الثانية الي كانوا فيها العيال و دخل صقر معهم ..جاها نايف و وراه ثامر
ثامر : وش جلسك لحالك يابنت العم
وضحى واهي تاكل : انتظر فرح و حليمه
ثامر : وين راحوا؟
وضحى اشرت لهم : من هناك
نايف : متغطين؟
وضحى : اكيد متغطين كلكم موجودين هنا
ثامر توجه للعيال بعد مانادوه و نايف توجه لفرح وحليمه ..
فرح كانت تتعمد تسرع وتضحك على حليمه الي تضربها خايفه ..
حليمه بزعل : يابزر يابزر والله ما عاد اركب معك نزليني
فرح واهي تضحك : خلاص والله بعقل
نايف من وراهم : وش صاير؟
فرح خافت : ياويلي من وين جاي انت!
نايف : وش مسويه بزوجتي؟
فرح بعفويه واهي تبتسم : زوجتك الي ساحب عليها
نايف ناظرها بعصبيه : وانتي وش دخلك؟
حليمه بهدوء : فرح رجعيني يختي
فرح سحبت اللجام : يلا
نايف : اصبري شوي
ناظر حليمه: انزلي تعالي معي
ماكانت تبغى بس ماتبي فرح تحس بشي ونزلت غصب عنها وركبت ورا نايف وتمسكت فيه ..
تعمد نايف ياخذها اتجاه اخوانها بس عشان صقر يشوفهم لأن عارف من نظراته انه حاس بشي وبهالفترة مايبي احد يدري عشان ماتصير مشكلة كبيره..
نايف همس لها : تمسكي زين
حليمه مسكته بقوه : لا ، لا تسرع
نايف لف عليها : ليه ما اسرع؟
حليمه بكذب : اخاف
نايف : خلي الخوف ما ركبت بزر معي
حليمه : خلاص نزلني
نايف : تتهربين مني انتي ولا وش سالفتك تقبلي ان باقي ست شهور
حليمه : ماله دخل اتهرب بس نزلني طفشت
نايف : طيب
مشى بالخيل شبه سرعه متعمد يعاندها واهي كانت شاده على نفسها وماسكته بقوه وكأنها تتوقع لو بداخل بطنها شي بتحميه..
نزلت بمساعدة وضحى ..
وضحى : عسى استانستي؟
حليمه بتسليك : ايوا
عدلت لبسها ودخلت داخل من دون لا تناظر نايف الي كان يكلم وضحى بس عيونه تلحق حليمه ..
-
بعد خمس ايام ، العصر عند البنات بالسوق..
وريف : هذا حلو
ليلى : لا ما ابيه
وريف بعصييه : ترانا من الظهر واحنا طاقين مشوار لسوق بأخر الدنيا لا ترفعين ضغطي وخذيه قلت لك حلو يعني حلو
ليلى : يختي مو غصب بدور واحد ثاني
وريف حطت اللبس على الطاولة : بكيفك انا بروح اجلس اذا خلصتي تعال لي
ليلى مسكتها : وريف وريف تكفين امشي معي
وريف : ليلى الله يهديك ترا ترفعين الضغط وش ذا الذوق الصعب خذيه
ليلى مسكت اللبس واهي تناظره : طيب
حاسبوا على الأغراض وطلعوا للباقين ..
سُلاف جت واهي رافعه الكيس : انا شريت لك المكياج وخرابيطه
وجود : وانا شريت لك الجزم و الشباشب "اكرمكم الله"
جودي : وانا شريت اغراض الشعر
وريف : وشرينا الملابس وش بقى؟
ليلى : العطورات
سُلاف تناظر الساعة : يلا فيه وقت خلنا نخلص كل شي اليوم تعبت وانا خمس ايام اجي للسوق
وجود : اي والله احسني نحفت عشره كيلو
ليلى مشت قبلهم لمحل العطور بعد ساعة طلعوا كلهم محملين الأكياس بالسيارة ..واهم يشوفون بشير نازل ويسولف مع العمال..
وريف ابتسمت : ياعمري حسبته طفشان ينتظرنا
ليلى : لا بشير حليل مايخالف
بشير جاهم يبتسم : ها ليلى عروسه خلاص؟
ليلى ابتسمت : اي خلاص
اخذ الأغراض منهم ويركبها السيارة وركبوا متوجهين للبيت ..
-
ببيت ابو نايف ..
ام نايف : كم بقى يا يمه وتاخذ مرتك؟
جابر : يومين
ام نايف : الله يبارك لكم بس البيت نظيف؟
جابر : ايه ماعليك نظفناه انا والعيال
نياف : حلبنا حلب ببيته
ام نايف ابتسمت : يازينه و يازين بيته
نايف : عاد موب تنسانا ماعاد تجينا
جابر : وش دعوه عليك يا ابو سامر البيت ورا البيت تعال متى مابغيت
نايف : ابشر ابشر
ام نايف : نايف يمه مافيه شي بالطريق ؟
نايف عدل جلسته بضيق : يمه الله يهداك تونا
ام نايف : وش تونا الناس من تتزوج تجيب عيال وش له الانتظار والتأجيل
نايف ما يبي يطول الموضوع : خير ان شاء الله خير
بغرفة وضحى..
حليمه كانت تمشط شعر وضحى : اقولك ماتحسين بنات سليمان مالهم حس
وضحى : الا كلمتهم حتى يقولون صاير وقتهم كله يروح بالسوق
حليمه : اي والله الله يعينهم مايروحون الا الي برا الديره احس يومهم كله يروح بالطريق
وضحى : صادقه بس خل ليلى تروح مع جابر والله اسحبهم تسحب عندي
حليمه مسكت راس وضحى ولفتها على المرايا : وش رايك؟
وضحى ببتسامة اعجاب : يجنن
حليمه وقفت : يلا عاد بروح لغرفتي اتمدد
وضحى : صرتي مثل العجوز كل شوي متمدده
حليمه ضربتها : انطمي من اليوم اشتغل معك انتي وخالتي خليني ارتاح
وضحى ضحكت : امزح يختي وش فيك علي
حليمه : جيبي جلالي بس وخلي السوالف
مدت لها الجلال وتغطت فيه ودخلت لغرفتها ، طلعت لها ملابس وتوجهت للحمام .
نايف دخل الغرفة واهو يسمع حسها بالحمام وجلس على طرف السرير ينتظرها ..طلعت واهي حاضنها ملابسها على صدرها وترجف من البرد وشافته جالس على السرير وواضح يفكر تعمدت تتجاهله وبدت تمشط شعرها واهي ترجف ..
نايف ناظرها : يعني مافيه شي اسمه دفايه
حليمه بهدوء : خربانه
نايف : وليش ما علمتيني؟
حليمه : ماجت على بالي
وقف واهو يسحب الدفايه و يشوف وش مشكلتها بطقه وحده اشتغلت ..
ناظرها مستغرب : وين خربانه شوفيها اشتغلت
حليمه ناظرته : حاولت اشغلها ولا اشتغلت قلت خربت
قرب لها الدفايه ومشى للسرير وجلس وراها يناظرها ..
حليمه لفت عليه واهي تربط شعرها : وش تناظر؟
نايف : قلنا ست شهور على ما نتطلق صح؟
هزت راسها : ايوا صح
نايف : وانتي متوقعه هالست شهور وانتي عندي ماراح المسك؟
بلعت ريقها بتوتر : وش تقصد؟
نايف عدل جلسته: يعني دامك عندي هنا نتعامل مع بعض كزوجين الين ماتروحين لبيت اهلك
حليمه وقفت بسرعه : لا معليش يا نايف اتفقنا اتفاق لا تقرب ولا اقرب انا خلنا كذا كويسين
نايف : وحقوقي الزوجيه ؟
حليمه سكتت واهي تناظره ودها تعرف وش يدور براسه وكمل حكيه..
نايف : اذا منتي مستعده تراني ماني عاجز على الثانية والثالة
حليمه قربت منه بقهر : تزوج عشر لو تبي بس ما تجيب وحده وانا على ذمتك للحين ولا تسبب مشاكل بين عمي وابوي منت عاجز عن ست شهور صبر وانت صابر ٣٢ سنة بدون زواج
نايف انصدم من اسلوبها : انا تكلميني بهالطريقة ؟
حليمه بعصبيه واضحه : زي ما انت تكلمني بهالطريقة تحمل هالأسلوب الي بتشوفه من اليوم ورايح
نايف وقف واهو يمسك دقنها بقوه وعيونه تلمع من العصبيه : حـلـيمه!
حاولت تبعد يده عنها : والله لا اصرخ الم البيت كله عليك
نايف واهو شاد على كلامه : سويها اذا انتي بنت ابوك
دفته عنها ورجع لها بسرعه واهو يسحبها للسرير وكانت تحاول تفك نفسها منه ، سدحها وانسدح وراها واهو حاضنها وكانت تسمع انفاسه المتسارعه شوي شوي تخف..حست انها جمدت بمكانها عجزت تفهمه وذا الموقف لحاله حسسها انه مو طبيعي..
حليمه تبعد نفسها : وخر
نايف لازال حاضنها و وجه عند رقبتها من الخلف : خلك
حليمه : والله لو تسوي الي تسويه ما اسامحك ولا اتراجع عن هالطلاق
نايف بهدوء : ومين قالك اني متراجع الطلاق بيصير بيصير بس خلي هالليلة تعدي على خير
سكتت حليمه واهي تتأمل الجدار وحاسه بيدينه تحاوط خصرها خايفه يلاحظ شي اهي ماتبيه يلاحظه..
حليمه بصوت مخنوق : خلاص نايف ابعد ماني مرتاحه كذا
تجاهلها وشدها اكثر ومسكت يده بسرعه تخفف من شدته على بطنها ..
نايف رفع راسه : وش عندك انتي تبعدين يدي؟
حليمه لفت عليه : فكني
نايف : ماراح افك ولا تخليني اشد اكثر واكسر ضلوعك بحضني
لفت على طول عنه واهي تتعدل ، ماتدري ليش ماتبي تعلمه خايفه من ردة فعله خايفه من كل شي ..ولا تبي ترتبط فيه بشي وعلاقتهم بهالهشاشه
حطت راسها واهي تتذكر قبل يومين ..
حليمه جلست بالأرض مع دفترها واهي تعد ايام دورتها الشهرية ، رفعت راسها ..
حليمه بهمس وصوتها يرتجف : ١٢ يوم ما جتني وهذي مو عادتها
سكرت الدفتر على طول من دخوله عليها ..
نايف استغرب : وش عندك؟
حليمه بتصريفه : ابد ارسم
نايف واهو يفصخ شماغه : وريني
حليمه قامت على طول واهي تشيل دفترها الصغير : اذا خلصتها بوريك
نايف : وريني الحين وين المشكلة؟
حليمه تلطف الجو وماتبي تعانده لأنه تعرف بيصر اكثر : اخلصها و بتشوفها لا تخرب علي الحين
نايف هز راسه : طيب
لبست جلالها على طول واهي تطلع بدفترها ماتبي تحطه وياخذه من وراها ..حطته بصدرها الين ما رجعت للغرفة وماكان فيه ودسته بين ملابسها ..
-
يوم جديد ، الصباح
جودي قاعده تبكي بالمطبخ لحالها ..دخلت سُلاف وانصدمت من منظرها وتقدمت لها بسرعه..
سُلاف : وش فيك؟
جودي : ماني متخيله بكره ليلى بتروح وتخلينا
سُلاف جلست على الكرسي وملامحها معبسه : ياربي خوفتيني احسب صاير شي كبير
جودي : وهذا مو شي كبير
سُلاف خنقتها العبره : الا
جودي : ما ابي اضيق صدرها وتشوفني ابكي بس ماقدرت يوم دخلت غرفتها مالقيتها انقبض قلبي تخيلت هالشعور من اليوم ورايح
سُلاف سحبت المنديل ونشفت دموعها على طول : بتخليني ابكي على عالصبح
جودي : غصب عني
سُلاف : بتروح بيت زوجها ماهي رايحه من شر ان شاء الله
حودي : ادري بس بفقد لمتنا يالخمسه مع بغض دايم
ليلى دخلت عليهم واهي سامعه كل شي : ومن قالكم اني خلاص بسحب عليكم لا تزوجت
جودي وقفت تحضنها : ما اقصد تسحبين بس يعني بيكون بيتك الثاني اهو الأساس
ليلى : كلكم اساس عندي
سُلاف : مصيرنا بنتزوج كلنا
ليلى ابتسمت : وايه اذا اجتمعنا بنكون بعيالنا بعد
جودي وخرت عن ليلى واهي تمسح دموعها : وعيالي وعيال سُلاف بيتهاوشون دايم
سُلاف : وعيال ليلى بيسكتونهم مايبونهم يصارخون
ليلى : في هذي اكيد وعيال وريف بيفرقونهم
جودي ضحكت : وعيال وجود؟
ليلى : بيوقفون يناظرون من بعيد مالهم بالمشاكل
دخلت وجود واهي تقول : قاعده اشم ريحة عيالي
سُلاف : كلاب موب عيال
وجود : ياقليلة الحيا اخلصوا وش تتكلمون عنه
جودي علمتها بالسالفه وضحكت وجود..
وجود : فعلًا عيالي بيطلعون مسالمين مثلي
سُلاف : خليني اربيهم
وجود : اذا صرت بنص عقل خليتك تربينهم
سُلاف : يحصل لهم
قطع سواليفهم منادات وريف لهم ..
وريف بصوت عالي : مخليني لحالي امشوا
ليلى تأشر لهم : يلا يلا نطلع عندها لا تصيح
-
ببيت جابر ..الظهر
وضحى تخصرت : ياربيه انهد حيلي وين التنظيف الي تقوله ياجابر!
جابر واهو يضحك : والله نظفناه بس توصخ عاد وش نسوي
ام نايف : خلوا السوالف عنكم ماعاد بقى الا غرفة امشوا نخلصها
جابر : وانا بنادي العيال يجون نغسل الحوش
حليمه طلعت من المطبخ : خالتي انكسرت المكنسه
ام نايف : وش كسرها
حليمه : مدري ما امداني اكنس الا وتنكسر
ام نايف : جابر جب على طريقك مكانس لا تتأخر
جابر : ابشري
طلع جابر وحليمه شالت الجلال من عليها : اف انكتمت
وضحى : عاد الجو بارد
حليمه : بارد ولا ماهو بارد تشتغلين وانتي متغطيه بتنكتمين
ام نايف : اي والله صادقه
وضحى : طيب ممكن نخلي السوالف ونخلص الغرفة ونرجع لبيتنا لأني تعبت
حليمه : يلا
دخلت حليمه و وضحى لأخر غرفة ينظفونها ويرتبونها ..وام نايف تشب المبخر و ترتب الي بطريقها ..
دخل جابر واهو جايب مكانس كثير..
ام نايف بصدمه : جايب مكانس الديرة كلهم
جابر ضحك : كلها خمسه عادي
ام نايف : حط وحده والباقي ادعسها بالمخزن
جابر : ابشري
حليمه من عند الدرج : خالتي جابر جاء؟
ام نايف : ايه
حليمه : الله لا يهينك اعطيني جلالي شوفيه فوق الكرسي
قامت ام نايف ومدت لها الجلال تتغطى وتوجهت للمطبخ ..
ام نايف : خلصتوا؟
حليمه واهي تشرب المويا : ايه الحمدلله
ام نايف : وين وضحى؟
وضحى واهي تحط الزبالة الأرض وتتنهد : هنا
ام نايف : يلا كانكم خلصتوا نطلع
حليمه : والحوش؟
ام نايف : الحوش عاد على الرجال ماعاد فينا شده احنا
وضحى بتعب : اي والله
لبسوا عبايتهم طالعين على جيت الرجال ..
ام نايف بتهديد : لا تدخلون الغرف وتوصخونها تنظفون الحوش وتطلعون
ثامر : امرك انستي
نايف جاء جنب حليمه : تعبتي؟
حليمه بهدوء : ايه
ام نايف ناظرت حليمه : يلا امشي
مشت من دون لا تناظر نايف متوجهه للبيت مع وضحى وام نايف..
زايد رفع ثوبه : يلا
ثامر فصخ الثوب : يلا
جاء جابر واهو يسحب لي المويا وعلى وجهه ابتسامة : نبدا؟
نايف ابعد عن وجهه على طول : والله ما اظن فيك خير انت
جابر ضحك : وش فيك مرتاع
نايف : اعقل ها الجو بارد ترا ماله داعي تسبحنا
نياف واهو يرمي عليهم المكانس : يلا بس اشتغلوا
بدوا يرشون الأرض ماء وزايد وصقر رايحين جايين بمكانسهم ، وجابر يوجه لي المويا على المكان ..
جابر واهو متعمد يرش صقر : هنا هنا
صقر بعصبيه : وخر عني لا الفه على شعرك
جابر يلعب بشعره : غيران
نايف : جابر تراك حومت كبدي ناشب هناك امش رش هنا
جابر واهو يسحب اللي بقوه : يلا جاي
مع سحبته انفلت منه على ثامر الي كان جالس بالأرض ويشيل الأشياء الكبيره عن الطريق
ثامر شهق من البروده : ياخسيس
جابر ضحك بقوه : والله ماقصدت والله
ثامر قام ينفض نفسه : ما اشوفك ترش على صقر من الصبح بتمشي علي يعني
صقر ناظره بسرعه : يعني متقصد يرشها علي؟
ثامر : ايه
حط صقر المكنسه بالأرض واركض ناحية جابر واهو يسحب منه اللي ويرشه على جابر ..
جابر يحاول يمسك يدين صقر ..وجاء نياف يركض واهو يضحك يقاله بيساعد اخوه وزلق بالأرض وطاح فوقه زايد ..
زايد بعصبيه : جعلك الجني كانك مطيحني بكل مكان معك
نياف بألم واهو يضحك : والله يا انك طرت طيره
ثامر يصارخ : هيه المويا لا تدخل بالغرف اقسم بالله خالتي ام نايف تكسر ارقابنا
جابر واهو متمسك بصقر : فك
صقر : فك و افك
جابر : اقولك فك اخلص
نايف يناظرهم من بعيد ويبوس يده وجه و قفى : ياربي لك الحمد راح يجلس على الكرسي واهو يناظرهم جابر وصقر متمسكين ببعض و نياف وزايد بالأرض طايحين وثامر معصب تجمد من البرد..
ثامر : قم انت وش مجلسك!
نايف بهدوء : خلهم يخلصون لعب ونقوم ننظف
صقر فك لي المويا واهو يمسح على شنبه : اشق وجهك شق اشوفك محارشني
جابر واهو يرجع شعره على وراه : اقول نظف نظف وانت ساكت
زايد ناظر لنايف : ساعد يلا
قاموا كلهم ينظفون وكل شوي واحد فيهم طايح ..
نايف : اظن ماراح نطلع من هالبيت الا واحد فينا مكسور
زايد ماسك يده بألم : اي والله
جابر سكر المويا : خلاص خلصنا
ثامر واهو يرجف : يا رجال ماعاد اقدر امسك اسناني قامت تتصافق ببعض
لبس ثوبه الجاف تحت سرواله وفنيلته المبتله : الله يعين الحين بطلع بالشارع بذا المنظر
صقر واهو يناظر زايد ونياف : صدقني فيه الي اسوء منك
لف يناظرهم وكانت ثيابهم مبتله و فيها تراب من طيحتهم القوية ، وقام يضحك على اشكالهم..
نياف بقهر : مسوي تضحك انت وثوبك ذا المقنزع
ثامر واهو ينزل ثوبه : اقول امشوا نطلع كلنا مع بعض فشلتنا وحده تصير اهون
نايف الي كان افضلهم منظر : بمشي قدامكم
طلعوا كلهم والأنظار عليهم ..
زايد : ياساتر يا هالعيون
نياف : ياخوي امشوا بسرعه
جابر ناظر لهم : نتسابق؟
صقر ركض اول واحد فيهم وصرخ : يلا
وبدا كل واحد يركض وراه ..
صرخ ثامر بقوه واهو يركض : بــرد
استمروا يركضون لين وصلوا اقرب بيت لهم الي اهو ابو نايف و بعد بيته بأربع بيوت متواجد بيت ابو زايد ..
صقر: ها نتسابق بعد للبيت؟
ثامر الي يالله يالله يتحرك : يا عيال ثوبي جمد
لفوا زايد وصقر على شكله واهو يمشي وطاحوا بالأرض يضحكون..
ثامر بعصبيه : مبزره اقسم بالله
مشى عنهم واهم لازالوا يضحكون على مشيته الثقيلة