بعدك يابوي اصبحت دنياي عرجاء بلا عكاز

25

يوم جديد على ابطالنا ..
البنات كانوا بالغرفة و غايصين بالسوالف وماهم حاسين ..
فرح مسكت السلسال : يهبل ماشاء الله
جودي ابتسمت : نياف جابه لي
فرح : تتهنين فيه ان شاء الله
سُلاف : يعني انتوا خلاص بتقعدون بالرياض؟
جودي : الشكوى لله هذا المكتوب اقعد معها
فرح بستنكار : عشتو احمدي ربك خليت فارس يجيبكم بالشقة الثانيه ولا كان سحبت عليك صدق
وريف : لا بالعكس حلو مره انكم مع بعض مو كل وحده بمكان عشان ماتحسون بالملل ولا الوحده
سُلاف : وايه اي وحده تتهاوش مع زوجها الثانية تفزع لها
وريف ضحكت : بس ذا الي همك!
سُلاف : ايه لازم نكون يد وحده وعليهم
فرح : الله لا يجيب المشاكل
دخلت حليمه وهي طفشانه : ماودكم تطلعون!
ناظرتها وكملت :خلاص وريف يرحم والديك تراه صار زوجك وش له تتخبين؟
وريف : يختي ما ابي اشوفه الين بعد العرس
حليمه : والله انك غبيه بكره بنمشي تعالي استانس بمناظر الرياض قبل تنقبرين بالديره
جودي وقت وهي تلبس عبايتها : خلاص بكلم نياف يطلع العيال برا ونطلع احنا يالبنات عشان ناخذ راحتنا بعد
فعلًا طلعت و راحوا العيال لقسمهم وطلعوا البنات وبدت تحلى سواليفهم وتخطيطاتهم للزواج الي بيصير بعد يومين بالديرة ..
ام نايف : عساك مرتاحه يا وريف؟
ابتسمت بخجل : الحمدلله تمام
طلعت جميلة وهي متضايقه وتناظرهم ..
حليمه : وش فيك؟
جميلة : لا سلامتك
حليمه : اخلصي والله وجهك فيه شي
جميلة : يختي الله يهديه بدر مصر الا نرجع للدمام و بالطياره بعد
ام زايد وهي تسمعها : خلاص ارجعي معنا!
جميلة : لا زحمه ماتكفي السيارات ومعي عيالي واغراضهم ما ابي اضايقكم
وريف : لا تكفين جميلة حضرتي كل زواجاتهم الا زواجي ماراح تجينه!
جميلة ابتسمت بزعل: والله ودي بس وش اسوي!
فرح : خلاص ترانا بنمشي مع بعض تعالي انتي وعيالك بالسيارة معي انا وفارس
فزت ام زايد بفرح : ايه زين تسوين خلاص تعالي معها
جميلة : ومن بيرجعني للدمام؟
ام زايد : اجلسي عندنا الين ما يطق ابو عيالك ويجيك
ابتسمت برضى : خلاص دام كذا توكلنا على الله
ام فرح وقفت وهي تصفق بيدينها : يلا قوموا تولموا وخلصوا اغراضكم بعدها كملوا جلسة السوالف..
قاموا البنات وهم يشيلون اغراضهم ويجمعونها وكان البيت فعلًا حفلة بحوستهم ، حتى بعد ماربتوا اغراضهم بدوا ينظفون البيت و العيال استلموا قسمهم بعد ما انفجر عليهم ابو نايف من برودهم ..
-
الساعة ٨:٣٠ الليل ، بالحديقة تحديدًا ..
جلست جنبه وهي تناظره : الحلو وش يفكر فيه؟
ناظرها وابتسم : ابد افكر بالمواعيد الي بتخلينا نجي للرياض كل فترة
سُلاف : عادي نغير جو ولا ماودك؟
صقر ناظرها بتمعن : ليه كل شي تقلبينه ايجابي؟
سُلاف : لأنه ايجابي فعلًا ، لو تفكر فيها هالفترة راح نتقرب اكثر من بعض ونفهم بعض اكثر
صقر ابتسم : ونثبت حبنا اكثر بعد
ابتسمت ونزلت راسها بخجل : ايه اكيد
صقر : واضح انك تعبتي من الشغل
سُلاف : لا عادي تقاسمنا الشغل بينا بس ليلى مريحينها وفرح اشتغلت شوي
صقر : يلا عقبالك
ضحكت : باذن الله لا تستعجل على الرزق
صقر بتفكير : اتمنى بعد صبرنا هذا ربي يرزقنا بثلاث او اربع توأم
شهقت بخوف : اربعه! خاف ربك ماني قطوه انا
ضحك على وجها وابتسمت على ضحكته الي طلعت من قلب وكملت : ياخي واحد يكفينا لا تقول كذا
صقر : ماودك بالأربعه؟
هزت راسها بسرعه : لا طبعًا وش اسوي فيهم هذول
صقر : ماش ماعندك تخطيطات ، نجيب اربعه ونشغلهم بالبيت كل واحد يمسك حته
سُلاف : وناوي تكرفهم بعد؟ لا حبيبي عيالي مدلعين مايشيلون شي
صقر : ايه طيب نشوف بعدين
تسندت وهي تتكتف ورفعت راسها للسماء وتنهدت : يارب
صقر : ودي ابوسك
ابعدت عنه وهي تناظره بصدمه : وش فيك اليوم صاحي انت!
صقر : انتي الي مروعه ماقلت شي غلط
وقفت وهي تنفض جلابيتها : خلاص روح للعيال
صقر: ايه خايفه نجيب العيد
ضربته بخفه على صدره ومشت وهي تتكلم : روح بس وانتبه لنفسك
قام وهو مبتسم و يناظرها الين ما اختفت عن عينه ومشى لناحيتهم ، ويحس انه شال عنه حمل من على صدره بكل مره يجلس حولها و تكون معه وتخفف من همه ..
-