بعدك يابوي اصبحت دنياي عرجاء بلا عكاز

24

بالـبيت ، بعد ما اخذ كل واحد زوجته يمشيها بالرياض و الكبار طلعوا بالحديقة ، وريف وجودي و وجود و وضحى داخل ...
قاموا بسرعه وهم يحطون غطاويهم على وجيهم وطلعوا يسمعون صوت ام نايف ..
نياف بعصبيه : وانا ماقلت شي غلط
ام نايف مسكت راسها : ياربي منك كانك بتهبل فيني! لا تنكد علي بهالسفره وتخليني اندم اني خليتك تجي هنا!
نياف ناظر ابوه وعمه : تكلموا قولوا لها شي ماسويت شي غلط انا!
ابو نايف : انت وش الي طرى عليك اصلًا انك تقعد بالرياض!
نياف : فيها غلط لا استقريت هنا و اشتغلت؟
ابو زايد بهدوء : بس وانا عمك وش قاصر عليك من فلوس يومك تبي تشتغل هنا!
جلس وهو يزفر بعصبيه : انا مكلم فارس يدور لي ولقاها ، وما ابي اضيع هالفرصة يرحم والديكم افهموني
ام نايف دمعت عيونها : كيف اخليك و اروح !
قرب لعندها وباس راسها : اوعدك يوميًا اتصل عليك ولو تبين كل اسبوع اجيك جيتك بس تكفين يمه استوعبي انا كبرت و ودي اشتغل هنا و استفيد حتى تجارة ابوي اوسعها هنا واكون مسؤول عنها
ام نايف هزت راسها بهدوء : بفكر لا تضغط علي
ماحب يضغط اكثر لأنه عارف بيمشي كلمته بس مو بهالطريقة ، مايبي يزعل احد..
لفت وريف للبنات تناظرهم مستغربة من رغبة نياف ولا لقت جودي وعلى طول دخلت للبيت ..
وريف : ليش دخلتي؟
جودي اشرت على برا : شفتي يبي يقعد هنا عشانها
ناظرتها بستغراب: هاو! عشان مين؟
جودي بعصبيه : عشان ام جنز الله لا يبارك فيها
وريف مسكتها بقوه ودخلتها للغرفة وبتهديد : قصري صوتك لا احد يسمعك! وبعدين فهميني هالرجل متى بتعتقينه؟ خلاص ارحمي نفسك انتي بعد
جودي خنقتها العبره وتكلمت بنبرة بكا : بس وريف شوفيه من شافها طلب يجلس هنا
وريف : مو هذا الي تبينه؟ مو قلتي ابعد! جودي ليش صايره طفوليه وما تنفهمين!
نزلت راسها وبكت ، وماقدرت وريف تقسى اكثر وحضنتها وهي تزفر بهدوء : ماهي من طبايعي هالحركات بس كانك تحبينه وتبينه كلميه
رفعت راسها وهي بحضنها بستغراب : انتي تنصحيني كذا؟
وريف تنهدت : لأن شفت الحب بعيونك حتى سالفة سعد ما ابي احاول فيك توافقين عليه كزوج لأن هالعلاقة واضح ماراح تنجح ، نياف يا تسمحين له يعيش حياته زي ما اهو لحاله او تروحين له وتكلمينه
جودي بهدوء : اكلمه وش اقوله؟
وريف : الي بقلبك
ابعدت عنها وناظرت بعيونها : واذا ردني؟
وريف : وقتها ابعدي عنه فعلًا وتقبلي ان ما بينك وبينه نصيب
قامت وريف فتحت الباب للبنات ودخلوا وهم مستغربين ..
وريف : وش صار بعد؟
وضحى : ولا شي سكتوا
وريف تخصرت وزفرت : اشوا
-
بـ بيت اهل فارس ، الساعة ١٠ الليل..
سديم بفضول : تتوقعين بتسوي شي؟
فرح : والله مدري عنها ليتك ما مديتي يدك وش بيفكنا منها
سديم بعد اهتمام : قلعتها تحمد ربها انكم ابعدتوني عنها ولا كان قطعت شعرها ام الخلاقين
دخلت الجوهره مستعجله : بنات وجدان وربي وربي عند جدي
ناظروا بعض بخوف ..
سديم : الله ياخذها الساحرة بتفر راسه
وفعلًا ماهي دقايق الا وداخل الجد عليهم و الشياطين راكبه راسه : ســديـم!
وقفت بسرعه : لبيه
الجد : لبة العصى جنبك يابنت الكلب كذا تسوين في بنت عمتك!
سديم : اهي الي مدت يدها اول ولا ماكان مديتها
الجد قرب لعندها بخطوات ثقيلة ومسك شعرها : والله العظيم اني لو اشوفك مره ثانية ماده يدك عليها اني لا اكسرها لك
الجوهره وهي تحاول تفكه : ياجد تكفى فكها
فرح ناظرت لوجدان الي كانت متكتفه ابتسمت بمكر وهي ترفع حاجب : ايوا جدي عليك فيهم ، مستقوين علي هالثلاثة
الجد ناظر فرح بإشمئزاز : وانتي احشمي البيت الي قاعده فيه ، ادخلي و اطلعي بخيرك
فرح : علم ست الحسن و الدلال لا تترزز عند حلال غيرها
لف الجد لوجدان وهو مو فاهم ومستغرب وهي اعتدلت بوقفتها بتوتر ومشت لعنده مسكت يده : جدو تعال معي لا يرتفع ضغطك
طلعوا مع بعض ، وجلست مقهوره : يارب تموت يارررب
الجوهره : خلاص لاعاد تحاكونها انتوا عارفين انها دلوعة جدها بيوقف معها لو انها الغلط
سديم ناظرتها : وانتي لا تعلمين احد بحملك الين ماتنقلين لبيتك ماتدرين هالساحرة وش تسوي عشان تضرك
فرح مسكت بطنها بخوف : يمه استودعته الله
سديم : ايه لا تعلمين حتى عبير بالأخير اختها
فرح هزت راسها : طيب
-
الساعة الواحدة و النصف ..
جالس بالحديقة و بدلة الشاهي و بيالته و الأوراق قدامه ويعبيها بتدقيق ، مقرر يحط اهله امام الأمر الواقع بعد مايقدم اوراقه ويضمن الوظيفة ١٠٠٪؜ ، لأن مبدئيًا مهد للجميع انه لقى له شغله بس ما علمهم ان احتمالية قبوله عاليه ..
وقف كتابة من حس بمشية شخص و توقفت قريب لعنده قلب الورقة ورفع راسه و رفع حاجبه بستغراب : وش تبين؟
جودي بتوتر : وش تسوي؟
نياف أشر لبعيد : هناك فيه مكان اقعدي فيه لا تحارشيني في ذا بعد
جودي جلست جنبه وناسيه تمامًا ان ممكن احد يطلع ويشوفهم : وش تسوي؟
نياف رجع يكتب ورد ببرود : اوراق ماتخصك
بلعت ريقها وهي تناظره : عادي توقف كتابة؟ ابي اتكلم معك
خبط القلم بالورقة بغضب : وش تبين؟
جودي : كلمني زي الناس اولًا
استنشق الهواء ورد بطولة بال : جايه تنكدين بقولك مايحتاج لأني فعلًا متنكد ، تقدرين تدخلين
جودي بهدوء وهي تناظره : نياف
هز راسه وكأنه يرد عليها وكملت حكيها بتوتر : بتقعد بالرياض ليه؟
نياف بملل : اعطيني خلاصة كلامك لأن واضح تبين توصلين لشي
نزلت راسها وتنهدت : ابي اوصل لك
نياف قرب اذنه لعندها : هـا؟
رفعت راسها وناظرته : ايه ابي اوصل لك
نياف بستغراب : توصلين لأيش؟
جودي بعصبيه : تسحب مني كلام ؟ خلاص افهمها لا تصير ابله
نياف : تقصدين الكلام وتبيني افهم كيف؟ تكلمي زي الناس
لفت بجسمها كله اتجاهه و تكلمت بنفعال : ما ابيك تقعد بالرياض ، ارجع معنا
نياف : الحين مو قلتي ان الشي الي بيرضيك بعدي؟
جودي بستغراب: انت بتبعد عن الديرة بكبرها عشان تكسب رضاي!
نياف بكبرياء اخذ الورقة وبدا يكملها بدون لا يرد عليها ، مسكت القلم وخطفته منه : اكلمك انا
نياف بشكل هجومي : ايه ببعد عن الديرة بكبرها عشان ما اشوفك ولا اسمع لك طاري ولا اسمع صوتك ولا المح زولك ، ارتحتي كذا؟
جودي تعبرت وتحس بكتمة بقلبها : لذا الدرجة كارهني؟
اخذ القلم منها وبدا يكتب : ما اكرهك انتي الي تكرهيني ولا تبيني
جودي : الا ابيك
رفع راسه بصدمه : عيدي وش قلتي
فركت يدها بتوتر : ابيك
ضغط على القلم الي حسه تهشم بين يديه : والحاجز الي بينا؟
جودي : مهدوم من زمان
نياف بستغراب : كيف؟
ميلت راسها وهي تضيق عيونها ببراءة : نرجع مثل اول؟
نياف ابتسم واختفت ابتسامته على طول وتكلم ببرود : وسعد؟
جودي ببلاهه : وش فيه؟
نياف : ابد اعزميه على بيالة الشاهي الي بخبطها براسك الحين اخليك تصحصحين
جودي ضربته من كتفه : كلمني زين ترا مو اصغر عيالك
نياف : بتفصخين خطبتك منه ولا روحي ادخلي وفكيني من بثارتك
جودي : واذا فصختها؟
نياف : اتزوجك اظن قايل لك من زمان
ناظرته وكأنها تتأمله وناظرها بستغراب : فيك عله انتي؟
جودي هزت راسها تشتت مشاعرها : واذا تزوجتني نرجع للديره؟
نياف : لا بتبقين معي هنا و عندك فرح
جودي بزعل : وخواتي؟
نياف : اتزوجهم بعد؟
عقدت حاجبها بعصبيه : بلا استهبال يا عبيط كلمني زين!
نياف تنهد : ماراح يضيعون بكل مره ازور اهلي بتجين معي او صدف بيوم فرح رايحه روحي معها
جودي وقفت وهي تعدل عبايتها : بفكر و ارد لك
ناظرها ببرود : لا تفكرين افصخي الخطبه واعطيني خبر اكلم اهلي
مشت تاركته ومشاعرها متخبطه مابينا فرح وزعل وتشتت وخوف ، ماتدري بأيش تحس بالضبط ..
-
بيوم جديد ، وصباح سعيد على بعض الشخصيات ..
وريف ناظرتها بستغراب : ما كأنه رضى على طول ؟
لفت عليها بفضول : وش قصدك؟
رفعت كتوفها وعيونها على العجينه الي تعجنها : مدري رغم الي صار بينكم من رحتي له وافق على طول من دون لا يعاتبك حتى على قسوتك
تركت الي بيدها وقربت لعندها : وش افهم من كلامك؟
وريف هزت راسها من شافتها توترت ماتبي تخرب عليها : لا تفهمين شي وبعدين ماتعرفيني؟ معقده انا اي تصرف من اي رجال بشك فيه لا تلقين لكلامي بال
جودي جلست بزعل : ضيقتي صدري وخليتني افكر بشي مافكرت فيه ولا لاحظته
تركت العجينه وجلست عند رجولها ورفعت راسها لها : حبيبتي انتي استخيري قبل تفصخين خطبتك من سعد واستخيري بخصوص نياف بعد وكلامي هذا لا تخلينه يعيقك من شي لأنه اعاقني من اشياء كثيرة
تنهدت وهي تناظر اختها : ليش ماتعطين نفسك فرصة وليش هالنصايح ماتطبقينها على نفسك؟
رفعت كتوفها ووقفت : مدري
دخلت وجود وعيونها عليهم بشك : ترا فرح موجودة خلصوا بسرعه وتعالوا
طلعت و جودي توجهت على طول للتليفون وهي تسحبه للصالة الداخلية ..
بعد ثواني معدودة جاها الرد : الو
جودي فزت بخوف وتلفتت حولها : هلا سعد
عرفها من صوتها وابتسم : هلا بخطيبتي الوهمية
جودي : مشغول؟
سعد : اتفضى لك امري وش بغيتي؟
جودي توترت وهي تلعب بسلك التليفون : بخصوص الخطبة
سعد بفضول : وش فيها؟
جودي : بما انه مر شهر ، ابي نكنسلها
سعد بستغراب : مو قلتي انتي شهرين؟
جودي هزت راسها : لا يكفي شهر ، وضعك بيكون تمام؟
سعد : هالأيام اساسًا جالس اجس النبض وكأنه الوضع من صالحي بس انا مقصدي انتي عشان توهمين اختك الكبيرة
جودي بسرعه : لا لا ماعليك من اختي سهت عني فأرجوك عط اهلك خبر ان الخطبة تكنسلت
سعد : بس بيتصلون على اختك بيتأكدون
جودي : ماعليه عادي شهر كفاية تقتنع ان فعلًا مافيه نصيب
سعد تنهد : يلا ..بما انه احتمال يكون اخر اتصال ينفع اقولك شي؟
عدلت جلستها بفضول : تكلم
سعد : الله يسعدك و يرزقك الرجال الي يصونك ويخاف الله فيك
ابتسمت ونزلت راسها : امين ، والله يسهل عليك وتفرح بمحبوبتك قريب
سعد : باذن الله ، سلام
سكرت منه ووقفت وهي تزفر براحة ، بس لازال كلام وريف مأثر عليها ماتدري ليش ولكن بتحاول قد ماتقدر هالنوع من هالأفكار ما تعكر مزاجها ..
-
عند صقر و سُلاف ..
لفت طرحتها على راسها وناظرته : ماتبي تطلع؟
هز راسه بهدوء : لا ، شوي
جلست جنبه ومسكت يده : شايل هم ايش؟
ناظرها وتنهد : اهلي كيف اقولهم بالخبر
هزت راسها بسرعه : محد له دخل يعرف بهالأمور حتى خواتي ماراح يعرفون ، صقر حبيبي هالموضوع بينا الا ان جاء الوقت الي ننحد فيه نوضح لأمك او ابوك بس حاليًا ماله داعي الكل يعرف
صقر : مستحيه ان الكل يعرف ان زوجك ما ينجب؟
اتسعت عيونها بصدمه : وش تقول! انا اتكلم كذا عشان احافظ على خصوصية هالعلاقة مو اي شي ينقال ، بس شكرًا صقر اذا بكل مره بتفهمني غلط وانا بقعد ابرر لك
قامت ومسكها على طول وسحبها لحضنه : اسف.. بس متحسس من اشياء كثيرة حقك علي
تنهدت وهي ترفع يدها وتحضنه : حصل خير
ابعدت عنه وناظرته : بعد بكره موعدك
ناظرها بستغراب : اي موعد؟
سُلاف : انت طلعت على طول وانا اخذت اقرب موعد ،نبدا بالعلاج بالرياض قبل نرجع للديرة
صقر هز راسه بهدوء : طيب
طلعت على طول وهي تشوف حركة الكل بالبيت الي ما يهجد الا وقت النوم ، وابتسمت ..
فرح تخصرت : ماتبين تحضنيني؟
حضنتها وهي تضحك : متى جيتي؟
فرح : تو
سُلاف : واكيد ساحبه ابو الشباب معك
فرح : اجل تبيني اخليه للساحره؟
ضحكت ومسكتها : امشي ندخل يلا
عند وريف ..
وريف : اصبري يومين ثلاثة وعلميه انك كنسلتي الخطبة عشان مايقول طايره فيني وخفيفة ويشوف نفسه عاد عليك
جودي : زين علمتيني كنت بركض له واقوله
وريف : لا اركدي الراكده زينه حتى موضوع فسخ الخطبة خليه علي انا بلمح للكل وبيفهمها اكيد لا تجي منك
جودي هزت راسها بهدوء : ابشري
وجود ناظرتهم بعصبيه : اقسم بالله مبزره كل ماتطيح عيني عليكم اشوفكم تتساسرون علموني تراني اختكم!!
جودي : بعلمك بس اصبري مو الحين
تكتفت بزعل ولفت وجها : تقهرون
ليلى حضنتها وهي تضحك : كل شي ولا جوجو عاد لا تزعلون بنيتي
وجود ابتسمت وتغير مزاجها وباست بطنها : يازينك بس انتي السنعه بينهم
ليلى : تصدقين اني دخلت الثامن؟
وجود ناظرتها : ياساتر! ناوين يباتون هنا مدة طويلة تخيلي تدخلين شهرك واحنا بالرياض!
وريف ابتسمت : احسن بعد عشان يصير ولد الرياض
ليلى ناظرتها : بس اذا ولدت بتتقيدون معي هنا بالسفرة بدال تستانسون وتطلعون بتكونون حولي
قامت جودي بسرعه من سمعت سامر يبكي وشالته بحضنها وهزته بهدوء : حليمه وين؟
وجود : هناك برا قاعده
جودي بصدمه : مستحيل ومخليه ولدها لحاله؟
وجود مدت يدها : مخليته عندي هاتيه
جودي رفعت لثمتها : لا خلاص بوديه لها انا
طلعت وهي تشوفهم جالسين بالزوليه بالحديقة وتاركين الطاولة الكبيرة وضحكت : صدق انهم عيال الديرة
حليمه ناظرت لها وقامت على طول : وش فيه؟
جودي : يمكن جوعان
دخلت حليمه تسوي له رضعه و جودي جلست بينهم وتلعب بسامر تسكته ..
ام نايف ابتسمت : ها قاعده تتدربين عليه لا جاك من سعد؟
جمدت يدينها وبلعت ريقها ماعرفت وش ترد ...
وضحى : يمه وش ذا الحكي ياخي خلي البنت بحالها
ام نايف : وش قلت انا موب رجلك سعد؟
رفعت راسها لأم نايف ولا قدرت حتى تنفي كلامها ورجعت تناظر سامر بهدوء ..
فز الكل على دخول جميلة وعيالها وهم مستانسين ..
حليمه الي جت تركض وبيدها الرضاعه : اخيرًا طولتي!
جميلة : زين اني قدرت اجي وخروا خلني اسلم على امي و ابوي
حليمه اخذت سامر ، و جودي على طول هربت لداخل وانسحبت بيدها منه بجراءة ..
جودي بخوف : البيت كلهم صاحيين نياف اتركني
ماسكها من زندها ويسحبها وراه بعصبيه وهو يصعد للسطح وجودي تتلفت بخوف لا احد يشوفهم ..
سحبها ووقفها قدامها : قد حركتك؟
ناظرته بستغراب : وش حركته؟
نياف نزل غترته بعصبيه ورماها : عاجبك الكل يشوفك زوجة سعد؟
جودي بخوف : تكفى قصر صوتك لا احد يسمع
نياف الي لازال صوته مرتفع من عصبيه : لا ترفعين ضغطي!!! قلت لك افسخي الخطبة ولا اقسم بالله لا انزل الحين اقلب البيت فوق تحت
سكتت وهي تبلع ريقها وتناظره ماتبي تقوله وبتمشي على كلام وريف ..
حط يده على خصره وهز راسه بتهديد : طيب يا جودي دامك متمسكه فيه لا اشوف زولك قدام عيني وخ..
جودي بتوتر : فسختها
نياف بستغراب: متى؟
نزلت راسها بزعل من نفسها : اليوم
نياف ابتسم : زين
مشى عنها و ناظرته بعصبيه وهي تكلم نفسها: غبيه صدق الحين بيقول خفيفة
تعبرت وكملت : ياويلي من وريف بتصفقني
نزلت بسرعه وشافتها اخر الدرج تحت ومتكتفه : تكلمتي صح؟
نزلت وهي معبسه : اقسم بالله غصب عني خفت تصير مشاكل
ضحكت وريف بخفه ومسكت يدها : يلا نطلع طيب
زفرت براحة من شافت ردة فعلها وطلع الكل برا ..ومامرت دقايق الا وقف نياف وناظر لأبوه ..
نياف : يبه
ابو نايف : ها
نياف : لو اطلبك طلب ماتردني؟
سكت الكل وانجذبوا للحديث ، وجودي طاح قلبها ببطنها ومسكت سُلاف بقوه وهي عارفه وش بيقول بس ماتوقعته قدام الكل ..
سُلاف همست : اوجعتيني ترا
ابو نايف : بتقولي عن جلستك بالرياض فكني من شرك
نياف : لا ، ابي اخطب
جابر فز بفرحه : استحلفك بالله؟
ام نايف ابتسمت : من عيوني انا ادور لك الي تليق فيك وابشر بالعرس الي يفتح النفس ويفرح الكل
نياف بهدوء : بس انا مختارها وخالص
ناظروا ببعض بصدمه من جراءته بالذات ان الكل بينهم ما اختلى في امه و ابوه ..
ابو نايف بستغراب : منهي؟
نياف بلع ريقه وتصنع القوة : جودي بنت سليمان
عم الهدوء بينهم بشكل مخيف يحسون حتى نسمات الهواء انعدم صوتها من بينهم ..
ام نايف بهدوء : بس جودي مخطوبه!
وريف تكلمت من شافت نياف سكت مايبي يحط نفسه وجودي بموقف سيئ انه يعرف عن فسختها للخطبة: جودي فسخت الخطبة
شهقوا خواتها وناظروا ببعض بصدمه ..
ليلى الي كانت متوسطتهم : مسكت يد وجود و سُلاف بهدوء وهمست : اسكتوا لا توضحون
قامت جودي بسرعه ودخلت من الفشله ولحقوها خواتها الا وريف ..
ابو نايف بملامحه الجامده : دام انها فسخت الخطوبة وتبيها تم
نياف فز بفرحة وابتسم وهو يناظر اخوانه الي بادلوه الابتسامه ..
ام نايف ناظرت وريف : ها بنتكم تبي ولدنا؟
وريف ابتسمت : اسألها و ارد لكم
قامت بهدوء ودخلت وهي تشوف كيف البنات مجتمعين عليها ومعصبين ..
ابعدتهم عنها : وخروا سلامات حضيرة حيوانات انتوا!
سُلاف بعصبيه : احنا مو خواتك ماتعلمينا عن كنسلتك للموضوع؟
وجود : والله اني داريه فيكم بلا من كثر حكيكم مع بعض!
ليلى : جودي ليش ماعلمتينا؟ وش يعني بنتشمت فيك
جودي بكت من تفكير خواتها فيها : اقسم بالله تو اليوم فسختها وكل وحده بمكان كيف اقولكم؟
سُلاف بعصبيه : وليش فسختيها؟
وريف سكرت باب الغرفة وتكلمت بعصبيه : كل وحده فيكم تجلس اخلصوا علي
جلسوا ولا ناظروا بجودي من كمية مشاعر الزعل الي انخلقت بقلبهم لها ، وريف وقفت وتكلمت عن كل شي عشان هالشي الوحيد الي بيبرر فعلة جودي ..
ليلى بهدوء : كل ذا الاكشن ولا حسيت !
سُلاف ناظرتها بطرف عين : وانا ماعلمتيني؟ كنت بوقف معك
جودي : بنات كل وحده مشغولة بزوجها
وجود : كذابه انا مو متزوجه ولا قلتي لي
جودي وقفت بعصبيه : اوه!!! عاد كل وحده بتقعد تتشره واداري خاطرها وانا من يداري خاطري؟ مليت وانا اسوي نفسي قوية مليت وانا اشيل بقلبي شعور الانتقام والحقد خلاص بنات لا تضغطون علي الي فيني مكفيني لحد الحين وانا عايشه بتوتر ماتدرون عنه والف شك بداخلي يرجعني الف خطوة لورا و قاعده احاول اقاومه ولا ابين لكم عشان ما اضايقكم..
جلست وغطت وجها بيدها وبكت وحضنتها ليلى على طول تهديها ، وكعادتهم التموا حولها وكل وحده تواسيها ..
وريف ابتسمت تبي تلطف الجو : عاد يبون موافقتك وش اقول لهم؟
جودي مسحت دموعها : وش رايك يعني تخليت عن واحد علشانه اكيد لأني ابيه
ضحكوا كلهم عليهم وناظرتهم بصدمه ..
وجود : اخص والله طلعتي تعرفين تحبين
لفوا على طول للباب الي انفتح وشافوا باقي البنات واقفين بهدو ..
جميلة : ندخل؟
وريف ضحكت : ادخلوا
وضحى ركضت لعندها وحضنتها : ما اصدق ثاني وحده من بنات سليمان تصير زوجة اخوي ياحظي
حليمه ضربتها : وانا بنت عمك يالسلقه مامليت عينك؟
وضحى : كل وحده عندي لها غلاها الخاص
جودي ابتسمت : اصبري يمكن ما اوافق
وضحى ضحكت بقوه : مو علي صدقيني مو علي
نزلت راسها ابتسمت بخجل وهي ناسيه ان وضحى كانت شاكه فيهم اساسًا ..
-
عند العيال الي ابعدوا عن الكبار ..
جابر : يقلع شكلك كيف كذا قدامنا كلنا وكأنك ضامن ابوي ماراح يردك؟
نياف : لما توصل حدها معك بتصير متبلد
نايف غمز له : ولا ناوي تاخذها بالغصب؟
نياف : مافكرت انهم بيرفضون الصدق لأن اختها بالأخير زوجة اخوي مافي فرق بينهم
نايف هز راسه بهدوء : صادق
ثامر : يعني ماعاد بيبقى الا وضحى من بينكم ماتزوجت الله يعينها عليكم
نياف ناظره : وانت وش دخلك فيها شايل همها
ثامر : مالك دخل
جابر : بتتهاوشون بعد قدام فارس؟ استحوا على وجيهكم
ضحك فارس : ماعليه تعودت
زايد رفع حاجبه لصقر الي كان قباله بـ معنى وش فيك؟ بعد ما لاحظ هدؤه
هز راسه له بـ معنى ولا شي
بالجهه الثانية من الحديقة..
ام نايف بستغراب : متى جودي فسخت خطبتها؟
ام زايد : والله مدري توني ادري الحين
ام فرح : واضح توها قريب حتى خواتها انصدموا
ابو زايد : ياكثر حكيكم يالنسوان
لف على اخوه : وانت وش رايك؟
ابو نايف : و النعم فيها ودام ولدي يبيها فأن شاء الله انها توافق
ام نايف ابتسمت بثقة : بتوافق
ابو نايف ناظرها : وش يدريك؟
ام نايف رفعت كتوفها ولازالت ابتسامتها عليها : ابد بس عندي شعور انها بتوافق
ام زايد : اجلس اذا وافقت نملك عليهم بالرياض ولا وش رايكم؟
ام نايف : ايه دامهم مستعجلين او يتصبرون الين مانرجع الديره
-
عند ام فارس و خواته واخوانه ..
سديم بعصبيه : طقي الباب
الجوهره هزت راسها : لا
سديم : يابزر! شايله الصينيه بسرعه خلهم يفتحون
دخلت بينهم ام فارس وهي تسب في بناتها وطقت الباب : تقد بزران الحمدلله و الشكر
رايد ابتسم : محد صاحي من عيالك الا انا
ام فارس بتسليك : ايه طيب
عبدالرحمن بملل : بدال لا نتتظرهم يفتحون الباب بتصل عل..
فتحت الباب وهي قباله وشهقت بخوف ورجعت وراه وتكلمت بتوتر : هلا هلا حياكم
دخلوا وسلموا عليها..
وضحى : تفضلوا
رايد لف عليه : شفتها؟
عبدالرحمن بستغراب : مين؟
رايد هز راسه : لا ولا شي
جاهم فارس بخطوات سريعه واخذهم للعيال و وضحى دخلت مع ام فارس و سديم و الجوهره ..
ام نايف : تو مانور البيت
ابتسمت : بنورك
فرح جلست جنبهم و كانت تسولف دخلت جودي وسلمت عليهم وهي متحسسه من سديم نوعًا ما ، مو قادره تنسى ابتسامته معها ..
سديم بهمس : هذي شكلها للحين حاقده علي
فرح : لا ياروحي اهي قلبها طيب بس ترا ماتنلام تغار على خطيبها
لفوا عليها بصدمه: خطيبها؟
فرح ضحكت بخفه : خطبها اليوم وبعدين لا تلومونها شوفوني انا اذا شفت الساحره اغار
سديم : يالسلقه لا تقارنيني في هذي ، انا ما احب خطيبها ولا اهو جوي بس وجدان فارس جوها
فرح بنرفزه : تبين تقهريني صح؟
ضحكت : استهبل لا تزعلين
التموا حول بعض و بدت سوالفهم ..
-
بعد اسبوع من الأحداث الهادية وتحديد يوم الملكة الي قررها نياف انها تكون بالرياض لأنه مصمم على جلسته واستقراره بالرياض، و تجنب جودي لنياف قد ماتقدر لأنها مو مرتاحه من هالوضع انهم ببيت واحد وكأن العيون كلها عليهم ..
سُلاف ابعدت عنها وابتسمت : ها شكلك كذا يجنن
جودي ناظرت نفسها بالمرايا : ياربي يا سُلاف الكوافيره ضبطته وانتي خربتيه
سُلاف ضربتها: انطمي موصله كحلك لين جبهتك كذا انعم واحلى
جودي زفرت بتوتر : طيب وين البنات؟
سُلاف : يتجهزون ولا تنسين ترا افراد جديدين جايين
جودي بصدمه : مين؟
سُلاف : اهل فارس
جودي : لا تكفون هذي ملكة ليش كذا مجمعين الكل!
سُلاف : خلاص انطمي وش ذا العروس المزعجه
طلعت فستانها من الدولاب : يلا فصخي
جودي : اطلعي انا بلبس لحالي
سُلاف بعصبيه : لي ساعة ازين شعرك بعد ما عبطتيه بالطرحه وبتخربينه الحين اقسم بالله اصفقك
تأففت بملل وهي تخلع ملابسها و سُلاف تساعدها : ياويلي تهبلين
جودي شافت نفسها بالمرايا وابتسمت باعجاب : يجنن
سُلاف : ذوقي شفتي اني اسنعك ايام وانا اراكض معك بهالاسواق عشان تخلصين كل قشك
جودي بتوتر : بموت ليتني قلت ابي عرس ما ادري كيف بروح معه الفندق
سُلاف : يعني على اساس لو طلبتي عرس ماراح تروحين معه!
جودي : لا يعني اكون تقبلت فكرة انه صار زوج
سُلاف بعدم اهتمام : يابنت الحلال فليها اساسًا مع الوقت بتتأقلمين وتتعودين عليه
دخلوا البنات دفعه وحده وصرخوا ..
سكرت اذونها بخوف : اش لا توتروني
وريف : شكلك يهبل مرررره!
جودي : طيب بنات صدق متوتره ما ادري وش اسوي
ليلى : عيشي اليوم بأدق تفاصيله واستانسي صدقيني بتتمنين انه ينعاد الف مره
جودي : طيب طيب
دخلت فرح وهي تصفق بفرحه وتغني و وجود بدت ترقص بشعرها ..
جودي ضحكت : مستانسين اكثر مني
وضحى : لا صدقيني فيه من مستانس اكثر
وريف بفضول : مين؟
وضحى : المصروع تحت قالب العيال فوق تحت لو تشوفينهم..
سُلاف : ترا بتنزفين بتقولين لا اصفقك على عينك
جودي بتوتر : طيب خلاص لا تخوفوني اطلعوا
طلعوا البنات للمعازيم وكل وحده تصعد لعندها فوق وتدخل تشوف اذا تبي شي ، لحد ما دقت الساعة لتوقيت الزفة الي ماقدرت تمشي وتشيل رجولها من الخوف ..
ليلى بملل : جودي تراني خلقه ثقيلة لا تثقلين علي وكأنك رايحه تحاربين
جودي ناظرتها : فيه ناس كثير؟
ليلى بكذب : لا انزلي
نزلت ليلى واشتغلت الزفة على نزلة جودي الي قشعر بدنها من الحضور ، نفس الأشخاص بس مع توترها و وجود عمات فارس توترت زياده وحاولت تهدي من نفسها وهي تنزل بهدوء و حليمه تساعدها وتضبط فستانها ..
ام نايف وقفت وراحت لها و باستها : مبروك يا مرت ولدي
جودي هزت راسها بهدوء من دون لا ترد عليها ، لأنها ما سمعتها من توترها ..
ليلى لفت على وجود بصدمه : تبكين؟
وجود هزت راسها وهي تمسح دموعها : شوفي كيف تهبل ماشاء الله
ليلى ضحكت بخفه ومسكت يدها : ادعي ربي يوفقها
جلست جودي متوسطة المكان و جاء ويسلم عليها ويبارك ..
ومر الوقت الي انقال لها تشيل اغراضها عشان بتروح مع نياف ..
جودي بخوف : تعالي معي
وريف بصدمه : تستهبلين صح البسي طرحتك يلا واركبي السيارة
جودي : يمكن يزعلني اذا كنت معه
وريف ضاق صدرها : الله يقطع لساني يوم اني شاركتك تخلفي ، روحي معه يابنت الحلال وتوكلي على الله لو انه ما يبيك ما كان سوا كل هذا
جودي تنهدت : طيب
ركبت السيارة بعد ماساعدوها بالفستان و مشى فيها لناحية الفندق ..
عند البنات ..
وجود وهي تبكي : كل ماتزوجت وحده منكم بكيت مدري متى بتخلص هالدموع
وريف ضحكت على شكلها : يا روحي خرب مكياجك
سُلاف : تعالي اضبطه
فرح طلت عليهم : ادخلوا واقفين بالشارع ليه!
دخلوا البنات وبدا الرقص الحقيقي و الاستهبال وناسين فعلًا عمات فارس وبناتهم ..
-
بالفندق ..
وقف قبالها و ابتسم وهو يشوفها بدلت ولبست فستانها الحرير و رابطه حزامه على خصرها ومبين تفاصيلها و عيونها بالأرض مو قادره ترفعها ..
نياف بهدوء : ارفعي عيونك وجهي مو بالارض ترا
رفعت عيونها وعقدت حواجبها بستغراب وهي تشوف عيونه تلمع وهمست : دموع؟
نياف تنهد :
ظلمتك و الدموع الي تناظرينها
هي الشاهد على ظلمي وتقصيري
..
حياتي لو تبيني راح اغيرها ولكن
لا تغيريني بأحد غيري..
"
بلعت ريقها وخنقتها العبره وهي مركزه بكل كلمة قالها بالذات السطر الأخير الي ذكرها بخطبتها بسعد وكيف كانت فعلًا بتتزوجه الا الي استوقفها انه يحب غيرها ..
نياف : ماراح تردين؟
ناظرته: وش اقول؟
نياف الي كان يتأمل تفاصيل وجها وكأنه اول مره يشوفها ، قربها له وهو يحاوط خصرها بيدينه ، نزلت راسها بسرعه..
وهمس بأذنها : دايم تخربين مخططاتي ، ارفعي راسك برضاك عشان ما يكون بالغصب
رفعت راسها بسرعه بصدمه من كلامه واستغل فرصة قربها و باسها..حاولت تبعد بس مسكها وبعد مده سمح للهواء يدخل بينهم لما ابعد وجهه عنها ومايفصل بينهم الا شعره وهمس : الحين عرفت وش معنى كلام جابر
ناظرته مستغربه رغم خجلها الي قلب لونها حمار : وش قال؟
سكت ودفن وجهه بين شعرها وهو مقهور من نفسه كيف كان مستسلم انها تروح مع غيره ولا فكر ان ممكن غيره بيكون بقربه هذا منها ..
ابعدته عنها بسرعه : بديت توجعني
ناظرها وكأنه استوعب القهر الي بداخله من نفسه كان يجسده لها بأفعاله وهو حاضنها ، قربها لعنده ويدينها فاصله بين حضنها وحضنه ..
جودي بترجي : نياف تكفى
تلمست شفايفه نحرها وهمس : انتي الي تكفين
جودي بنبرة بكاء : مو الحين
رفع راسه لها بهدوء : ليه؟
جودي هزت راسها : مابي
رجع يدفن وجهه برقبته وهمس : انتي اذيتيتي خليني آذيك
جودي تعبرت : انت الي بديت
ابعدت عنه ورجعها لحضنه بعنف وناظر بعيونها : تحسبين سالفة سعد بتعدي بسهولة؟
دمعت عيونها : تكفى لا تصير كذا
رص على اسنانه : ليش تحرقين قلبي عليك؟ كان بيوقف مكاني هنا لو ما تراجعتي
دفته عنها : خلاص صار صار لا ترجع للماضي ولا تسبب مشكلة بيني وبينك وهذا اول يوم زواج
مشى لناحيتها ورجعت لورا بخوف : نياف انا زوجتك
سحبها للسرير وبكت بقوه من خوفها وهي تسحب نفسها منه: تكفى لا تسوي فيني كذا
مل من جهادها وسحبها بقوه وصار فوقها وناظر بعيونها الي تفجرت براكين من دموعها حطت يدينها على وجهه : نياف تكفى لا تكرهني فيك طلبتك مو بالغصب مو بالغصب
عقد حاجبه وهو يناظرها وهمس لها : ما اقدر انتي تفتنينني واحبك
بكت وهي تضرب صدره : لا انت قاعد تنتقم انت قاعد تأذيني مو تحبني
مسكها من رقبتها من ورا ورفعها وناظر بعيونها : انتي اذيتيني وانتي انتقمتي باقي دوري ونصفي حساباتنا
هزت راسها : لا مو بهالشي تكفى لا تكرهني فيك طلبتك
صرخت بألم وهي تترجاه وتبكي ولكنه كان اقوى ومتجاهل توسلاتها ، حس بشدة جسمها ارتخت حتى صوتها صار واطي وكأنها فقدت الأمل ببعده عنها ..
نياف همس لها : جودي
غمضت عيونها والدموع تسيل : قلت لي ما ابي اقسى عليك وشوف قسوتك وش سوت فيني
ابعد عنها وسحبت اللحاف على جسمها واندفنت جواه ، رجع يسحبه ويجلسها ويناظرها بتوتر : اقسم بالله اسف اسف
جودي : اسف بعد ما اخذت الي تبي؟
قامت وهي تون من الألم وكل شي فيها يوجعها من قسوته معها ودخلت للحمام وقفلته عليها..
وقف وهو ماسك راسه وضرب بالجدار بعصبيه وكان يسب في نفسه ، توجهه للحمام الثاني و بقلبه حمل ثقيل عرف انه سوا شي ماينغفر له وهو يعرف جودي بردات فعلها بس مايدري وش ممكن تسوي ..
طلعت وهي تشوف الغرفة هاديه وقفلتها بسرعه وبدلت ، حروفها انتهت من كثر ما تكلمت وترجته ولا رحمها ، جلست قدام التسريحه و مشطت شعرها بقوه وضربت راسها بالمشط بعنف وصرخت ورمته على المرايا الي تهشمت وبدت تضرب وتكسر كل شي وهي تصرخ ، وكان يطق الباب ويصرخ يناديها ماعنده حل الا يكسر الباب ودخل بسرعه ومسكها ولفت عليه تضربه بكل قوتها وبكت : يارب تموت الله ياخذك ياكذاب لعبت علي انك تحبني وتزوجتي عشان تلعب فيني
نياف حضنها رغم الوجع الي حسه من ضرباتها : احبك اقسم بالله احبك
ابعدت عنه بعصبيه : كــذاب! الي يحب مايسوي كذا
نياف مسك يدها : اسمعيني
فكت يده بقوه : ما ابي اسمعك ، انت ما سمعتني تجاهلتني حتى دموعي استرخصتها وكسرت قلبي
وصرخت : ابعد عن وجهي ماعاد ابي اشوفك الله ياخذك ياقذر
صرخ بعصبيه : لا تأذين نفسك طيـب!
جودي : انا اذيت نفسي من وافقت عليك
طلع من الغرفة من دون لا يرد عليها ، جلس بالصاله ماسك راسه من الي سواه الحين تأكد ان الوضع مو سهل ابدًا ..
-
يوم جديد ..العصر
جلست وجود جنب سُلاف : ما اتصلت ؟
سُلاف هزت راسها بـ لا
وريف كانت تهز رجولها بتوتر لأنها اتصلت عليها حول الثلاث مرات ولا ردت وتبي تتطمن عليها ..
سُلاف : وش فيك انتي مو على بعضك؟
وريف بكذب : بطني يوجعني
دخلت وضحى ونادت وريف الي قامت لها على طول ..
وريف : وشو؟
وضحى مسكتها ودخلتها لأحد الغرف : تدرين جودي وش فيها؟
وريف بخوف : لا صاير شي؟
وضحى الي تكه وتبكي : مدري نياف كلمني تو يقول انه بالمستشفى عشان جودي
وريف اتسعت عيونها بخوف : يمه قلبي وش فيها!!
وضحى بتوتر : مدري سكر بوجهي كنت متصله ابيه عشان امي وقالي كذا وسكر ماعاد يرد علي
وريف: لا تعلمين احد ولا توضحين لأحد
وضحى : وش بتسوين؟
وريف : بروح ، اي مستشفى قال؟
وضحى : ما ادري
وريف اتصلي : بسرعه فجري جواله اتصالات وارسلي له ان اختها وريف ترا درت اكيد بيرد
بعد ما اتصلت ولا كان فيه رد ، ارسلت له وفعلًا ما مرت دقيقتين الا وارسل لوضحى وهم معصل ويسب فيها انها تكلمت ..
وريف اخذت الجوال واتصلت واول ماسمعت صوتها وتكلمت بجديه : اي مستشفى؟
نياف مسح على وجهه : ارتفعت حرارتها بس
وريف بنفس جديتها : قلت لك اي مستشفى؟
اعطاها اسمه رغم انه ماتعرفه بس كفيل انه يقربها له ، لبست لثمتها وعبايتها وطلعت بسرعه متوجهه له وهو كان يسقي الزرع ..
وريف : زايد
لف عليها ونزل ثوبه : سمي
وريف : ودني للمستشفى
زايد بستغراب : تعانين من شي؟
وريف قربت لعنده وهمست : امش بالسيارة اعلمك
راح بسرعه لداخل ياخذ المفتاح وطلع معها وتوجهه للمستشفى الي قالته له ..
زايد : لا تشيلين هم يمكن تعبت شوي وجابها
وريف وهي تفرك اصابعها بخوف : ان شاء الله خير
وقف ونزلت بسرعه متوجهه للغرفة الي قالها نياف لزايد ، شافته واقف عند الباب وتعدته ودخلت ..
قامت جودي على حيلها منصدمه : وريف!
وريف جلست جنبها : وش فيك؟
ناظرت لنياف الي دخل متكتف : تعبت شوي ودخلوني المستشفى
وريف : مت خوف اتصل عليك من الصباح ولا تردين ومادريت الا من وضحى انك بالمستشفى
نياف : ا..
وريف : انت اسكت ولا كلمه
ناظرها منصدم ومستغرب : سلامات وريف وش فيك؟
وريف زفرت : ولا شي
ناظرت لها : بذمتك جودي فيك شي؟
جودي مسكت بكيتها وهزت راسها وابتسمت تطمنها : مافيني شي بس ارتفع ضغطي
وريف زفرت براحه : من ايش؟
جودي : عشان توتري امس
وريف : الله يهديك بس زين سويتي بنفسك كذا!
جودي : خلاص ياقلبي روحي ارجعي لا ينشغلون البنات عليك
وريف ضربت راسها : توني استوعب حتى ماعلمتهم
جودي : تمام خلاص روحي لهم شوفيني مافيني الا العافية
قامت وباست راسها : مع السلامة
طلعت وشافت زايد ينتظرها وابتسم : وش صار؟
وريف : ضغطها بس ارتفع
زايد : ها ارتحتي؟
وريف هزت راسها : ايه ، مشكور زايد والله مدري وش اقولك
زايد : لا تقولين شي ، يلا نرجع
عند جودي و نياف ..
جودي ناظرته : ترا ماعلمتها عشان ماتشيل همي ويتكدر خاطرها ولا مو عشان حلايا وجهك
نياف هز راسه بتسليك : طيب
مسك يدها بيوقفها وضربته بقوه : لا تلمسني ! لو اموت قدامك لا تلمس خصله مني فاهم؟
نياف بهدوء : طيب ، خلينا نطلع
مشت بتعب بس تكابر ماتبيه يساعدها حتى لو بكرسي ، تحس راسها ثقيل و الدنيا تدور فيها بس ملت من جلسة المستشفى ..
-
بعد صلاة العشاء ، بالبيت ..
ام زايد دفت ثامر من كتفه : قم يمه ناد اخوك لي
ثامر حط بيالته : اي واحد؟
ام زايد : زايد
ثامر صرخ بـ اعلى صوته : زايـد
رفع عصاه وضربه على فخذه : عمى قم اخلص ناده ولا تصارخ مثل المهبول
قام وهو يحك فخذه بألم الا على دخلته : سلامات يسمعك سابع جار!
ام زايد اشرت له : تعال تعال
جلس قدام امه و ابوه : لبيه
ام زايد ابتسمت : بعطيك اياها على بلاطه
زايد : ايه وشو؟
ام زايد : عيال عمك ماشاء الله تبارك الله كلهم تزوجوا ياخي فرحني فيك وتزوج
زايد : طيب يمه بقى ثامر ليش ماتقولين له ذا الكلام!
ابو زايد : بلا بذا الاذاني مهبول ماراح نزوجه يجنن بنت الناس
ثامر يتصنع الزعل : لا عاد كذا ترا تحدوني على الردى
ابو زايد : اسكت بس
ام زايد : تكفى ياوليدي لا تردني والله ان البنت تهبل و عيوني عليها من شفتها
زايد بفضول : منهي؟
ام زايد تسندت وابتسمت : الجوهره
زايد : اخت فارس؟ يمه يرحم والديك فكيني من هالسيرة
ام زايد : ايه اخته ، عط نفسك فرصة ماتدري يمكن تستانس
ابو زايد : انت وش عندك فيك دوده عن العرس! تزوج طقيت الثلاثيين! اخوك الي اصغر منك تزوج
زايد : الله يوفقه بس انا ما ابي اتزوج الحين
ام زايد مسكت يده : طلبتك ياوليدي فرحني فيك مثل ما اخوك وخواتك فرحوني!
زايد تنهد : خلاص ابشري افكر و ارد لك
ام زايد ابتسمت بفرحه لأن لأول مره يقولها بفكر دايم يطلبها تسكر السالفة و لا يعطيها فرصة : زين انتظرك لا تطول
قام و الدنيا ضايقه فيه ، و بنفس الوقت مقرر فعلًا انه يعطي نفسه فرصة بهالزواج ولكن يبي يفكر كويس ما يبي يظلم بنت الناس معه ..
دخلت وضحى وهي تضحك مستانسه : بـنات!
جميلة : اسكتي لا تقومين سلوى
وضحى صفقت يدينها ببعض بحماس : توقعوا من بيتزوج؟
الكل بفضول : مين؟
وضحى : تو قاعده برا وسمعت عمي ومرت عمي يكلمون زايد
جميلة ابتسمت : تكفين قولي انه وافق
وضحى تربعت بحماس : شوفي من كلامه كأنه بمرحلة الاقتناع لأنه قال بفكر بس صدقوني انا احساسي ما يخيب بيصير فيه زواج هالفترة وقولوا ماقلت
جميلك زغرطت بفرح : اخيرًا مابغينا من هالزايد!
حليمه : ترا سلوى بتصحى اسكتي
قامت وريف بهدوء وانسحبت من الجلسه ودخلت الغرفة وهي تناظر اصابعها بسرحان ورفعت يدها وضربت قلبها : اسكت مو وقتك
نزلت راسها وزفرت : وريف خربتي عليك وابعدتي شخص كويس والحين بيشوف حياته زي ماطلبتيه ليش زعلانه؟
وقفت وهي تناظر نفسها بالمرايا : صدق مجنونه ومعقده وما تنفهمين
-
بنفس التوقيت بالفندق ..
مسنده راسها على الكنب وبيدها الريموت تلقب بالتلفزيون بملل وهي ضامه رجولها لصدرها ، طلع من الغرفة وهو يتنهد : امشي نطلع نتمشى
جودي وعيونها على التلفزيون : اطلع لحالك
جلس جنبها وقامت بسرعه ..
نياف ناظرها : اجلسي بكلمك
جودي : مابينا كلام
رمت الريموت ودخلت للغرفة ومشى وراها وهو يدخل يدينه بجيبوه : ناظريني طيب
جودي : ناظرتك وغدرت فيني
نياف بانفعال : انتي زوجتي!
جودي : واذا زوجتك؟ مالك حق تلمسني وانا مو راضيه انت مجرم ومتخلف مستحيل استأمنك على روحي مره ثانيه
جلس على طرف السرير ولف عليها : يعني شلون بنبقى كذا طول العمر؟
جودي جت لناحيته والعصبيه كاسيه ملامحها : انا يوم بغيت اموت بين يدينك ليه ما رحمتني! ليه عاملتني كأني اكبر عدو لك بحياتك؟
نياف : لأني غبي والله غبي ماقدرت اتحكم بمشاعري وانا اتخيلك مع احد غيري
جودي رمت الي بيدها بالأرض : يعني بهالجريمه الي سويتها بترتاح وتقتنع اني بس لك؟
ابعدت خطوتين وهي تهز راسها : الله ياخذك كاني غبيه ، اتهمتني وشكيت فيني قلت ماعليه ياجودي اعتذر وعرف خطاه وتزوجتني الحين و..
قام بسرعه وحضنها وباس راسها ، جودي : مو قادره اسامحك ولا ابرر الي سويته ليه قلبت حياتي فوق تحت؟ ليه قسيت علي بأول ليلة لنا؟
ضرب صدره بيده بعصبيه : النار تحرقني من جوا من دريت انك داخله عليه ليه تسوين فيني كذا؟
اتسعت عيونها بصدمه : مين علمك؟
جلس على طرف السرير وتنهد : سامع وضحى وحليمه
جودي : وتحسب هالعذر بيخليني اسامحك؟
نياف : لا تسامحين الحين بس بعدين حاولي تفهمين موقفي ما اقولك اني ما غلطت بس من حر ما بجوفي مابي غيري يمتع عيونه فيك
جودي بهدوء مفاجئ : ابي اروح لخواتي
نياف بصدمه: الحين؟ الساعة ٩
جودي : ابي اروح لهم
نياف : بكره نروح لهم الحين خلينا نطلع نغير جو
جودي : ما ابي اجلس معك حاول تستوعب ولا تتلزق فيني
راحت للسرير واخذت المخده واللحاف ورمته عليه : نام بالصالة لا افتح عيوني و انت جنبي
هز راسه بهدوء وطلع لبرا وسكرت الباب وراه بقوه وقفلته : الله ياخذك
-
بـ يوم جديد ، الصباح ..
وريف سكرت السماعه ببتسامه : تخيلوا ام عزيز بالديره
ليلى ضاق صدرها : خساره! ليتنا موجودين نشوفها
وريف : تقول جايه امر عليكم ببشركم بزواج عزيز واعزمكم عليه بس مالقيتكم
وجود كشرت : وع مين هالغبيه الي بتتزوجه
وريف ضحكت : خلاص حبيبتي اهم شي تخطيتي ونسيتيه خلي الدنيا تتولاه الحين
وجود قلبت الجريده بعدم اهتمام لسيرة عزيز ..
ليلى ناظرت حليمه : انتي يالاخت
حليمه ناظرتها : ها
ليلى : مادريتي من الي امك مخططه عليها لزايد ؟
حليمه ابتسمت : الجوهره ، من شافتها وهي تمدح فيها
وريف نزلت راسها وكملت فطور بهدوء من دون اي تعابير وهي تسمع حليمه وهي تتكلم عن مدح امها للجوهره ..
بالصالة ، صرخت سُلاف بفرحة وركضت تحضنها : ياحلو العروسات ياناس
جودي ابتسمت بهدوء : صباح النور ، ترا ما افطرت ابي افطر
سُلاف مسكتها : تعالي تونا حاطينه
دخلت وسلمت على الكل الي فرحوا بجيتها وبدت تفطر و تسلك وتبتسم للكل لأجل ما تشكك احد ، ومستغربه من نفسها ليه ماتبي خواتها يدرون بألي صار وهي متأكده انها بتضمن الانفصال والطلاق لو تكلمت بس حتى هي مو فاهمه وش يدور براسها وكأنها اختارت تكمل هالحياة معه للنقطة الي فعلًا تاخذ فيها قرار اما الاستمرار او الرحيل عنه ..
عند العيال ..
جلسوا عند الكبار وبدت سواليفهم لحد ما لاحظوا ان البنات كل وحده تجي وتجلس جنب زوجها ،الا جودي الي اختارت تجلس جنب وريف ..
ام نايف بعفويه : ماراح تجلسين جنب رجلك يابنتي؟
جودي ابتسمت : ماراح يطير خليه لحاله
سكت الكل وما قطع هالهدوء الا بكاء سامر الي قامت له حليمه بسرعه ..
ناصر : خالتي عطيني اياه بلعبه
حليمه : لا حبيبي لعبه وهو بحضني
ناصر : ترا عيال عمي الصغار اشيلهم اعرف لهم
حليمه ابتسمت بتوتر : لا لا ولدي ماينشال ناظره من بعيد
نايف ابتسم : عطيه يختي لا تخلينها بخاطره
تربع ناصر بحماس ومد يده : عطيني
مدته له بتردد : خلك مكانك لا تتحرك
نياف الي عينه ما انشالت عنها ورفعت له حاجبها وابتسمت بستفزاز ..
ام فرح : اقول يازايد ماودك تعلمنا عاد ها موافق نخطب ولا؟
زايد ارتكز بجلسته وتوتر : ياعمه قلت بفكر وش فيكم مستعجلين؟
ام نايف : يازايد حلاتها لا جاك عيال وانا صغير تكون بعمرهم وتستانس معهم
ام زايد : ايه والله صدقتي
جابر : خلاص خلوه على راحته الله يهديكم قال بيفكر خلوه يفكر
ابو نايف : يلا جاء المحامي وش بيفكنا منه
ابو زايد : انت انشغل بمرتك هالحامل بس
ليلى تصنعت الصدمه : وش دخلني انا بالسالفه الحين
ضحكوا عليها وبدت سوالفهم تندمج ببعض و زايد زفر براحة من شافهم نسوا طاريه ..
وقفت تغسل يدها وجاء جنبها وناظرها : كذا تردين قدام الكل؟
جودي : وانا الصادقه طيب بتطير لو ماجلست جنبك؟
حط يدينه على كتفها ومسك وجها وباسها بقوه : ايه بطير خليك جنبي دايم ولا بموت ترا
راح وخلاها تراجع هالجملة الف مره بداخلها وكأنه حاس بألي تفكر فيه وما يبيها تبتعد ، نفضت راسها بسرعه ومسحت يدها ودخلت عند البنات تبي تتناساه ..
-
عند فرح و فارس ..
شالت كل الأغراض بمساعدة خواته : خلصنا كذا
سديم خنقتها العبره : ياشينك تعودينا عليك ثلاث شهر وتروحين وتخلينا!
فرح : والله الود ودي اجلس بس عارفين هالساحره ماني مرتاحه لها
سديم حضنتها : جعله بيت مبارك
دخلت ام فارس وهي تذكر الله وعيونها تتفحص البيت وابتسمت : تستاهلونه الله يطرح فيه البركه
فرح استوعبت : اجلسوا خلوني اسوي لكم شي
ام فارس : لا بس اقعدي نجيك بوقت ثاني بعد ما ترتبين وضعك
فرح ابتسمت : مشكورين مره ثانية على المساعدة
الجوهره انحنت بستهبل : ولو بالخدمه آنستي
دخل فارس وهم مبتسم ومعه الشنط : اجلسوا ليش واقفين عند الباب!
ام فارس : بنروح اخوانك يحترونا تحت
طلعوا وسكر الباب فارس وراهم ولف عليهم مبتسم : ارتحتي
تنهدت براحة وحضنته : ارتحت كثير الحين
فارس ضحك : يعني مافيه تهديد تروحين لأهلك؟
فرح : دامك مخليني بمنطقة الراحة ، ما راح اروح
فارس مسكها : امشي نريح
فرح ناظرت للعفش : خلنا نرتبه
فارس : لا امشي خليها بكره
بـ بيت الجد ..
دخلت الجوهره وهي تضحك بس استوقفتها وجدان الي متكتفه : رجعتوا من خرابة البيوت؟
سديم : على الاقل خرابة البيوت لامها نفسها ما كلمت رجال من غير محارمها
وجدان بعصبيه : سديموه!!
ام فارس بملل : وجدان روحي لجناحكم وفكينا من شرك
لفت وجمدت بمكانها من شافت جدها واقف اعلى الدرج ويناظرها بعصبيه : جدي
نزل من الدرج وناظر لسديم : وش تقصدين بكلامك؟
سديم بتوتر اكل قلبها اكل : ما اقصد شي
الجوهره بعصبيه : الا تقصد حفيدتك ما تركها فارس الا بعد ماشافها تكلم رجال غريب بالجوال وانت حطيت حيلك وسبك كله فيه واهو سكت بس عشان مايشوها بعيونك وليتها تستاهل يوم الواحد يزينها بعين غيره
وجدان بتوتر : جدي كذابه لا تصدقها
لف عليها بكف خلا الكل يشهق من صدمته وكيف علّم واحمر مكانه : خسيسة
صدق الجوهره لأنها الوحيده من حفيداته الي يعرف طبعها ، ماهي من النوع الي يكذب ولا يتبلى ..
وجدان ببكاء : لا تصدقهم!
الجد بأعلى صوته : ارقي فوق لا اشوف وجهك قدامي
صعدت فوق وام فارس ناظرت للجوهره بعتاب: هالكلام يطلع منك؟ شفتي وش سويتي الله يهديك بس من متى عوايدك تنقلين حكي
الجوهره بنرفزه : مانقلت حكي خله يعرف حفيدته المدلعه وش سواياها ، طفشنا ترا
مشت بسرعه ولحقتها سديم مستانسه واخيرًا الموضوع وصل للجد ، رغم لسانه الطويل الا انها مافكرت تتكلم بحكم حُب الجد لوجدان وراح يكذبها بس مين كان يتوقع الجوهره اهي الي بتنطق بالحق ..
-
الساعة ١٠:٣٠ الليل ، بالبـيت..
واقف بالسطح ويناظر السيارات الرايحه و الجايه ، ابتسم على حسها ولف يناظرها وتكلم بهدوء : كنت اعرف انك بتجين
وريف ابتسمت : كنت تنتظرني؟
زايد : بتصدقيني لو اقولك ايه؟
وريف وقفت جنبه وهي تناظر للشارع : كيف دريت اني بجيك؟
زايد : احساسي قالي
وريف ناظرته : واحساسك ماقالك وش جايه اقولك لك؟
زايد : لا ما كمل جميله
لفت بجسمها كله لناحيته وتنهدت : مدري وش اقول
ابتسم بهدوء : بتعيدين الكلام زي كل مره
وكمل كلامه وهو يقلد اسلوبها : اتمنى تكون سعيد مع الي تناسبك
نزلت راسها للارض : بكون كذابه هالمره ، لأن اول مره بحياتي ما اتمنى تكون سعيد
اختفت ابتسامته بستغراب وعقد حاجبه : كيف؟
بدت تلعب بخاتمها بتوتر : عادي اقولك ودي بعلاقتنا تكون بالطريقة الغير تقليديه؟
ابتسم ببلاهه وعدم فهم : وريف لحستي مخي وش تقولين!
وريف ناظرت بعيونه وتكلمت بهدوء : تتزوجني؟
ابعد خطوة عنها وهو مفهي بعيونها : تستهبلين صح؟
وريف الي حست كأن مويا بارده انكبت على جسمها من الاحراج : ماتبيني؟
مسح على وجهه وابتسم : مجنونه انتي! من متى وانا اطلب يدك ويوم جيتيني بقولك ما ابيك؟
خنقتها العبره وزفرت براحة : طيب قبل مايصير الموضوع جدي بسألك للمره الثانية بتكون راضي تتزوج وحده تفكيرها ممكن يتعبك؟
هز راسه بسرعه : راضي راضي
واشر لناحية الباب : يلا انزلي قبل اتهور و احضنك
ابعدت عنه بصدمه : خير وينا فيه!
زايد ضحك عليها : طيب يلا انزلي
لفت بسرعه ونزلت وهي تسمع دقات قلبها الي عجزت تهدا ، ماكان تتوقع ان سيرة خطبته بتخليها تخطي الخطوة الي كانت مستحيل تسويها الي اهي "تتزوج" فما بالكم بأنها راحت تعرض عليه الزواج بنفسها ..
عند زايد ..
الي ابتسامته ما اختفت من وجهه ،رفع راسه للمساء : الحمدلله لك يارب ، الحمدلله
نزل تحت وهو متأكد بيحط راسه على المخده مرتاح بعد مدة طويلة من التفكير ..
-
الصباح ، عند جودي و نياف ..
نياف بملل : تبين نطلع؟
جودي : اطلع انت
وقف وهو يلبس ثوبه و يلف الغتره على راسه : تمام بطلع مع فارس
ناظرته : وين؟
نياف : بقدم على الشغل الي جابه لي وبشوف السكن الي يقوله
وقفت قدامه وتكتفت : ماشاء الله شايفه علاقتكم قوية من متى؟
نياف ابتسم : من شربت القهوة الحلوه
جودي بعصبيه: تستهبل صح؟
ضحك عليها : ايه استهبل و ترا السكن تحت شقة فرح يعني بتكونين قريبة منها العصر بمرك ونروح نشوفه
جودي : يكون افضل ما تقطعني عن الكل لأني اعرف متزوجة مجرم
رفع كتوفه ببرود : وش تسوين عاد اذا هالمجرم مغرم فيك؟
جودي : اقطع قطعه قطعه وافتك منه
حضنها وباس رقبتها وهمس بأذونها : فداك
شهقت وابعدت عنه بخوف وهي تتذكر همساته لها ، وعقد حاجبه بستغراب ؛ وش فيك؟
بلعت ريقها بتوتر : نياف اذا تبي الوضع يرجع طبيعي بينا لا تقرب مني مره ثانيه
نياف وكأنه فهم عليها : تمام ، تبين شي؟
جلست على الكنب وردت ببرود : لا
تنهد وطلع تاركها وهو حاس بملل من صدها ، من تزوجها لحد الآن ماطلع معها مكان حتى لو مطعم ، يدري انه غلطان بس هي زودتها برأيه..
-
بنفس التوقيت ..
دخلت ام زايد وهي تشوف زايد وابو زايد جالسين بالملحق و ينتظرونها ..
ام زايد بفضول : وش وراكم؟
ابو زايد : والله مدري عن ولدك مناديني هنا
ابتسمت وهي تناظره : بتبشرني انك موافق صح؟
زايد تنتنح وابتسم يتصنع القوة : موافق بس مو الجوهره
ناظروا بعض بستغراب ..
ابو زايد : اجل؟ احنا خاطبين لك الجوهره
زايد : ادري ، بس انا ما ابيها
ام زايد : طيب منهي؟
زايد ناظر لأبوه : يبه ابي وريف
ابو زايد ابتسم : طاح الحطب يعني؟
زايد ابتسم وهز راسه : ايه يابوي وانت عارف ما فقلبي الا هالبنت
ام زايد بستغراب : وش بقلبك وابوك وراه مطاوعك كذا!
ابو زايد : يا ميساء ولدك يحبها من زمان بس انه ساكت لأن بنت سليمان راسها يابس
ام زايد : وهي تحبك؟
زايد : اخطبيها وان وافقت فهي تحبني
ام زايد : والله صار ينخاف منكم ياهالبني
سكتت شوي وكملت : انت تعرف انها مطلقه؟
زايد : ايه وراضي فيها
شهقت بسرعه وهي تتذكر : يالسمرمدي متهاوش مع طليقها ذيك المره لا يكون عشانها!
زايد ضحك بخفه و ابو زايد تكلم : شفتي ان استيعابك بطيئ خلك فطينه مثلي من وقتها وانا داري بولدك
ام زايد بتسليك : ايه ان شاء الله بصير مثلك
وقفت وابتسمت : خلاص بسحبها وبكلمها وان شاء الله انها توافق
وقف وباس راسها بفرحه : الله يخليك لي
ابو زايد يتصنع الزعل : وانا ؟
راح له وباسه : وانت بعد الله لا يخليني منك
طلع وهو حاس بشعور بارد يسي بدمه من الفرحه وده لو انها قدامه الحين ويطير فيها ، من زمان ما داهمت الراحة قلبه مثل كذا ..
عند البنات ..
جميلة وعيونها على شعر بنتها الي تمشطه : اعقلي وخلي اللعب لا يخرب شعرك
حليمه : وش دعوه عليك خلي البنت تلعب واذا خرب انا اضبطه
جميلة : حليمه اعقلي وخليك بولدك
وضحى وهي سرحانه : بنات
ناظروها الثنيتن ينتظرونها تكمل ..
وضحى وهي تلعب بخصلة من شعرها : تعرفون اخوان فارس؟
حليمه : اعرف عنه اثنين
وضحى قربت لعندهم : بقولكم شي
جميلة ربطت شعر سلوى و دفتها بخفه : يلا قومي وانا امك اطلعي العبي
حليمه : مو قلتي لا تلعبين؟
جميلة همست : ابيها تطلع واضح بنت عمك بتقول شي كبير
وضحى : وش دعوه عادي بقولكم بس انه شافني بالغلط
جميلة : وخزياه
وضحى : بس بموت واعرف اهو مين عبدالرحمن ولا رايد
حليمه : اوصفيه
وضحى بتفكير : شوفي انا بس لمحته ولكن شعره اسود وناعم و لونه حنطي مايل للاسمر و طويل و على خده شامه
جميلة : انتي لامحته ولا متكيه جنبه؟
وضحى بملل : اف منك ترا ما استهبل اخلصوا من هذا؟
حليمه : ان ماخاب ظني فهو رايد
وضحك ابتسمت وباستها : زين مشكوره
قامت وطلعت من عندهم وجميلة لفت مستغربه : لا يكون هالبنت طاحت بدرب المحبين؟
حليمه ضحكت : خليها توسع صدرها
جميلة : لا يسمعك عمي لا ينتف رموشك
غطت عيونها بألم : اعوذ بالله
بالجهه الأخرى عند الرجال ..
ابو نايف بستغراب : انا ادري بنت سليمان والنعم فيها بس كيف ولدك بيرضى يتزوج وحده حلت على غيره؟
ابو زايد ناظره بحده : ابو نايف اكسر الشر وركز بعيالك بس
ابو نايف هز راسه : ما بأذنك ماء
ابو زايد : ايه ما بأذني ماء البنت حافظه نفسها وراكده و ولدي يبيها وين العيب؟
ابو نايف : ماهو عيب يا يافع بس انت تعرف الرجال تطيب نفسه من الوحده الي يلمسها غيره كيف..
قاطعه بعصبيه : لا تنسى ان وريف بحسبة وحده من بناتي ولا تنسى بعد ان ولدك بيوم طلق ضناي ، لا تفتح سوالف قديمه وتسبب شوشره ولا عاد تتدخل ، اخوي الكبير على عيني وراسي بس عيالي خط احمر يتزوجون الي يبون دامني ماشفت المضره من اختياراتهم
ابو نايف تنهد : الله يهديك فهمتني غلط انا مقصدي اسولف بس
ابو زايد بحزم : لا تسولف
سكتوا لما دخلت وريف و وراها وضحى بالصينيه و دلال القهوة وحطتها عندهم وطلعت بهدوء ..
ابو زايد بعصبيه ناظر له : لو ترفض ولدي يا خالد ، بعرف انها سمعت كلامك والله ان يصير بينا زعل
ابو نايف بتوتر : مادريت انها موجودة ولا ماكان تكلمت
دخلوا العيال وهم يشوفون نظراتهم لبعض ومستغربين ..
-
عند جودي و نياف ..
طلعت من الحمام وهي لافه الفوطة على جسمها وماهو طالع الا يدها و نص من ساقها ، وتدهن معصمها بسرحان وهي تفكر بنياف الي صارت طلعاته كثيره مع فارس ..
تأففت بملل : تتهزين فيه انه شكاك وتصيرين مثله
لفت بسرعه من شافته دخل الغرفة ونزل غترته ، جمدت بمكانها وهو يناظرها بهالشكل ونزل عيونه واتجهه للدولاب ودخل الكيسه الي بيده و انسدح بتعب..
زفرت براحة وطلعت لبسها من الدولاب بسرعه ..
نياف وهو دافن وجهه بالمخده : ابي اكل جوعان
جودي بستغراب : ليه ما اكلت مع فارس؟
نياف : راح لفرح لأنها طابخه له عيب يتركها ويجي معي
جودي تنهدت : مالي نفس اطبخ ، روح اطلب من المطعم
لف وجهه من الجهه الثانية من دون لا يرد عليها ، تركت لبسها على طرف السرير وراحت لناحيته : مو قلت بنطلع نشوف السكن؟
نياف بتعب : ماهقيت اني بتعب من الفره ، خليها بكره
جودي رق قلبها على شكله : خلاص ريح لك شوي بسوي الاكل و اصحيك
نياف ببرود : تمام
تلحف وغفى بسرعة البرق وعيونها عليه لا يلتفتت وبدت تلبس بسرعة ، وطلعت من الغرفة وتوجهت للمطبخ ..
وبعد مدة رحت تصحيه وطلعت تفرش السفره ..وطلع بالصالة وهو معبس
جودي وقفت : يلا كل
نياف : ماراح تاكلين معي؟
جودي هزت راسها : لا
جلس وهو يتأفف ولا حب يرد عليها حتى ..
جودي بفضول جلست على الكنب : وش سويت مع فارس؟
بدا يسولف بعفويه : ابد مريته ورحنا لبيت اهله واخذ الاوراق الرسمية ورحنا للشركة والصدق طولنا هناك من الانتظار وبعدها رجعته لبيته وجيتك
جودي : اها ، وش سويتوا ببيت اهله؟
ناظرها وابتسم وحب يستهبل عليها : شربت القهوة الحلوه
بانت حدة ملامحها وهي تناظره : جعلك تشرق فيها
نياف بصدمه: خافي الله! تراني زوجك مو عدوك
جودي : كويس انك عارف مفروض انا الي اقولها لك انا زوجتك مو عدوتك
قام من الاكل بعصبيه : حتى بالاكل بتسدين نفسي عنه!
جودي بستهزاء : لا ماعليك بسوي لك قهوتك الحلوه تغير من مزاجك
دخل للحمام يغسل وطلع وللآن العصبيه تاكله : بس عشان قهوة الموضوع يقرقع بقلبك ولا نسيتيه بس انا مستخصره علي هالغيره يوم دريت انك داخله عليه
جودي وقفت قباله : ماسويت جريمه ولا شي يحرمه الدين!
نياف : ولا انا سويت جريمه بنت الناس حطت القهوة على الطاولة و سويتي بلبله
جودي بكت وحضنته بشكل مفاجئ : اسوي لك القهوة الي تبيها بس لا تفكر فيها
بادلها الحضن وهو مذهول منها : و اصير لك الزوج الي تبينه بس لا تروحين معه
رفعت راسها له وعيونها غرقانه : اروح معه وين؟
شد عليها بحضنه وهمس بألم : حلمت انك كرهتيني وتركتيني ورحتي معه
ناظرته مستغربه : بس هذا حلم
نياف : بس انتي فعلًا كرهتيني وهالحلم هاد حيلي ، يشهد ربي علي ان تركتيني اني بموت
جودي همست بينها وبين نفسها : بسم الله عليك
نياف بهدوء وهو يمسح على ظهرها وشعرها: وان كان ودك بموتي زي مادعيتي علي ، اختاريه وروحي معه
هزت راسها وهي بحضنه : لا ما ابيه
ابتسم رغم الحزن الي بقلبه : توعديني؟
ناظرته بانكسار : لا عاد توجعني وتأذيني لا تخليني ابتعد عنك الف خطوة بسبب اغلاطك بكذا انا اوعدك اني ابقى لك طول العمر
باس راسها وهو يستنشق ريحة شعرها : ابشري
ابعد عنها وهو يفتح الدولاب ويطلع الكيسه وطلع الي فيها ومده لها وهو مبتسم : افتحيه
اخذته بستغراب : هذا وش؟
فتحته و انصعقت بجمال الطقم ، وناظرته مصدومه : لي؟
نياف هز راسه بهدوء : لك
حطته على التسريحة و اخذت السلسال وهي تحطه على رقبتها وتتلمسه بأناملها متعجبه من حجمه وجماله : وماقلت لي انك مريت لسوق الذهب وجبته لي
ضحك و وقف وراها وهو يشبكه لها من دون لا يرد عليها..
لفت عليه وحاوط وجها بيدينه وناظر بعيونها وهو يقول :
إني مُعتذرٌ، عن فِعلٍ فعلتُه
وإني لألومُ، مُعتقَدِي و فِكري
أنا اسفٌ لُو أن أسفيّ، مُجديٌ
ليّتَ، محبَتي لِقلبكَ،تشفع ..
"
بلعت غصتها وسندت راسها على صدره وتنهدت : تبقى وليف القلب لو صار ماصار
حضنها وهو مبتسم : ان زعلتك مره ثانيه انا راضي تفلقيني بالصخر
جودي : الصخر ماراح يوجعك ولا بيبرد غليلي لو جرحت هالقلب مره ثالثه
نياف : ابد سوي الي تبين بس خليك حولي ولا تتركيني
جودي ابتسمت وهي تاخذ نفسه براحه ، رغم انها ماتخطت بشكل كامل بس بتحاول و بتراقب الوضع ان كان فيه تحسن بتسعى فيه معه ..
-
بالبيت ..
طلع زايد من الملحق وهو ضايق صدره من قاله ابوه عن الي صار وتنهد بملل : يا ناصر مو وقتك تلعب اخلص علي وينك!
طلعت من ورا الشجرة وهي تأشر له وسرع خطواته لها بستغراب : وش مجلسك هنا؟
وريف : انا الي قايله لناصر يناديك ، ابي اكلمك بس مو هنا ممكن؟
زايد : تعالي للسطح
وريف : روح انت اول وبجيك
صعد وبعد دقايق راحت وراه وسكرت الباب ووقفت قباله ..
زايد بريبه : وش فيك؟
وريف : خالتي كلمتني
زايد ابتسم : اشوا حسبتها بتطول
سكتت شوي و كملت بتوتر : زايد عمك ما يبيني زوجه لك؟
زايد : ومن قالك هالحكي؟
وريف قالت له عن الي سمعته ..
زايد تفشل من عمه : عمي تفكيره كذا وانا ماعلي منه ، انا راضي و ابوي و امي راضين
وريف بشك : متأكد؟
زايد : تبين اكلمهم قدامك ؟
وريف هزت راسها بسرعه : لا ، بس تكفى اذا واحد من اهلك رافض هالفكره خلني على بينه من الحين
زايد : كل اهلي راضيين ، ولو محد راضي فيهم باخذك لأني انا ابيك
وريف : بس انا ماودي بالمشاكل ابد
زايد : لا تشيلين هم شي ، لأن مابها مشاكل ولا هم يحزنون
نزلت راسها وتنهدت : تمام
زايد : وش رديتي على امي؟
رفعت راسها : قلت بفكر
ضحك عليها : علينا ها
وريف ابتسمت : وش اسوي يعني لازم اسوي كذا
زايد : يلا انزلي عاد لا يفقدك احد ويشوفنا كذا
وريف : طيب
-
عند صقر و سُلاف ، الي خلصوا من موعده بالمستشفى و طلعوا يتمشون يغيرون جو ..
تقلب كراتين الحبوب بفضول : يقول الدكتور بعد الأكل تاكلها
صقر وعيونه على الأطفال الي يلعبون بالمراجيح : دخليها وسكري هالموضوع لأنه سد نفسي
دخلتها بالكيس ورفعت راسها لمستوى نظره وهي تشوفه يتأملهم : صقر ، نغير المكان؟
لف عليها : عشانهم؟ حتى لو رحنا البيت بنشوف ناصر و سلوى و سامر و توأم اختك الي ببطنها وهذا ان كان فرح موجوده
سُلاف بترقيعه: انا قلت لك بس كذا مو قصدي عشان الاطفال
صقر تنهد : قاعد احاول اتأقلم اعطيني فرصة
سُلاف حضنته : لك كل الفرص بس انت ارجع صقر الأولي والله فاقده ضحكتك و استهبالك معي ، وينك عني؟
صقر تنهد وهو يستوعب الانطوائيه الي دخل فيها بعد معرفته : برجع وازعجك بس عطيني مهله
سندت راسها على كتفه : مالنا ثلاث شهور متزوجين ، لا تيأس
صقر بهدوء : ابشري
جتهم وحده كبيره بالسن وهي شايله اغراضها : تبين تنقشين؟
سُلاف ابتسمت وناظرت صقر : ابي
جلست جنبها : تحبينه هادي ولا؟
سُلاف : وسط
بدت تنقش يدها و تركيزهم على رسمها وابتسمت من دون لا ترفع نظرها : توكم متزوجين؟
سُلاف : ايه
كانت تسولف معهم لحد ما انتهت من النقش ومنها طلعتهم من الجوء الكئيب الي كانوا فيه ..
-
بالبيت ..
وكالعادة انتشر خبر خطبة زايد و وريف الي استغرب الكل منها بدون استنثاء حتى خواتها ..
جميلة : غريبة مو كانت ماتبي تتزوج؟
حليمه بفرحه : الحمدلله انها تغيرت
جميلة ابتسمت وعلت صوتها عشان يسمعونها : خلاص ماعاد يبقى الا ثامر
ابو زايد بمزحه : بزوجه وضحى
ثامر : مستحيل ما اتزوج هالعجوز
وضحى شهقت بصدمه : كل تبن انت واذانيك ما ابيك اصلًا يالبزر
ابو زايد : عجوز ايش اكبر منك بخمس سنين بس عادي
ثامر : لا لا فكوني منها
ابو نايف : اقول انقلع عن وجهي حاصلك بنتي
ثامر : ابشر بنقلع
ام زايد : عاد اذا وافقت وريف متى بتخطبها وتملك عليها؟
زايد : مدري انتي اخذي موافقتها وذيك الساعة نفكر
ابو نايف : ظني بنكون رجعنا للديرة بقى اربع ايام ونمشي
جميلة : ومتى بتجون للدمام؟ من تزوجت وانا ابيكم تجوني لا تشوفوني اضحك الحين تراني والله زعلانه
ابو زايد ضحك : خلاص ابشري ولا يهمك بعد فترة لا ركد وضعنا بنجيك كلنا بس خلينا نرجع للديره ونشوف بيوتنا ونقابل حلالنا
جميلة ابتسمت : ايه زين اجل كذا مضبوط
بأحد الغرف ..
ليلى تخصرت : انتوا بتولدوني.. علميني الحين وش بينك وبين هالزايد الي خلاك تتنازلين عن قرار الزواج بعد كل هالسنين؟
وريف رفعت كتوفها : نصيب يعني يابنات ارده؟ خلاص جاني
جودي : كذابه ، رديتي الي قبله بس ليش اهو بالذات؟
وريف بنرفزه : اهوه يابنات! خلاص احبه وابي اتزوجه ارتحتوا؟
ليلى ضحكت : ايه قولي كذا من زمان وخلي سوالف النصيب وما النصيب
انسدحت واعطتهم ظهرها : دامكم عرفتوا يلا اطلعوا وسكروا الباب
جودي : اقول استحي على وجهك وامشي معنا
وريف : لا مستحيه اطلع لأهله
سُلاف ضحكت : رحمتها ، خلاص اقعدي لحالك اجل
وريف : بنام لا تزعجوني
وجود هزت راسها ودفتهم لبرا : امشوا نطلع
سكروا الباب و كملت : واضح تبي تكون لحالها خلوها
مشوا البنات لبرا ، بحيث يقعدون مع الكل ..
بعد حول الساعة قامت جودي ودخلت للمطبخ ، ولحقها ..
وقف عند الباب وتكتف : وش تسوين؟
ناظرته وصبت لها مويا ورفعت الكوب بمعنى اشرب..
نياف قرب لعندها وهو مبتسم : عجزانه تردين علي يعني؟
مسكها من رقبتها وباسها بخدها بقوه واتسعت عيونها بصدمه من حركته السريعه وتركت الكوب وضربته : قليل حياء وخر!
رجع يبوسها ودخل جابر الي نزل راسه بسرعه ، وكح نياف من الاحراج ..
جابر الي يبي يرقعها ولا عرف : ماعليه كمل ماشفت شي
طلعت جودي بسرعه ولفت عليه تتوعده بحركات يدها وهي ميته حياء ..
نياف مسح على وجهه : الله يقلعك خربت علي
جابر : اشوا اني جيت انقذتها منك ولا كان اكلتها
نياف : اقول اعقل وخل هالحكي الماصخ
جابر يمثل الخوف : لا خفت صراحة
طلع نياف وهو عارف انها ناويه عليه بس كالعاده مايدري وش بتسوي ..
اما جابر الي جلس جنب ليلى وهو يضحك ويقولها الي صار ..
ليلى ضربته بخفه : جابر لا تضحك! ياعمري وخيتي تلقاها استحت
جابر : اهي استحت خالصين منها بس دام اخوي عنيف كذا الله يعينها
ليلى بصدمه : قليل ادب انت! اسكت ولا بزعل ترا
جابر ابتسم : ولا يهون زعلك يا ام .. ايش؟
ليلى ابتسمت بخفه : حنان و..؟
جابر باسها : ريان
ليلى : تم؟
جابر : تمين مو تم واحد
ابتسمت وسندت ظهرها لورا وهي تحط راسها على كتفه ، وقد ايش تحمد ربها عليه وعلى حياتها معه ..
-
بـ بيت الجد :
جلس جنبها وهم مبتسم وينتظرها تخلص قراءة ..
الجوهره نزلت الجريده وتأففت : وش تبي؟
رايد : اخوك انا صح؟
الجوهره : لا ولد الجيران
رايد : ماعليه مقبوله ، بسألك عاد وجاوبيني بصراحة
الجوهره حطت الجريده جنبها ولفت عليه : اسأل
رايد : وحده عيونها كبار و شعرها اسود داكن من بيت الـ .. مين هي؟
الجوهره بستنكار : تستهبل صح!
رايد ابتسم : يلا عاد علميني اسمها
الجوهره وقفت بسرعه : من متى شايفها؟ والله اعلم امي عليك ياقليل الادب
رايد انصدم : بزر انتي! سألتك بس وجاوبيني بأسمها
مشت وخلته وتنهد : و انا غبي بعد يوم اسأل هالمجنونه
قام بسرعه متوجهه للمطبخ يدورها : والله داري اني بشوفك هنا
سديم نفضت يدها : وش تبي؟
رايد جلس جنبها وهو يتودد : انتي اختي السنع..
سديم بملل : ادري تبي قهوه صح؟
رايد : سوي لي ، بس ماجيت عشانها
سديم : اجل؟
رايد : لا تعصبين بس وحده من اهل فرح ، شفتها بالغلط وابي اعرف اسمها
سديم : من جدك؟
رايد : ايه والله علميني وش اسمها بس
سديم : شلون شكلها؟
رجع يشرح لها وهو مبتسم ، وخزته : يارب انك تمزح! هذي وضحى اخت جابر الي طاقها سوالف معه لو يدري ياويلك
رايد : وانا بذبح اخته سألت منهي بس
سديم : طيب خلاص اطلع برا خلني اسوي القهوة على رواقه
طلع وهو مستانس انه عرفها وجلس بالصاله ينتظرها وهو يدندن وشوي شوي جو العيال حوله و نسى الموضوع بوجودهم ..
-
بعد يومين ..بالملكة
تجهز الكل بدون استثناء للثنائي وريف و زايد ..
والفرحة كانت مدبله اكثر شي على خواتها الي كانوا شبه فاقدين الأمل لأرتباطها الثاني ..
جلست جنبها وهي تناظرها وابتسمت : ها متوتره؟
ابتسمت بهدوء وهزت راسها : شوي
دخلت سُلاف بالمخبره وهي تضحك : لو تشوفين العيال تحت كيف مستلمينه بترحمينه
وريف : زايد؟
سُلاف : ايه ، جايبين طاري الجوهره الي كان بيتزوجها بس بقدرة قادر صرتي انتي
وريف كشرت وليلى ناظرتها بسرعه بتنبيه ..
حست انها جابت العيد: وريفي اسفه والله ماكان قصدي بس العيال يستهبلون
وريف ناظرتها : وش ردة فعله؟
ابتسمت بتوتر : متجاهلهم
ليلى بتصريفه : خلوا الكلام ويلا ننزل قبل يجي المأذون
نزلوا تحت ، وجلست وهي تشوف الكل مستانس وملتمين حول بعض وكأن بكل مره افراحهم تتجد في بعض  ..و اختارت يكون زواجها بالديرة كرد اعتبار برأيها لما تطلقت ما ارتاحت من الكلام الي واجهته بالذات ان طلاقها كان بعز مشكلة ابوها الي انتشر صيتها بسرعة البرق بين الكل ..
عند الرجال ..
دخل فارس وهو يسلم على الجميع و وقف قباله وابتسم : مبروك يازايد تستاهل كل خير
زايد : الله يبارك فيك
جابر همس لصقر : زين انه ماجاء واحنا نستهبل على زايد وعرف بسيرة الخطبة
صقر : عاد اسكت انت لا تنكبنا
هز راسه : خلاص سكتنا سكتنا
دخل المأذون وتوسط المجلس وبعد دقايق عديدة اخذ جابر الكتاب وهو يوصله لليلى تدخله لوريف ..
ومرت هالليلة مثل اي ليلة احتفال عليهم بسعادة ، بعد كتابة الكتاب رسميًا تعتبر زوجته الآن ، تحت تبريكاتهم للأثنين..