لعبة القدر

البارت الاول

#لعبة_القدر
لم اكن اعرف اني في يوم سأكون لعبة بيد القدر كالدميه التي لاتحرك ساكناً وهناك من يتحكم بها

نبدي قصتنه بسم الله تعالى

مرحبا
اني رند من مواليد 1999
آٌنـي البنت الوحيده الاهلي طالبه خامس اعدادي ادبي
عائلتي تتكون من بابا حسن رجال فقير لابعد الحدود طيب القلب حنون يشتغل عامل بمعمل حداده
وماما ابتسام الانسانه الرائعه المربيه الحنونه

من وعيت على الدنيه وتسجلت مدرسه سنه 2005 وباول يوم اليه بابا اخذني من ايدي وطوبني للصف كنت طفله واخاف وبسبب تعلقي ابابا اضطر يبقه يمي كاعد بالرحله واني متمسكه بي مااقبل يعوفني ويروح الى نهايه الدوام وثاني يوم كان بابا شغل وماكدر ياخذني اخذتني ماما وهم بقت يمي الى ان تعودت على المدرسه وتأقلمت هنا بدى السؤال الي يسألونه اليه بكثره انتي ليش متشبهين لا امج ولا ابوج
المعلمه/رند الي جانو يجون وياج بدايه الدوام الرجال والمريه منو هذوله اهلج
رند/نعم ست هذوله بابا وماما
المعلمه/كم اخ واخت عندج
رند/ست ماعندي لا اخت ولا اخ بس اني
المعلمه/انتي تشبهين منو شو ابد متشبهين لا امج ولا ابوج
رند
طفله واول مره انسأل هذا السؤال انتي ليش متشبهين لا امج ولا ابوج بسبب شكلي
الي هو
لون عيوني ازرق فاتح حيل بلون السماء
وشعري الاشقر وبشرتي البيضاء
اما بابا وماما عيون سود وبشره سمراء
ولهذا السبب كانت المعلمه تسألني انتي متشبهين لا امج ولا ابوج بقه السؤال يدور براسي رجعت من المدرسه وسألت بابا
رند/بابا اني اشبه منو
بابا/صفن بوجهي كال لَيــِْش هذا السؤال بنتي
رند/مو المعلمه سألتني اشبه منو كالت انتي شو متشبهين لاابوج ولا امج شفت بابا فرك شعره وابتسم اخذني بحضنه باسني من راسي
بابا/رنوده حبيبتي انتي تشبهين الطبيعه عيونج تشبه السمه وشعرج يشبه الشمس وبياضج يشبه الكمر وكلبج يشبه البحر انتي تشبهين الطبيعه النقيه الخاليه من اي تلوث
رند/ابتسمت وحضنته وهو كالعاده يشم بشعري ويبوس براسي
بابا حبيبي الاول وقدوتي بالحياةمن يجي من الشغل تعبان واركض للباب استقبله يبتسم يكول الماما هسه راح التعب كله
جان بليل يدرسني والصبح ماما تكعد تسويلي كوب حليب ولفات تخليلي بالجنطه ومطاره مي وتسويلي شعري ستوتات ضفاير وبابا ياخذني بيدي للمدرسه يوصلني ويروح للشغل ومن يخلص الدوام بالصباحي ماما توكفلي اباب المدرسه تاخذني وبالضهري بابا يوكفلي وهو بملابس الشغل رغم صغر سني بس كنت افتخر بي واكو الصديقاتي هذا بابا
مرت السنين وخلصت مرحله الابتدائيه واني بكل سنه من الأوائل صرت صف اول متوسط وبدت معالم جسمي تبين وهنا زاد خوف ماما وبابا عليه
ماما /بنتي رنوده حبيبتي انتي صرتي بالمتوسطه وجبيره لازم تلبسين حجاب بعد صرتي جبيره والعين عليج بنتي
رند/ميخالف ماما اتحجب
وفعلاً تحجبت جنت البس حجاب اميره لون ابيض ووجهي مدور وعيوني كبار مسحوبه وبشرتي بيضه الحجاب حيل لايكلي وحسيته زادني جمال
رغم ماافتهم شي بس مجرد كبرت وعمري صار 11 سنه بس كانت عيون الشباب الي يوكفون اباب المدرسه تلاحقني صرنه سنه 2011
وماما زاد خوفها عليه ابد متقبل اروح وارجع وحدي ومازلت انسأل هذا السؤال مٰـن صديقاتي انتي شو متشبهين امج وابوج وبكل مره اتذكر كلام بابا الي كاله اليه من كنت صف اول ابتدائي وابتسم اكولهم اني اشبه الطبيعه هيج بابا يكولي
صرت صف خامس بدايه دوام جان وصار الشي الي مجنت حاسبه اله حساب بابا كالعاده بمحل الحداده وواني صار اسبوع على دوامي رجعت للبيت كاعدين اني وماما نتفرج مسلسل التركي زهرة القصر الي ماما تشبهني بيها حيل كل ما تطلع كالت طلعت رنوده وفعلاً اشبهه حيل ماما اتابع المسلسل علمود هاي الممثله تكول بس شوفيها شكد تشبهج
كاعدين نسولف ونضحك اني وماما واندك الباب طلعت ماما تفتحه واني اتفرج سمعت صوت ماما تعيط طلعت اركض لكيتها كاعده بالكاع بالكراج وتدك على راسها وتعيط ابوج مات انصدمت بابا مات شنو ركضت على ماما عطت بيها شنو بابا مات وين بابا بدت الجوارين تطب علينه طبعاً احنه كاعدين بمنطقه تجاوز يعني بيتنه تجاوز وحالتنه على كد حالنه بس الحمدالله عايشين ومرتبين بيتنه رغم بساطته واثاثه البسيط بس بي دفو وراحه وحنيه
هنا عرفنه بابا طاكه عليه الكهرباء اثناء الشغل ومتكهرب وميت اسودت الدنيه بوجهنه راح بابا الشخص الطيب الحنين الي ماكو بطيبة كلبه وحنانه ابد گـِْـِْلِْ المنطقه تحلف براسه وتحبه الكل تبجي عليه اني فقدت لان بابا كان صديقي المقرب وتعلقي بي بشكل مو طبيعي حسيت نفسي فقدت الحنان والسند وكلشي صارت فاتحه بابا الجوارين كولهم يمنه ماعاوفونه لان ماعدنه اقارب بابا وحيد اهله وامه وابوه متوفين وماعنده تواصل وي اقاربه الي بعيدين وولا يوم جاب طاريهم يكول اني ملتهي بالعيشه وبالشغل ماعندي وقت ادور فلان وعلان اما ماما عدها اخو جبير متوفي من زمان واخت وحده اكبر منها عايشه بمحافضه الناصريه
واحنه من سكنت بغداد
اجتي خالتي هي و ولدها للفاتحه خالتي جبيره بالعمر بحيث ابنها الجبير صاير جد وكلهم متزوجين وكبار
خلصت فاتحه بابا وكلمن رجع البيته
بقينه اني وماما والحزن. مخيم علينه والوحشه كتلتنه
اجه ابو الشغل الماما كاللها هذا راتب حسن وتعويض الكم خله بيدها بوقتها مليون دينار
اهنا ماما لزمت عده واني رجعت لمدرستي اداوم
بقينه نصرف من الي جابه النه الرجال اكلنه شربنه السحب كولشي منه مصرف المدرسه هم
خلصت ماما العده والفلوس الي عدنه خلصت بقه شي كولش قليل
قررت ماما تشتغل حته تعيشنه بس ماكو شغل اشتغلت خبازه وبحكم منطقتنه تجاوز الناس على كد حالها محد يشتري انسدت بوجهنه وحته لكمه ماعدنه ناكلها بعد
ماما صافنه ومخليه ايدها على خدها تفكر
رند/ماما خلي ابطل من المدرسه واشوفلي شغله بمحل ملابس بشي بالكت الكه ونعيش
ماما/لا بنتي مستحيل كولشي ولا مدرستج ومستقبلج الله يفرجها علينه اكو شغله ابالي اكو وحده اذا اروحلها يمكن تساعدني اجرب اروحلها
رند/منو هاي ماما
ماما/منى بنت خالتي هي دكتوره ومتمكنه عايشه هنا
رند/شو اول مره اسمع بيها
ماما/اي بنتي من تزوجت وبعد ما تواصلت وياها بس اندل بيتهم ابوج ميقبل اروحلهم لان هي دكتوره وزوجها امكانيه هم يكول خاف يقللون من قيمتنه ولذالك ابد ميخليني اروحلهم بس هسه خلي اروح احرب بالكت تساعدني او تلكالي شغله هي دكتوره حته لو اشتغل منضفه بعيادتها
رند/استهضمت منضفه ليش خلي نروح بس اذا هانتج او استصغرتج مستحيل اخليها
ماما/بنتي اني ماشايفه شي على المره وبعدين هي من امها ماتت وامي ربتها وزوجتها هم طلعت عروس من بيت اهلي صح هي اكبر مني بالعمر بس جان بينه احترام والابنيه ماشفنه منها شي وحته بـٍْْعــٍْْد زواجها رحت لبيتها اني وامي لحد ما امي توفت انكطعت علاقتها بينه خلي اجرب نروح بس كون بعدها بنفس بيتها ماغيرته اخر شي رحتلها بسنه 1998 قبل لا تجين انتي
ثاني يوم رجعت من الدوام وبدلت العصر رحنه اني وماما اخذنه تكسي ورحنه على العنوان منطقتهم قريبه على منطقتنه تصير