#لعبة_القدر
مهند
اخذت اياد للحلاق الصبح زين ورجعته طوبته للحمام سبحته وطلعته حضرت القاط الي يلبسه بالحنه الضهر امي كالت مهند روح جيب البنات من الصالون لان السايق اتصل بيه السياره صاير بيها عطل ومراح يكدر هو يروح
مهند/ماكو احد غيري يروح يجيبهن
منى/ليش احنه منو عدنه غيرك قابل
مهند/سحبت نفس كوه تخلوني بمراقف اني مو كداها كلت انطيني عنوان الصالون اروح اجيبهن اخذت العنوان ورحت واكف بالباب طلعت رند بدله منفوشه مثل مال اميرات لون احمر بس مغطيه كل روحها من وصلت يمي رفعت راسها عليه شافتني فتحت عيونها صفنت بجمالها لنوب بقيت اكل بروحي بلازيد من شفتها صعدت بالسياره الجمال الي جنت محافظ عليه واتمنه اليوم الي يجي حته اضوكه بي راح مني كلشي تمنيته راح الغيري
صافن بعيونها اسوق بلا وعي لو وحدنه بالسياره يمكن ماادري بروحي اخذها وانهزم بيها بس نوسه ويانه
احس النفس ضاق عليه اباوع عليها شطالعه لعابه دلوعتي بنيتي اليـوم حنتها بلعت ريكي
نوسه/دشغل اغاني عاد ترى عدنه عرس مو فاتحه
مهند/كاافي منا الناس اثكلي شويه
رند/وصلنه للبيت طوب السياره للكراج كبل نزلت طبيت للصاله الحنه مال البنات بالصاله والولد بالحديقه يسونها لان بالحنه مو هوايه معازيم قليلين
نوسه اول ما طبت شغلت الدي جي جنت لابسه برنص نزعته على صفحه نور اجتي عدلت البدله فرشتها على التخم نور كولش لطيفه وحبابه ومتواضعه عكس نوسه شايفه روحها حيل
كالت ماشاء الله جنج باربي انياله الايودي عليج
كولتلها شكرا
ورا شويه بدو يجون المعازيم والملالي اجوي خاله حاجزه ملالي كالت يسون الحنه على الطريقه التركيه
اجني صديقات خاله وبناتهن ونسوان اصدقاء عمو وبناتهم صارت الحفله حلوه خصوصاً الملالي كعدت بالنص وغطوني بتور احمر والبنات الي ممزوجات يلزمن قماش ابيض فوك راسي يصعدونه وينزلونه هيج اجواء صارت اني جوه التور مدنكه راسي ودمعت عيوني تمنيت ماما موجوده وبنفس الوقت تمنيت حنتي اني ومهند جان هسه اني اسعد انسانه بالدنيه
ورا شويه رجعت كعدت بمكاني وزعو العشه
مهند/صارت الحنه فرشنه كراسي بره اصدقائي هم عزمتهم وجبنه دي جي كملت الحفله ورا العشه الكل راحت بقينه اني وابويه وزوج عمتي واحمد ابن عمتي
طلعت امي كالت طبو مابقو احد غريب
طبينه للصاله رند مغطيه بس ايدها بــَس شعرها مبين كعدت اياد بصفها واجتي امي وعمتي حنوهم
اني واكف يم الباب منتجي على الحايط صاير مقابيل رند فت صافن عليهم اثنينهم آخـۅيھ وحبيبتي مابقه على تحطيم حلمي نهائياًغير بس ليله وحده
اريد الحفله تخلص اختنكت فد نوب صعدت الغرفتي قفلت الباب على روحي بقيت اباوع على المرايه وابجي مثل الطفل الي فاقد امه انتهيت بقيت اناشغ من البجي احس كٓٓلٍٰــْبي يوجعني حيل مااتحمل بعد ياادنيه مااتحمل شسويتي بيه ولعبتي بيه نزعت ملابسي وطفيت الضوه ونمت اندك الباب عليه مافتحته ولا عرفت منو الي دكه
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
