لعبة القدر

البارت 50

#لعبة_القدر
مهند
فتحت الابنيه الباب والي شفتها سمر اخت سجى زوجتي تفتاجئت حيل
هاااي انتي
سمر/وانت شجايبك البيتي وشرايد مني
مهند/تعرفين الي متزوجته منوو
سمر/منو وانت شعليك بي
مهند/لج اياد آخـۅيه يصير
سمر/شنوووو الدكتور اياد اخوك
مهند/نعم اخويه بهلاثناء طلع اياد مبدل ملابسه وطلع كال حبيبتي منو على الباب رفع راسه وشافني انصدم
اياد/مهند هااي انت شجابك وشلون عرفت ومنين اندليت البيت
مهند/والله مع الاسف عليك الله رزقك بمره تسوه الف مره جمال واخلاق ونضافه ومثقفه وصغيره وتحبك ووفيه الك وخلفتلك ولد يسوه راسك تجي تخونها وي هاي الي ماخذات الخيانه عاده عدهن اكيد متفرق عن اختها بشي
اياد/لحضه لحضه ليش هي منو اختها
مهند/اخت سجى
اياد/سجى زوجتك
مهند/ايي
اياد/دار وجهه سمر ليش ماكلتلي انتي اخت سجى
سمر/لَيــِْش هو اني اعرف بيك اخو هذا المجرم لو ادري بيك اخوه اصلاً مااباوع لوجهك
مهند/حلوووو مجرم وانتم عدكم عاده ماخذينها مال حرام وزنه ولعبان النفس
سمر/بس اخوك تزوجني
مهند/بس قبل ليزوجج جان يجي يقضي وقت يمج
اياد/زين انَـت شمدريك
مهند/انت اسكت لتحجي شي بعدين حسابك ومو بــَس اني الي ادري ومرتك هم تدري
اياد/تخبل شنوووو رند لااا بــَس لاكلتلها كلشي ولارند تعرف مهند عفيه ساعدني مااريد اخسر رند
سمر/حلووو متريد تخسرها لعد مو ع لاساس انجبرت عليها ومتحبها امشي اطلع من بيتي وباجر تطلكني افتهمت
مهند/اذا عندك كرامه متبقه دقيقه هنا وطلعت صعدت سيارتي بقه اياد يصيح دقيقه مهند طب يبدل ماادري شيسوي وعفته وشغلت سيارتي دمي يفور وين لكه سمر وشلون نجمعو سويه اني ادري بيها جانت طالبه وهي مشايفه اياد ابد ولاهو شايفها لان جان بروسيا يدرس وهي ماعدها علاقه باهلي اصلاً راسي ضل يفتر دك التليفون اياد تذكرت دموع رند وقهرتها فتحت خط كتله تعال لبيتي اني رايح قبلك
وصلت للبيت ورا شويه طب اياد اول ما طب ضربته بوكسي على خشمه بقه يصب دم
اياد/مهند شبيك بس خلي افهمك
مهند/شوف يااخويه هاي اول مره بحياتي امد ايدي عليك ولو رند متدري جان ساعدتك وطمطمت لسالفه بــَس دام رند تدري وقرت گـِْـِْلِْ محادثتك وياها وبجيتها وقهرتها لااااا هنا ولاااااا انسه انت منوو واوكف وي الحق حته لو انت اخويه
اياد/هاي اول مره تضربني وعلمود منوو علمودها هي موووو ترى مو غبي اني ادري بيك جنت تحبها
مهند/شنوووووو
اياد/اييي ادري حسيت بهالشي ومتاكد طلكت مرتك لان بعدك تحب رند واكبر اثبات بــَس رند داومت جامعه انت داومت وياها وبس رند اجلت السنه انت تركت الجامعه
ولهذا السبب اني رحت ادور غيرها وحبيت سمر وممتندم لان حبيتها ومراح اطلكها افتهمتني
مهند/طبك مرض هي لايكتلك مثل ماخنت مرتك وغدرت بيها راح يجي يوم وهي هم تخونك حالها حال اختها وتذكر كلامي واذا رند طلبت الطلاك منك اتاكد اني اول واحد راح اوكف وياها
اياد/عااادي ماانصدم تدري حته ادم صرت اشك بي ابنك مو ابني ماهلكد تحبه ومهتم بي
مهند/فارت اعصابي لزمته ودك بوكسيات نهيته نهي لك حيووووان انت شتحجي تشوف نفسك قذر عبالك رند مثلك وعبالك اني مثلك اغدر بأخويه تعبت من الضرب بي فقدت عليه هلكد ما غثني بكلامه لهل درجه اياد تغير لهل درجه آخـۅيھ نذل وتفكيره وسخ واني محاسس بشي طبيت غسلت وجهي طلعت لكيته يريد يطلع وهو كوه يمشي طلعت قفلت الباب وشغلت سيارتي ورجعت للبيت وصلت قبله طبيت لكيت امي ورند وادم بحضن امي جان
ماحجيت شي بس منتضر اياد يجي بــَس مااجه ماادري وين راح اكيد رجع يمها سكتت ماحجيت شي صعدت للغرفه حته ماابين شي هــًـًســًه لليل واياد ماكو امي وابويه يتصلون عليه مغلق بقه بالهم كلتلهم اني ادري بي وين لتخافون عليه نامو يم صديقه بايت
رند باوعت عليه وهزت راسها بعتب عرفت هو يم هذيج باقي
امي وابويه طبو نامو وشفت رند تنيم بادم
طلعت للحديق كاعد بالمرجوحه وافكر شراح اسوي واتصرف وي اياد لازم يترك سمر لازم يصحى
شويه وطلعت رند كعدت يمي رفعت راسها للسمه تباوع جان شته والجو بارد والدنيه ليل
مهند/نام ادم
رند/ايي نام
اياد يمها بايت موو وانت اندليت البيت
مهند/اييي يمها اكيد لان بيا وجه يجي والي يشوف وجهه والضرب الي اكله شراح يكول لاهلي
رند/لَيــِْش ضربته انَـَت
مهند/ايي نهيته
رند/سولفلي كولشي الله يخليك ترى كلبي مثل النار
مهند/تمٌــام اهدئي وراح احجيلج كولشي
سولفتلها من اول ماراقبته لحد ماطلع من بيتي