#لعبة_القدر
مهند/شِفـٍت رند تهسترت حسيتها راح توكع جسمها يرجف وادم شايلته رحت اخذته من ايدها لان على صوت صياحها وبجيها الطفل تفرفح بجي
صحت ايااااد كاااافي اخذ مرتك واطلع بسرعه
اياد/ماااشي رند هسه انتي ﺸنـٌٍـٍوﯛ دا تعيرني مثلاً
يله سمر امشي
سمر/لحضه اياد زوجتك مو تريد الطلاق واهلك متقبلوني خلاص لو تطلكها الها لو تطلكني اني
اياد/شبيج سمر مو وكته هالحجي
سمر/لااا وكته يله اختار
اياد/رند صار تـْدللين شوكت متحبين اطلكج
يله سمر امشي
رند/اخذ مرته وطلع واني كعدت بالكاع خليت ايدي على راسي وابجي على حضي وقسمتي
محمود/منى هالحجي صح انتي مخيره رند لو تقبل بأياد لو تطلع خارج البيت
منى/ايي محمود صحيح اعترف غلطت اني وطلبت هالشي من رند بــَس شسوي اني ام ومتحملت اشوف ابني هيج كدامي وهو طلبها بلسانه وكلي احبها واذا رند موافقت بيه مراح اتزوج طول حياتي واضطريت اطلب هيج طلب من رند بنتي حقج عليه والله اني غلطت اعترف بــَس معبالي اياد هيج يسوي عبالي صدوك يحبج وتبقون سويه طول العمر واني ابد مراضيه على الي سواه اياد ابد
محمود/مع الاسف عليج منى هاي انتي الي مثقفه وواعيه هيج تستكوين على طفله يتيمه لو ادري جان ابد ماخليتج ابد حته لو اياد الي طلب هله هله باليتيم
مهند/شايل ادم بحضني مخلي راسه على كتفي لحد ما غفى ونام اسمع بالحجي والحسره الي بكلبي تاكل بيه بدي اصرخ بوجه امي مو اني هم ابنج وكتلج احبها ومنعتيني اخذها هــًـًســًه هيج زين الج من كسرتي كلبي وكلبها
اباوع على رند وكلبي يعصرني عليها
رند/رفعت راسي خاله اذا فعلاً ندمانه على الي سويتي بيه خلي ابنج باجر يطلكني واخذ ابني واروح
محمود/بنتي والله حقج والي تريدينه يجرالج بس طلعه من البيت ماكوو هذا بيتج وبيت ابنج تبقين كاعده بغرفتج معززه مكرمه
رند/مترهم عمو بصفتي شنو بعد ابقه هنا
محمود/بصفتج بنتي وام حفيدي وهم مااريد حفيدي يتربى بعيد عنه اريده يبقه كدام عيني
منى/اي رنوده حته لو تطلكني تبقين بمكانج آْنَتي وادم هنا مكانكم بس بنتي لو شويه تفكرين وتنطينها فرصه اخيره انطي وقت هاي نزوه وهسه فتره يتركها ويرجعلج لخاطر ابنكم الطلاق مو هين
رند/لو هسه يجي بهالحضه ويكولي طلكتها وندمان. هم مراح اتقبله بعد الله يخليج خاله اني حاسبتج امي لتكسرين كلبي اكثر ارحميني
محمود/منى اتركي الابنيه على راحتها وهي تتخذ قرارها
منى/مااشي براحتج آٌنـي حجيت هيج حته مينهجم بيتج
محمود/منهجم بيتها ومراح يتغير شي بحياتها ومخسرت شي اياد هو الي هجم بيته وخسر زوجته وابنه واهله وماله طبه للبيت بعد اذا يريد ابنه من لباب يشوفه خلي هاي تفيده اسمعو كلكم اذا سمعت بأياد طاب للبيت والله ودين محمد ميبقه بالبيت
سمعتي منى
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
