البارت 14
#لعبة_القدر
رند
طبيت وياه الكراج التراب الي بي طبقه صاير كوتله هاي شنو
مهند/ترى من الحادث ولليوم ابد ممنضفه لتنصدمين بالتراب الي بي اني اجي بس لغرفه رنوده شويه واطلع وكل شكد ياله اجي
طب فتح الباب الجوه طبيت وراه البيت حار يكتل واضلم طلع تليفونه اتصل على ابو لمولده كله ارفعلي الجوزه شغله ساعتين بس
شويه واجتي الكهرباء باوعت المطبخ اثاثه كولش نازك وحديث بس الكاونتر ممبين لونه من التراب طبينه للهول هم الاثاث راقي بــَس التراب الي بالبيت كارثه
مهند/تعالي
مشيت وراه اكو بابين اشر على باب بدون ميفتحه كال هاي غرفتي الي من يوم الحادث ومطابلها غير مره وحده بس من طلعت ملابس وصور وغراض سجى منها
وهاي غرفه رنوده فتح الباب
طبيت اباوع الغرفه صغيره بس تجنن كولشي بيها وردي الحياطين والاثاث والبردات كولهن بالون الودي فعلاً غرفه اميرات رسومات اطفال على الحايط ومعرض متروس العاب وصورتها جبيره هي ومهند شايلها بعيد ميلادها معلكه على الحايط
شفت مهند انتجه على الباب ودموعه تصب
رند/لزمته من ايده ترى حرام تبجي عليها هاي ملاك والله طير بالجنه
مهند/اعرف بس اني ابجي على اشتياقي الها على فركتها مشتاقلها حيل رند مشتاقلها والله مشتاق السوالفها والحركاتها والدلعها والضحكاتها مشتاق اسمعها تصيحلي بابا
رند/شفته انهار من البجي بلا وعي حضنته حيل ولان هو اطول مني دنك عليه خله راسه على كتفي ووجه بركبتي ويبجي
هنودي كافي بابا كاافي مو هياني كدامك اني مو تكول الله عوضني بيج
مهند/حضنتها حيل رنوده لتعوفيني مااريدج تعوفيني انتي هم
رند/لا مااعوفك والله لَيــِْش اني منو الي غيركم حته اعوفك بس كاافي الخاطري والخاطر رنوده
مهند/وخرت منها مسحت وجهي بيدي فتحت الكنتور شوفي هاي ملابسها
رند/الكنتور متروس فساتين وبدلات وملابس كومه واكثر الملابس باللون الابيض والوردي
مهند/رحت اخذت لعابه اكثر لعابه تحبها رنوده بنتي جبتها الها بيوم ميلادها الثاني من لبنان جبتها جنت مسافر وجبتها وياي اخذتها ونطيتها الرند هاي الج
رند/لا مااخذها هاي مال رنوده
مهند/وهي هديه من رنوده الج
رند/مسحت دمعتي واخذتها حضنتها باوعت على صورتها وكلت شكراًرنوده على الهديه اوعدج راح احتفض بيها طول عمري احلى هديه تجيني بحياتي
انداريت على مهند
كوتله يله نروح
مهند/يله
رند/من طلعت باوعت حال البيت كوتله مهند خلي انضفه ليش هيج حاله حرامات التراب ماكله
مهند/خليها غير مره واجيبج ونضفي لان هسه انتي مبدله تتوسخين
رند/ماشي غير مره آٍجُــٍيِ وانضفه
مهند/آلُـِْلُـًه كريم
طلعنه قفلت الباب وصعدنه بالسياره
بالطريق طبكت يم صايغ ولد اعرفه صديقي كلتها انزلي
طبيت سلمت عليه تلكاني رند واكفه ورايه
باوعــت العارضه كتله اريد زنجيل وحرفR
طلعلي زنجيل كارتير رفيع ووياه حرف كتله اي هذا حلوو شو شوفلياهن وزنهن وكلي هلكد يصيرن
كتله هاي هي اريدهن سوالهن وصل وخلاهن بعلبه على شكل ورده انطيته نص الحساب كتله بليل اجيبلك النص الثاني كال روح يمعود على راحتك سلمت عليه وطلعت رند ورايه طلعت ابد محجت شي مدنكه
صعدت بالسياره خليت العلبه بيدها
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
