#لعبة_القدر
رند
سمعنه خاله عاطت مهند طفر يركض وعمو وراه يصيحون شكوو شكوو
شفتها بس ترجف وتبجي
مهند/سحبت التايفون منها صحت الووو منو ويايه
جاوبني ولد كال اني سيف صديق اياد
مهند/خويه اني اخوه اياد بي شي
سيف/اياد تعرض لحادث قبل شويه ونقلته للمستشفى. وهسه هو بالعمليات
مهند/سيف رحمه لاهلك بس طمني عليه اياد خوما متاذي هوايه خويه احجي احنه بعيدين لنوب طمنه عليه والدتي راح تموت عليه
رند/خاله شبه الي فقدت تدك على وجهه كوه لزمتها
مهند/ماشي خويه رحم الله والديك وابقه على اتصال ويانه
سديت الخط
محمود/ابني اخوك شبيه
مهند/اهدئو مابي شي حادث مسوي وهسه بالعمليات وصديقه يمه هو يطمنه اهدوء بس
منى/محمود خابرلي بسرعه على كل الشركات اريد فيزا سريعه لروسيا بسرعه اريد اروح لابني اشوفه لبارحه جنت احجي وياه كال امي بس هالسنه عندي تطبيق وارجع للعراق بعد
اووووف يمه ايودي حبيبي ماما شلون حالك ووضعك هسه
عمو محمود بقه يتصل على شركات لحد ما حجز فيزتين. سريعه ولنوب ختبر على شركات الطيران وحجز مقعدين
كال بعد يومين نسافر حجزت فيزا وطيران سريع
اني وياج نروح
مهند/يابه ابقه هنا ونروح اني وامي
محمود/لا ابني اني اروح مااكدر ابقه هنا انت ابقه هنا
رند/البيت نكلب عزا خاله بس تبجي وعمو يبجي ومهند لازم تليفونه وكل شويه يتصل على صديق اياد
اني مااعرفه ولا شايفته ابد بس نزلت دموعي على حالتهم كولش نقهرت بقينه على هالحاله لحد ساعه وحده بليل
دك تليفون مهند
مهند/الووو ها حبيبي سيف طمني
ايي طلع من العمليه وشلون وضعه
هاا مااشي عود اتصل بيه فدووه بأي وقت اتصل خويه لتخلي بالنه رحم الله والديك
سد الخط كال طلعو اياد من العمليه بس بعده مصاحي
بقينه للصبح كاعدين وبس اتصال وي صديقه
مهند كال اياد زين ومابي شي بس ميكدر يحجي هسه اتخاوفن عليه
خاله كالت رايحه للمستشفى اسوي احازه وارجع والعياده مراح افتحهه
راحت للمستشفى وعمو على القنفه نام
غطيته شفت مهند صعد لغرفته صعدت وراه. لكيته كاعد على الجربايه لازم راسه ويبجي
كعدت يمه
رند/شبيك حبيبي ليش تبجي مْْـو اطمنتو عليه وكولت زين صار
مهند/لاا رند اياد متاذيات رجليه اثننيهن بس ماكدرت احجي كدام امي وابويه ماشفتي حالتهم واختمال الدكتور كايله بعد ميمدر يمشي
خله ايده على وجهه ويبجي بحركه
بقيت ابجي وياه حضنته من راسه وابوس براسه حبيبي لتبين شي كدام خاله وعمو والله حالتهم تكسر الخاطر زين هو الدكتور مو تكول كايل احتمال يعني هم اكو احتـمـاآل يمشي وهناك الطب متطور باجر يروحون خاله وعمو واكيد راح يسون شي حته لو يسفرونه لغير دوله وانشالله يرحع يمشي على طوله واحسن من قبل هم
مهند/احس روحي مخنوك ولا اكدر ابين شي كدام امي وابويه ملجئي الوحيد هي رند كعدت بصفي خليت راسي بحضنها وابجي مثل الطفل كلبي مردني على اياد آخـۅيھ الوحيد هو وبعده شاب وهستون تخرج دكتور اذا مارجع يمشي مستقبله كله راح ينعدم
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
