#لعبة_القدر
رند
صعدت للغرفه ميته قهر مااريد ابقه بعد حته بالغرفه مااطيقها الهاي نوسه ولا اطيق الغرفه بسببها وين انام اول مره اخذت علاكه الدفاتر والقرطاسيه الي جابهن مهند شلت العلاكه ورحت دكيت الباب كال طبي
فتحت الباب خليت العلاكه على الميز وكلت هاي الي جبتهم شكرا موبحاجتهم ولا بحاجة عطفك عليه خليتهم ودرت وجهي وطلعت راساً
مهند/ذبت العلاكه وراحت عبالها اتعاطف عليها متدري احبها بس قربها الاياد وعلاقتها الزايده باياد جاي تشعل نار بكلبي ومنتضر اشرف تاليتها وين توصل لان هسه اذا احجي احرك الاخضر واليابس خليني مسيطر على اعصابي شوي
رند/اخذت الفراش والمخده ونزلت جوه
رحت الغرفه اياد
دكيت الباب
اياد/منو تفضل
رند/اياد عادي انام يمك بالغرفه افرش بالكاع
اياد/بقه صافن اي اي عادي بس ليش عفتي غرفتج
رند/ممرتاحه فوك
اياد/ماشي تفضلي اعرف بيج ضايجه من نوسه ختولي تروحلج فدوه والله متوصل لاضفرج
رند/جريت حسره ورحت فرشت من الجهه الثانيه حته محد يشوفني اني هنا نايمه فرشت ونمت
بقيت بفراشي واياد بجربايته ونسولف اجه ابالي الفيس كلت لاياد سويلي صفحه فيس
اياد/ماشي هسه اسويلج تـﮧـدللين
رند/بس مااريد احد يعرف ولا معلومات مالتي
اياد/تمام راح اسوي صفحه وهميه بــَس ليش
رند/مااريد اضيف احد بس هيج اكلب بيها بس
ورا شويه كال جيبي تليفونج انزلج البرنامج سويت صفحه
نطيته تليفوني نزلي الفيس وفتحلي الصفحه وعلمني منين ابحث ومنين اعلق ومنين ادز رسايل دخلت على الاستوديو خليت صورة شخصيه مال ابنيه عاديه مو مالتي يعني
اخذت التليفون كوتله شكرا
اول شي سويته كتبت اسم الصفحه مال مهند يالبحث طلعتلي طبيت عليها دزيت مسج
..مرحبا
ورا دقايق جاوبني
..مراحب منو حضرتج
..انت مهند مو
..اي مهند انتي منو تعرفيني يعني
..لا بس شفت صفحتك وعجبتني صورتك هاي صورتك مو الي مخليها
..اي صورتي وشكراعلى اعجابج تصبحين على خير بااي
..دقيقه وين رايح
..اختي اريد انام عندج شي تحجينه بسرعه
..انت عندك علاقه تحب يعني
..عفواً وانتي شعليج
..هيج فضول
..شي ميخصج وبعدين هالشي خاص بيه مو لازم احجي لاحد وخصوصاًناس غربه
..خاف هاي لابنيه الي بالصفحه وياك ناشره صورها هي وياك هاي حبيبتك
..يجوز هي ويجوز مو هي باااي
عفته خوش مهند يعني يجوز هي ماااشي
سديت التليفون ونمت
مهند/كعدت الصبح باوعت الساعه ب10 شعجب اياد متصل عليه يوميه يتصل اودي للحمم بس اليوم ماكو
رند/نايمه وسمعت اياد يكعدني فزيت كعدت كوتله هاي ايودي محتاج شي
اياد/اسف ازعجتج بس اريد اروح للحمام اذا متصير زحمه عليج
رند/اي كعدت وساعدته يكعد على العربانه هاي اول مره يطلب مني اوديه للحمام وصلته للباب بقيت واكفه كال تكدرين تكعديلي مهند
رند/ليش
اياد/ بس يكعدني علغربيه
حسيته حجاها بخجل وبقهر انقهرت عليه خطيه شاب بعمر الورد وشمد تعبان على نفسه ومثقف وهيج تاليته كوتله عوف مهند سادته حته يكعد وطلعت سديت الباب ورا شويه سمعت طب وصاح اااخ فتحت الباب لكيته بالكاع رايد يرجع وحده للكرسي ويكعد بس العربانه احفه ووكع متت قهر عليه كوتله احضني من ركبتي حته اكومك
حضني من ركبتي واني حضنتها من جوه ايده ورفعته وهو ساعدني لزم بالعربانه ورفع روحه ويايه
كوه كدرت اخلي على العربانه وطلعته حولته بفراشه شِفــٰٰتْ عيونه دمعت
رند/طلعت حبايه مسكن نطيته شربها كوتله دا تتوجع
اياد/مسح عيونه بس بقت دموعي تجري كال نفسيتي دا تتوجع اكثر كلبي دا يتوحع اكثر اني صرت عبئ وثقل على الي داير مدايري لو الله ماخذ امانته ولا مخليني بهاي الحاله
رند/كاافي اياد شدا تحجي انتي سحبت كلينس مسحت دموعه اياد انت مو عبئ على احد والحمدالله بهاي ولابغيرها اهم شي انت عايش وتتنفس واني مستعده اخدمك بعيوني انت ماكو مثلك كلبك ابيض والله وحباب ورده اني مستعده اوكف وياك لحد مااشوفك توكف على رجليك واني متاكده راح ترجع مره ثانيه توكف على رجلك ومتحتاج لاحد وتفتح عياده وتصير أحـسًٓـن طبيب اسنان
اياد/لزمني من ايدي شكرا الج رنوده لوما انتي موجوده اني مااعرف شيصير بحالي ربي يوفقج ويخليج
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
