لعبة القدر

البارت الثاني

#لعبة_القدر
رند
كل كلمه تكولها اليه ماما تبقه بعقلي وابالي ماانساها ابد
فتنه من يم محلات ملابس
ماما/بنتي تعالي اخذلج ملابس
طبينه للمحل فتحت الجزدان مالتها وحسبت الفلوس جانت 200 الف باستهن وخلتهن على كصتها
كالت بنتي ابوج صارله 5 اشهر من توفه والاسود ميسوي شي تعالي بنتي اخذلج تراكسود ودشداشه الوان واذبلج الاسود
رند/لا ماما ماريد انزعه هذا بابا شنو غير البس سنه
ماما/يابنتي هو ابوج اصلاً ميحب الاسود يله. ماما اختاري شي ولتعانديني
رند /اختاريت. تراكسود وردي  و دشداشه زيتوني اشترتلياهن امي واتسوكنه مسواك ورجعنه للبيت
ماما فرحانه. حيل وكل شويه تحمد الله

ثاني يوم وصلتني ماما للمدرسه وطلعت هي لبيت منى كالت بين متحلين الحك مكمله شغلي امر اخذج

نتعرف على البطل
مرحبا
اسمي مهند مواليد 1987
خريج بكلوريس اداره اعمال بعدها كملت ماستر بأدارة الاعمال هوايتي السيارات الرياضيه ولعب الرياضه خصوصاً الحديد
اشتغل  وي ابويه بمجال السيارات ابويه صاحب معرض سيارات وارد امريكي اكثر شي نشتغل بيهن
مخلص وقتي بين المعارض وبين قاعة الحديد الي هي. مالتي بس مسلمها بيد صديقي هو يشتغل بيها اروح بس اتمرن بيها اني
اخوات ماعندي وبعد الشي الي صار ويايه حمدت ربي ماعندي اخت بعدين راح تعرفون ﺸنـٌٍـٍوﯛ الي صار ويايه الي بسببه كرهت البنات بصوره عامه وصارت بيه حاله نفسيه
عندي اخ واحد اصغر مني اسمه اياد مواليد 1991 عايش بروسيا يدرس طب هناك

وامي الدكتوره منى وابويه محمود

جنت راجع من المعارض اخذ اوراق ابويه دزني عليهن واندك الباب فتحته شِفـٍـْت ابتسام اجتي الي اصيحلها خاله بحكم بنت خالة امي تصير يعني بمثابة خالتي

مهند/اهلاً خاله تفضلي
ام رند/هلا ابني امك لبارحه كالتلي تعالي طبخيلنه الغده والعشه لان اشتغلت عدكم اطبخلكم

مهند/اُهُــا ماشي خاله هذاك لمطبخ محد بالبيت امي بالمستشفى هسه وابويه بالشغل واني هسه طالع اذا كملتي شغلج وردتي تطلعين بس المطبخ اقفلي الباب وخلي المفتاح جوه الدواسه وباب الشارع بــَس اطبكي هو ينقفل

ابتسام/انـ شـاء الـلّه يمه

مهند/اخذت الاوراق ورحت للشغل رجعت. لابويه

رند/خلص الدوام طلعت لكيت امي منتضرتني
هلا ماما شلونج وشلون الشغل اليوم
ابتسام/الحمدالله ماما بـﺨـيـﺮ
رند/خوما تعبتي
ابتسام/لا بنتي وينه التعب بالعكس حته المطبخ يسوي واهس للطبخ واشكال متوفر بي
رند/الحمدالله حبيبتي

رجعنه للبيت وخلص الاسبوع بين الدراسه وشغل ماما خميس بليل ماما كالتلي باجر ابو مهند عنده عزيمه ولازم اروح من وقت اذا تحبين تجين ويايه تعالي

رند/بـہٍّكيفج ماما اذا تحبين اروح وياج واخذ كتابي اقره بالحديقه مالتهم حلووه

ثاني يوم لبست بنطرون كابوي ازرق وقميص سمائي وحجاب اسود رحت وي ماما الصبح ب9 طبينه للمطبخ. لكينه الدكتوره وزوجها وابنها كاعدين يتريكون
ابتسام/صباح الخير
الكل صباح النور