#لعبة_القدر
مهند
لزمتها من ايدها وحجيت وياها بكل هدوء
حبيبتي شبيج ضايجه
رند/بس كلي شبيج دموعي راساًنزلن عبالك بوري وانفتح
كلت مابيه شي بس مخنوكه ضايجه
مهند/عمرري ليش تبجين ولج والله مااتحمل اشوف دموعج بنيتي رنودتي ضايجه ارجعج للبيت روحي اكو مكان عاجبج تروحيله اخذج اله لو ضايجه من نوسه
رند/مسحت وجهي لاول مره احس نفسي وحيده واحس نفسي غريبه على مهند
كلت لا معليه بيها بس اني ضايجه وخلاص
مهند/اممم بشنو يذكرج الديلاب
رند/جريت حسره بيوم الي اعترفتلي بحبك
مهند/صرنه فوك تقربت عليها وبستها بقوه
رند/بقيت ادفع بي بس لزم ايدي قوي وحضني
لحد ما كطع نفسي ياله وخر
مهند/هسه راحت الضوجه لوبعدها
رند/دنكت راسي محجيت شي
مهند/شلون اني بالخجول مالتي احبج
تحبيني
رند/هزيت راسي ايي احبك انت كلشي بحياتي اول مافتحت عيني عليك شلون مااحبك
مهند/اعشقج واضوج من اشوفج ضايجه اختنك من اشوفج مخنوكه عشقي وحياتي انتي
بقيت ابوس بيدها واباوع بعيونها
لحد ما وكف الديلاب ونزلنه
اخذتهن وطلعنه نتمشه لباب الخروجيه. اجه ولد صغير يبيع ورد احمر وكف كدامي وانطاني ورده اخذتها منه وانطيته فلوسها درت وجهي على رند وخليتها بيدها
نوسه/هاااي شنوو هنودي واني ما الي ؤرده
مهند/صحت على الولد كتله تعال عمو انطيني بعد وحده اشتريت منه وحده ثانيه انطيتها النوسه
كلتلهن خلي نتعشه ونرجع للبيت
رند/نوسه فتحت الباب الكدام وصعدت واني صعدت ورا مهند
رجعت ضجت واختنكت
بقت تشغل اغاني وتغني وي الاغاني وكل شويه انتبهلها تخلي ايدها فوك ايد مهند
وصلنه للمطعم نزلنه طلب مهند اكل تعشينه اكلت شي كولش قليل
مهند/رند ليش مااكلتي
رند/مااشتهي
نوسه/خاف مسويه دايت ههههههه
رند/باوعت عليها كلت لاحبيبتي جسمي ميحتاج دايت
رجعت الكرسي وكمت كلت المهند رايحه للحمام
رحت للحمام بقيت صافنه على وجهي شكد مبين عليه القهر والغيره بس اني لَيــِْش ضايجه مو ادري بمهند يحبني اليه ولحد قبل شويه يعبرلي عند حبه اوووووف ياااربي مااريد شي يبين عليه غسلت وجهي ورجعت
كعدت
مهند/بقيت عيني على رند احسها موعلى بعضها
نوسه/رايحه للحمام اغسل واعدل مكياجي واجي
مهند/بقينه وحدنه
رنودتي لَيــِْش مااكلتي
رند/لامواكلت
مهند/لاانتبهت عليج متاكلين
رند/مجوعانه
مهند/عاجبج شي ثاني اطلبه سفري
رند/لا عمري والله مااشتهي شي بس اريد ارجع تعبت
مهند/مااشي حياتي هــًـًســًه نرجع
رند
رجعنه للبيت
اول ماطبينه شفنه اياد كاعد بالحديقه وحده وبيده كتاب يقرا بي
نزلت اخر وحده انتضرت مهند يطب هو وهاي نوسه شفتهم طبو
رحت تمشيت يم اياد كعدت جان كاعد كدام الميز سحبت كرسي وكعدت خليت الورده على الميز
رند/هلوو اياد شلونك
اياد/سد الكتاب وخلاه على الميز
هلووو رند تمام وانتي
رند/تمام شدا تقرا
اياد /كتاب بعلم طب الاسنان
عوفج منه سولفيلي وين رحتو واتونستي
رند/للزوراء لا متونست
اياد/ليش
رند/مسحت وجهي بيدي هيج ماكو شي
ليش مااجيت ويانه
اياد/شاجي اشلع كلبكم بيه تتقيدون بيه
وتريدين الصدوك هاي بنت عمتي ماابلعها
رند/ابتسمت لَيــِْش
اياد/شايفه روحها وهوايه متصنعه متتصرف على طبيعتها واني مااحب هيج نماذج تدرين هاي من احنه وصغار ابويه يكول نوسه الك لحد ماكبرنه هو وامي يكولون نوسه الاياد بس تتخرجون نخطبها الك
رند/اي وهسه مو تخرجتو لعد لَيــِْش متخطبها
اياد/اني مالي رغبه بيها مااحبها وشي ثانيه اني بهذا الوضع منو تقبل بيه بـٍْْـٍْ؏ـٍْْد منو تقبل تاخذ واحد مقعد مثل حالتي
رند/انقهرت عليه حيل
لا لتحجي هيج اياد كولها فتره وترجع تمشي على رجلك انشالله والف وحده تتمناك يكفي شايل كلب مثل الثلج ابيض ونضيف
اياد/ابتسم فديت كلبج ورده والله انتي الي ماكو مثل طيبة كلبج
رند/يله اني رايحه انام تعشيت لوبعدك
اياد/اي تعشيت
رند/الف عافيه تصبح على خير
كمت ورحت امشي وسمعته صاح ورايه
اياد/رند
رند/ درت وجهي عليه هااا
اياد/الورده
رند/اخذها الك ودرت وجهي وطبيت
سلمت على خاله وعمو وصعدت للغرفه شفت نوسه مبدله وكاعده على الجربايه تلعب بفونها
اخذت ملابس وطبيت للحمام بدلت طلعت لكيتها متمدده على الجربايه عرفت راح تنام على الجربايه
مااعرف وين مخلين الفراشات
رحت لغرفه مهند دكيت لباب
مهند/منوو ادخل
رند/طبيت شفته متمدد على الجربايه ويكلب بفونه
كوتله اريد مخده
مهند/هاا حبيبتي هاج هاي مخده بعد شمحتاجه
رند/سلامتك اخذت المخده ورجعت للغرفه شمرتها بالكاع وطلعت شرشف من الكنتور ونمت بالكاع
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
