#لعبة_القدر
رند
مهند ترى هاي الي كالته مو صح اني مابيني وبين اياد شي والله
مهند/اعرف
زين شكالتلك بعد من سحبتها ليجوه
مهند/تحبين تعرفين شكالت راح اگـلج حته تتاكدين اني مااسمع حجي احد وعندي ثقه بيج مو نفسج بس سمعتي الكالته عليه راساًصدكتيها
الي كالته ع لاساس هي شايفتكم انتي واياد تبوسون بعض وانتي حاضنته
رند/فتحت عيوني عزززااااا شنو هالابنيه منين جابت هالحجي مستحيل والله وغلاة تراب ماما وبابا ماكو هيج شي ابد ابد
مهند/اعرف ماكو هيج شي واني اصلاً ماصدكتها
وسكتتها ورزلتها
رند/مسحت كصتي بيدي يربي منين هاي البلوه الي طلعت بطريقي كولت مهند خاف عمو يسوي وياك مشاكل من يعرف بيك انت طردتها
مهند/واذا ماسوه مشاكل المهم مـا تبقه بالبيت
رند/خايفه مهند
مهند/من شنو حبيبتي
رند/اخاف تتصل بعمو وتكوله بسبب رند مهند طردني
مهند/لا حبيبتي متكدر تسوي شي لتخافين
طبينه جوه
صعدنه فوك كلتلها اخذي غراضج من غرفتي ترى الغرفه صايره هوسه
رند/ابتسمت مااشي. طبيت لغرفته. اخذت الغراض وشفت غرفته فعلاً هوسه والملابس مشمرات
وديت غراضي ورجعت على غرفته غيرت الشرشف ولميت الملابس كولهن الوسخه نزلتهن خليتهن بالغساله وشغلتها للغساله
صعدت مسحت الكاع ومسحت الاثاث رتبت الميز العطور رتبتهن ورشيت معطر بيها وسديت الباب ونزلت مهند جان يم اياد طلعه للحديقه
مهند/صعدت للغرفه ابدل اول مافتحت الباب اجتي بخشمي عطر يخبل باوعت الغرفه تلمع لمع والجربايه مرتبه الملابس والهوسه كولهن ماكو ابتسمت فدووه الايديها رنودتي المرتبه
بدلت ونزلت
لكيتها بالهول لازمه الملزمه وكاعده تقرا كلتلها عاشت ايدج حبيبتي
رند/على شنو
مهند/على ترتيب وتنضيف الغرفه
رند/اها ولو حبيبي مسويت شي
مهند/اني طالع للقاعه شغله ساعتين بالزايد وارجع محتاجه شي
رند/لا سلامتك
طلع مهند واني التهيت اكوي ملابسه كملتهن وصعدت علكتهن بالكنتور مالته
ورحت على غرفتي نضفتها ورتبتها
ونزلت بالحديقه يم اياد اقرا شويه وسديت الملزمه
شفته صافن كلته اياد انت مااختنكت من كعدت البيت
اياد/جر نفس كال كولش مختنك فوق ماتتصورين اني ممتعود اكعد بالبيت حته من جنت بروسيا ابد مااكعد بالبيت كوله طلعات وافتر بس هسه متشوفين وضعي شلونه
رند/وشبي وضعك لَيــِْش هيج أّمُِوت نفسك فد نوب باجر نطلع مااشي
اياد/وين نطلع
رند/ماادري لاي مكان المهم نطلع اني وياك ومهند
اياد/مٰن اجيت ولحد الأن لباب الشارع مواصل وين جنت محضر برنامج امشي عليه بس ارجع كلت بس كلشي تغير
رند/لا متغير وراح نمشي على البرنامج الي مخلي ابالك ماشي
اياد/ماادري
رند اجه مهند طوب سيارته واجه يمنه كال هاا شلونكم
رند/الحمدالله
اياد/هلا هنودي
رند/مهند باجر نطلع اني وياك واياد شنو رأيك
مهند/صار وين حابين تروحون
رند/بكيف اياد هو وين حاب يروح
مهند/ايودي حبيبي وين حاب اخذك باجر
هسه عوفكم من باجر دام الجو حلوو كومو هسه نطلع طلعه سريعه رند صعدي بدلي
واني اخذت اياد وطوبته للغرفه طلعتله ملابس ساعدته بالتبديل
وطلعنه صعدته ليكدام يمي وسفطت عربانته خليتها بالجنطه اجتي رند صعدت ورايه
شغلت السياره وطلعنه شغلت اغاني وادندن ويه لاغنيه وعيوني على رنوده من المرايه اباوعلها
اخذتهم لمرطبات نزلنه اكلنه موطه وتمشينه ادفع اياد ورنوده لازمتني من ايدي وتمشي طبينه من يم محلات شِفـٍـْت عارضين ملابس مدرسيه وجنط كولتلهم شو تعالو هنا اخذتهم للمحل طبينه
مهند/رنوده اختاري ملابس للمدرسه فد سيتين
رند/لا مهند مااريد كوتلك عندي
مهند/باوعت عليها وخزرتها كتلج اختاري يله بسرعه لتشلعين كلبي
رند/ماادري انت كيفك هنا كولهن حلوات
مهند/بقيت افتر بالمحل اختاريت اثنين حلوات موديلهن نازك ووياهن قمصانهن كلت لابو المحل هذني نزلهن كال خلي تقيسم بغرفه التكدير
مهند/لا مشكور بالبيت تقيسم واي اشكال عود نجي نبدلهن
رنوده هنا هذني قياسج مو تقريباً
رند/اي قياسي
مهند/ماشي خليهم النه وشكد حسابهن
رند/مهند من ارجع انطيك حسابهن مااشي
مهند/ميخالف من نرجع اخذ حسابهم بس مو فلوس اخذ غير شي عود وغمزتلها
يله تعالو رحنه للمحل الثاني اخذتلها جنطتين
اياد/ههههه هنودي شكلك عبالك دا تجهز البنتك للمدرسه حيل لايكلك
مهند/هي رنوده بنيتنه
همس ويايه رند تعرف ريناد حاجيلها عليها
مهند/ايي تعرفها وشايفه صورها مسولفلها عليها
اياد/اهاا مااشي تدري تخايلتها رنوده بنتك كبرت وانت دا تجهزها للمدرسه حيل لايكلك تكون اب
مهند/جريت حسره ايي يمكن الشي الي جنت احلم اسوي البنتي ومالحكت دا اعوضه برند وهاي هم مسكينه انحرمت من ابوها وحنان الاب لذالك اني اعاملها كمعامله اب حته متحس بنقص
اياد/ربي يجازيك ويعوضك انشالله
فرحة اليتيم شي عظيم يم رب العالمين واشوفك انت هوايه تفرحها اني لو مثل حالتي قبل مااقصر وياها هم بس تشوف وضعي شلونه
مهند/حبيبي ايودي اني ممقصر وياها ولا راح اقصر وياك انت آخـۅيھ وسندي بهالدنيه مالي غيرك طبطبت على كتفه
رحت حاسبت ابو المحل وطلعنه اخذتهم المطعم تعشينه ورجعنه للبيت
طبينه لكينه امي وابويه موجودين يكرزون حب ويتفرجون فلم. مصري قديم
مهند/هلا بعصافير الحب اشوف اليوم جنكم مرتاحين منه مسوين كعده وكرزات وفلم
منى/هههههه ايي خلصنه منكم شويه
محمود/لعد نوسه وينها مو وياكم رايحه
مهند/لاا راحت لبيت عمها رجعت
محمود/شوكت راحت وشعجب ماكالتلي
مهند/كالتلي اليه وراحت
منى/ايودي ماما هاا غيرت جو
اياد/اي امي
منى/زين سويت هيج يوميه اطلع وغير جو أحـسًٓـن ما متكسر بالبيت
اياد/بفضل رند طلعت اني مالي واهس ابد بس رند سوتلي واهس ودائماً تنطيني طاقه ايجابيه تحسن من نفسيتي
منى/رنوده ادري بيها ممقصره وياك اني هم ملتهيه وذبيت الاعتماد كله عليها دا تاخذ ادويتك بوقتها
اياد/اي امي هي رند وقت بوقته تنطيني علاجي
منى/بارك الله بيج حبيبتي هاي كوله الله يجازيج عليها
رند/خاله اني ممسويه شي غير واجبي وبس وايودي ورده يستاهل والله
ترخصت منهم وصعدت فوك طبيت للغرفه كدرت الملابس اجني فيس عليه علكتهم بالكنتور وبدلت
مهند/فتحت الكنتور وشفت ملابسي كلهن مرتبات مكويات ومعلكات ابتسمت كلت والله هاي رنوده نعمه اختلفنه كم يوم اتبهذلت بدونها
سديت باب الكنتور ورحت الغرفتها دكيت الباب
فتحته اليه طبيت كعدت على الجربايه
رنوده لكينه اني وامي طبيب بتركيا علمود حاله اياد اختصاص اعصاب وكسور
رند/صدوووك ايي وشكاللكم
مهند/راسلته حجيت وياه ودزيتله تقارير اياد على البريد منتضر يشوفهن ويجاوبني بس اياد ميدري نتاكد من الدكتور ياله ماريده يتامل ع الخالي بلاش
رنوده ادعيله اكو امل لحالته ويصيرله عمليه ويرجع يمشي
رند/انـ شـاء الـلّه يااربي انـ شـاء الـلّه
مهند/جريت حسره انـ شـاء الـلّه ربي ترجعله صحته وتكمل فرحتنه حته مالحكنه نفرح بتخرجه جنت ناوي من يرجع اسويله حفله بقاعه بس مالحكنه
رند/انشالله يرجع يمشي ونسويله حفله
هنودي ممكن طلب
مهند/اطلبي ياعيون هنودي انتي
رند/السبوع الجاي يبدي الدوام واريدك تاخذني ازور ماما وبابا قبل ليبدي الدوام
مهند/من عيوني الجمعه اخذج حته امي موجوده تبقه يم اياد
رند/ماشي شكرا
مهند/عيوني الج رنودتي حبيبتي
رند
ورا يومين صارت جمعه كولت الخاله راح مهند ياخذني للنجف كالت روحو لوما اياد وحده جان رحت وياكم ازور ابتسام
الفجر ب5 طلعنه اني ومهند اخذني كبل للمقبره الماما وصلت الماما كلبي طاك عليها مشتاقتلها حيل حضنت قبرها وبقيت ابجي انتهيت فوك قبرها
مهند/شِفـٍـْت رند انتهت على قبر امها سحبتها من القبر اصبر عليها غسلت وجهه اخذتها للسياره وطلعنه القبر ابوها كوه ياله اندلينه قبره لان هي مو هلكد تندله بس المكان وين وصلنه وبقيت افتر لحد ما قريت اسمه ولكيناه
رند
كلبي طاك على بابا صار كومه مزايرته من قبل وفاة ماما واني مزايرته بقيت اسولف ويه القبر وكأنما بابا يمي واحجي وياه
مره اعاتبه ومره اكوله شكد مشتاقتله
مهند/لزمتها من ايدها رنوده بنيتي كاافي حبيبتي خلي نطلع من المقبره راح تتمرضين يله عمري اقريله الفاتحه وخلي نروح زوري وارتاحي ونرجع
رند/مااشي بست القبر وقريت الفاتحه وكمت صعدت بالسياره اخذني للامام زرنه واخذنه حلويات وتغدينه ورجعنه بالطريق مهند يسولف ويايه
مهند/حبيبتي اريد انقلج لمدرسه الي بمنطقتنه شتكولين
رند/لا خليني هناك أحـسًٓـن متعلمه على المدرسات وعلى مدرستي بس ينراد خط لازم
مهند/ايي وتريدين اسجلج بخط
رند /ايي
مهند/اخاف على ابو الخط تروحين تصادقينه انتي مو رحه
رند/عضيته من زنده حيل هو ويسوق اني مو راحه موو
مهند/اييييي خرررب ولج مفترسه
رند/حته بعد متعيدها
مهند/ههههههه لا عمرري اني اوصلج وارجعج اخاف عليج
رند/صدووك تخاف عليه
مهند/لزمت ايدها وبستها طبعاً اخاف عليج حته اكثر من روحي
..................
الكاتبه ام زيزو
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
