#لعبة_القدر
مهند
صدمتني بسؤالها بقيت صافن عليها
رند هالشي ميخصج لتركزين بحياة غيرج ركزي بحياتج وبدراستج وبس
زند/دنكت راسي متت خجل فشلت كتله اسفه بس مجرد فضول لااكثر ولااقل
مهند/رجعت عيني بالكتاب وكلتلها مااحب البنات الفضوليات ولتدخلين بشغلات متخصج يله نرجع الدرسنه
بقيت اسمعها واشرحلها الماده لحد ما خلصت الكتاب كلتلها باجر كعديني الصبح وطلعت صعدت بغرفتي لزمت الصور بقيت صافن عليهن نزلت دمعتي كالعاده مسحتها ورحت ضميتهن بالكنتور ورجعت لفراشي نمت
رند/بس طلع مهند بقيت اعض اصابيعي لتوبه اذا سالته على شي بعد هسه شتسوالي من فشلت امداني خررررب شجاني وسالته اني شعليه رحت نمت بعد مابقيت اتكلب وافكر بفشلتي التوبه اذا اساله على شي يخص حياته بعد
كعدت على صوت المنبه كمت غسلت وبدلت وصعدت اكعده طبيت صارت عيني على مكان الصوره بس ماكو باوعــت على الميز الثاني هم ماكو الصوره الثانيه مديت ايدي على كتفه كعدته رفع راسه عليه كال هسه نازل سويلي جاي بين ماانزل
رند/نزلت سويت جاي وشفته نزل كال صباح الخير
كتله صباح النور
اخذ الكوب الجاي يشرب طبيت اخذت محفضتي وطلعت كال ياله نروح
طلعنه صعدت بالسياره وشغل وطلعنه وصلنه للمدرسه وكف بنفس المكان نزلت طبيت للامتحان وجاوبت الحمدالله اول ما طلعت من القاعه اتمشه للباب صاحتني ابنيه درت وجهي نفسهن الي انعجبن بمهند البارحه كولتلهن تفضلن صحتني
وحده كالت الولد الي يجي وياج شيصير منج كولتلها ابن خالتي ليش
.....متزوج خاطب مرتبط عليج الله
رند/لا حبيبتي لا خاطب ولا متزوج ولا مرتبط ليش
.....عليج الله اريد رقمه متت عليج عفيه شنو الطول والعضلات والجمال والشخصيه اويلي الليل كله افكربي
رند/ضحكت اكوله واذا قبل اجيبلكم رقمه
عفتهن وطلعت رحت للسياره لكيته كاعد بيها صعدت يمه
مهند/هاا جاوبتي
رند/اي الحمدالله جاوبت
مهند/الحمدالله شغلت السياره وطلعت
رند/هااا صدووك نسيت اكولك البنات الي شافنك لبارحه
مهند/شبيهن
رند/وحده منهن ميته عليك
مهند/شلون يعني
رند/معجبه بيك يعني واجتي رادت رقمك
مهند/وخوما نطيتي الها
رند/هو اني اصلاً عندي رقمك حته انطي الها
مهند/مراهقات هذني والله بطرانات
رند/يعني شاكولها باجر
مهند/باوعت عليها كليلها ميقبل يسوي علاقه كليلها واحد معقد هذا مو مال هاي السوالف علاقات وحب
رند/بكلبي صدوك انت معقد
ايي ماشي باجر اكولها
رجعنه للبيت جان يوم خميس واليوم السابع مال ماما
الضهر اجتي خاله منى كالت مراح اروح للعياده اليوم اريد اسوي ثواب لابتسام
طبينه للمطبخ اني وياها سوينه برياني و دجاج شوي سوينه على شكل مناسف 3 صواني بكل صينيه تمن برياني وعله دجاجتين شوي وعلى صفحه معلبات تمر وبقلاوه وفواكه وبطل لبن صار شي مرتب سلفناهن ورتبناهن هي سوت البرياني واني شويت الدجاج وكملنه كولشي مهند جان وي عمو بالمعارض جانت تسلفن ونطتني تليفونها كالت خابري على مهند يجي ياخذهن اتصلت بي وانطتنياه
اول ما فتح خط كال هـْﮩـااا امي
رند/هلوو مهند اني رند
مهند/هلوو رنوده
رند/خاله تكول تعال اخذ الثواب للعمال كملناه
مهند/شغله نص ساعه واني يمكم هسه طالع مسافه الطريق بس
رند/ماشي سديت الخط كولتلها جاي
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
