لعبة القدر

البارت 26

#لعبة_القدر
رند
طبيت للحمام بقيت اعض ايدي من الم اذني اريد اسحبها من اللحم مااكدر الم فضيع
متحملت طلعت اركض على اياد
رند/اياد ساعدني عفيه اذني اذني
اياد/شكوو شبيج رنوده شبيج شنو هذا الدم خرب رجليه مااكدر بس دنكي يمي
رند/دنكت عليه شاف اذني صاح هاي ليش هيج صاير باذنج بسرعه جيبيلي التعقيم والكطن
مهند/نزلت شفتها لازمه اذنها وتفتر تريد تدور على التعقيم والكطن وتبجي مردني كلبي تندمت ليش هيج اذيتها الدم نزل على ركبتها رحت طلعت كطن وتعقيم ردت اساعدها بس دفعتني حيل وصاحت دير بالك تطخني اخذت التعقيم والكطن وراحت لاياد اباوع عليهم اياد عقمها ويحاول يسحب الترجيه من اذنها
بقت تعيط من الالم وتريد تدفع ايده
لزم ايدها اثنينهن بايد وحده وايده الثانيه سحبها للترجيه اول ماسحبها عاطت ونزل دم اكثر بقيت اكل بروحي عيوني دمعت عليها اياد عقملها اذنها وخلالها لاصق جروح ضمدها الها كعدت بالكاع وخلت راسها على رجل اياد حته يضمدها كمل الضماد بقت مخليه راسها بحضنه وتبجي وكأنما اياد صار ملجئها الوحيد وامانها بعد ما جنت اني كلشي بحياتها امانها ومأمنها ووحيدها بسرعه انكلبت العواقب وصرت اني كأنما عدوها
بس اباوع بعيوني مااتجرء بعد واتقرب عليها او احاسبها خفت لا تترك لبيت رنوده مربيها على ايدي واعرفها اذا ضغطت عليها بعد راح تعوفنه وتروح واني كلشي ولا تعوف البيت وترجع لبيتهم هناك راح تنوكل منطقتهم تجاوز وابد مابيها امان وهي ابنيه شابه وحدها بالبيت بلاضافه لهذا الحيوان انمار موجود هناك قررت خلاص اعوفها على راحتها المهم هي كدام عيني وبأمان
بس بقيت اشوف قربها من اياد واهتمامها بي واكل بروحي
نوسه تقربت عليه حيل بهالفتره واني احس نفسي محتاج لشخص بحياتي مااحبها بس مارفضتها وصلت لمرحله وياها تجيني للغرفه بليل تطلب مني تسويلي مساج لو تفرك راسي واني استرخي بيدها وانام صارت يوميه تجي اما رند مااعرف وينها بليل نوسه من اسالها ﯙين رند تكلي نايمه بالغرفه انتضرتها تنام ياله اجيتك واني جنت اصدك بيها لحد مـا فديوم نزلت  للمطبخ جوعان صدفه طبيت لغرفه اياد لان صار فتره ميتصل عليه بليل علمود حمام او شي طبيت شفته نايم وحده بالغرفه تقربت اغطي وانتبهت شي بالكاع من الجهه الثانيه رحت شفت رند فارشه بالكاع ونايمه بغرفته كعدت قريب عليها صافن بوجهه كلت بكلبي لهل درجه صرتي تحسين بامان يم اياد لدرجه تنامين بغرفته هم تخافين من الفوك كله لان مهند فوك صرتي تخافين مني بـٍْْعـٍْْد ما جنت امانج الوحيد اني جريت حسره وغطيتها زين كلت خليها يم اياد ولا يم غيره صح الغيره تاكل بيه بــَس  اياد آخـۅيه واعرفه شنو واعرف نفسيته شنو ووضعه شنو اكيد متدني نفسه عليها  عفتها وصعدت لغرفتي
رند/ثاني يوم صعدت للغرفه فتحت الكنتور شّــْْكو شغله جايبها اليه مهند من حسابه لميتهن الملابس الي اشترالياهم باربيل والباربي والكلاده الذهب الهديه
وحته الملازم وكولشي مبقيت شي منه لميتهن واخذتهن لغرفته بدون كلام فتحت باب الغرفه جان هستوه طالع من الحمام جان سبح لاف المنشفه على بطنه والخاولي على شعره باوع عليه خليتهم يم الباب كوتله يمكن كوتله مااريد اي شي منك انطيهم الحبيبتك نوسه
طلعت وسديت الباب رجعت لميت غراضي وباقي ملابسي كولهن خليتهن بالجنط ونزلتهم جوه بدلت ونزلت
جان اياد بالهول وهاي نوسه اليوم راحت لبيت عمها تشوف اهلها وترجع بليل بقه فاتح عيونه اياد كال هذني الجنط شنو شافني مبدله ولابسه حجابي
رند/غراضي ارجع لبيتنه
اياد/شنووو يا بيت رنوده شبيج ﯙيـن رايحه
رند/يابيت بيت اهلي غير قابل يابيت
اياد/اعرف بس ليش نوسه اذتج بكلامها بعد ليش تريدين تعوفينه وتروحين
رند/اني مالي مكان هنا ارجع لبيتنه احسن ونوسه مالها علاقه لا هي ولا غيرها بس هذا قراري اتخذته وخلاص
بهالاثناء نزل مهند