مهند
ركضت عليها شلتها
رنوده رنوده شبيج
نيمتها على التخم امي جابت جهاز قياس الضغط قاسته الها كالت هبوط قوي عدها
مهند/تخبلت عليها واكيد سمعتنه ومتحملت الصدمه
كلت امي شسوي هــًـًســًه فهميني
منى/اكو بعلاج اياد مغذي مالح خلي اشكله الها
جابت المغذي والكانوله شكلتها بوريدها بيدها واني لازم ايدها وخلت المغذي وضربت ابره بي
كالت هسه شويه وتصحصح بس يستقر ضغطها
مهند/رحت بللت ايدي ومسحت على وجهه
امي طبت يم اياد تشوفه بقيت اباوع بوجهه همست باذنها حبيبتي لتخافين اني يمج اني اهلج اني ابوج وامج وكل عائلتج بنيتي لهل درجه متحملتي الصدمه
لنوب تذكرت حجي امي اياد يحبها وتريدتخطبها اله
الصدمه مالتي الجبيره آخـۅيھ يحب نفس الابنيه الي احبها آخـۅيھ يحب حبيبتي يعني فركت وجهي بيدي حيل شِفـٍـت رند فتحت عيونها كوه حجت
رند/الي سمعته صح
مهند/شنو حبيبتي
رند/اني مو بنت اهلي وهذوله مو اهلي الحقيقين
مهند/رنوده حبيبتي اهدئي هــًـًســًه بعدين نحجي
رند /كعدت على حيلي احجي وابجي بعصبيه شنووو الاهدء شنووو حته انت حته انت ياامهند تعرف وضميت عليه ليششش شلون تضم هيج شي عليه
اجتي امي كعدت يمها
بنتي اهدئي اني راح احجيلج كولشي بس اهدئي
رند/احجي خاله اسمعج
منى/اني من تزوجت امج وجانت تجيني قبل خطار كان عندي مهند واياد صغير سالتها شعجب ماعندج اطفال لهسه كالت ميصير عندي لان ابوج قصدي حسن الله يرحمه ميصير عنده خلفه وامج ما عافته بقت وياه لان تحبه وهو طيب وياها وحنين عليها
وبيوم الي اجيتو انتي وياها من كالت هاي بنتي تفاجئت لان الي اعرفه زوجها ميخلف ومن امج كالتلج اطلعي بره حجتلي كولشي
كالت بسنه 1999 اكو جوارينه قابله كايلتلها راح تجيني وحده تجيب ابنيه بيها ولان خلفتها كلهن بنات قبل زوجها مهددها كايللها اذا تجيبين ابنيه هالمره اشمرها بالشارع واطلكج فكالت للقابله هاي الطفله مااريدها اذا تعرفين وحده تريدها وتهتم بيها انطيها الها حته اامن عليها واطمن أحـسًٓـن مااذبها بالشارع واخاف الحيوانات تاكلها وزوجي يطلكني وعندي 5 بنات شلون اعيشهن
المريه الي هي امج الحقيقه جايبتج وعايفتج يم القابله لان كايلتلها جوارينه ماعدها اطفال واكيد هسه تكيف بيها ورايحه القابله تعرف امج وتدري ميصير عدها جهال رايحتلها كايلتلها عندي طفله تريديها تربيها وحجت لامج كلشي امج كالت لابوج واثنينهم فرحانين اخذوج من القابله وسجلوج باسمهم وامج وابوج ربوج وحبوج حيل ولهذا السبب امج وابوج ابتعدو عن الكل حته محد يعرف بيج حته عني ابتعدت وكطعت ويايه
بس بعدين كالت اختي عرفت ولهذا السبب ولد خالتج ماسالو عنج بعد وفاة امج لان يعرفون انتي مو بتها الحقيقيه بس يا بنتي ابتسام وحسن اهلج والام الي تربي مو تخلف يعني امج الحقيقيه جابتج وراحت بكل كلب بارد بــَس ابتسام كيرت ضهرها عليج ودللتج وحيل تحبج وربتج وكبرتج وجانت نعم الام الج وهي من حجتلي كالت مااريد رند تعرف بهالشي ولهذا السبب ماكولتلجً بس اني حجيت العمج محمود والمهند بس واني بعد وفاة امج تعاهدت اتكفل بيج واربيج وتصيرين حالج حال بنتي اني الله مارزقني ببنيه وحسبتج انتي بنتي
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
