لعبة القدر

البارت 29

#لعبة_القدر
رند
خاله اتصلت كالت مراح آٍجُـي اليوم خفر عندي بالمستشفى
العصر كعدنه بالحديقه اني ومهند واياد بدايه العاشر والجو حلوو طب مهند للمطبخ وطلع بيده الكيكه وسجين غمض عيونه وقطع الكيكه وعيونه دمعت
كال امنيتي اشوفج بالحلم بابا صار هوايه مجايتني كلبي طاك عليج

رند/شفت حته اياد دمعت عيونه

مهند/رند قطعيها للكيكه

رند/قطعت 3 قطع
وجبت مواعين خليتهن بالمواعين وخليت كدام كل واحد قطعه بس مااكلنه لان مالنه نفس خصوصاًمهند بس صافن
اياد/ربي يصبرك هنودي خويه بنتك طير بالجنه
تدري اول ما خابرتني وكلتلي صارت عندي ابنيه وصرت عم شكد فرحت بوقتها ومن اٍُِجٌِيت باول عطله جان عمرها اشهر خليتها بحضني شعور حلوو حسيتها قطعه من كلبي اشم بيها وابوس بيها شكد حبيتها وكل صوره جنت تدزها اليه اخزنها بتليفوني حبيبت عمها مالحكنه نفرح بيها انشالله ربي يعوضك تزوج وتصير اب مره ثانيه

مهند/جريت حسره وخليت ايدي على وجهي الله كريم خويه الله كريم انشالله يوم الي افرح بيك واشوف جهالك اني هم حاب اصير عم واشوف جهالك

اياد/اذا ماكمت على حيلي انسى سالفة الزواج

مهند/ليش حبيبي تزوج انشالله وتصير اب وتفرح بجهالك ليش شناقصك انت حته متزوج

اياد/ناقصني رجلين اوكف بيهن على حيلي المره هم تحب زوجها يلزمها بيدها وهي تمشي بالشارع مو تدفع بي بالعربانه تحب من تتمرض من تركع يشيلها ويوكف وياها طول بطول مو عاجز ميكدر يساعدها اذا وكعت المره تريد سند تسند ضهرها عليه مو تاخذ واحد ميكدر يعين نفسه
رند/اني ومهند اثنينه اختنكنه عليه بقينه واحد يباوع على الثاني بقهر مكدرنه حته نحجي شي

ورا يومين
رند باجر اول يوم دوام والخوف والحماس عندي موطبيعي
حضرت ملابسي وجنطتي دوامي صباحي
نمت من وقت وكعدت ساعه 6 ونص بدلت تحضرت ساعه 7 كعدت مهند
مهند/كعدت حته اوصل رند نزلت شفتها لابسه الصدريه والجنطه على ضهرها ابتسمت عبالك طالبه صف اول ابتدائي كلت يله باباتي جاهزه نروح
رند/ايي بابا جاهزه
مهند/هههههه يله امشي طلعنه وصلتها للمدرسه جان اسواق مقابيل المدرسه نزلت وياها كلتلها تعالي اخذتها للاسواق اشتريتلها علاكه حلويات خليتهن بالجنطه وبقيت انتضرها لحد ما طبت للمدرسه رحت للمعارض صارت ساعه 11 ونص رحتلها لان كالت ساعه 12 ونص اطلع
انتضرتها صارت حله وكومه بنات هوسه اباوع لحد ماشفتها طلعت اجتي صعدت يمي مبتسمه

مهند/هاا رنودتي بنيتي شلونه يومج

رند/تمام الحمدالله وزعولنه قسم من الكتب

مهند/هاا زين
رجعنه للبيت تغدينه اني وياها واياد

اياد/ليوم اني حيل تبهذلت بدونج والله