لعبة القدر

البارت 34

#لعبة_القدر
رند
انصدمت من طلب مهند شلون تخلى عندي وهو كال رايح اكوله الاياد والي يصير خلي يصير لَيــِْش ماكله وشنو الي صار جوه بحيث منعه ان يحجي بقيت ابجي وافكر شسوي شسوي رجعت حسيت بروحي وحيده من جًٰـِّديد هالمره حته مهند مو يمي شسوي يااربي اترك البيت واطلع بس وين اروح ارجع لبيتنه اخاف من المنطقه اخاف ابقه وحدي واخاف من انمار لايجي يتهجم عليه مره ثانيه زين اروح للناصريه اكيد راح يزوجوني محد يتحمل احد بهالدنيه اني اكثرمكان ارتاحيت بي هو هنا وماعندي غيره يعني هاي هيه اقبل باياد واخضع للامر الواقع غسلت وجهي ونزلت
لكيت اياد بالهول كاعد شِفـٍـت موعد علاجه فايت وقته
رحت جبته اله ونطيته كلاص مي شربه
بقيت صافنه عليه وهو هم صافن عليه واحد صافن بوجه الثاني بدون كلام. لحد ماهو حجه

اياد/رنوده بيج شي

رند/هاا لا لا ماكو شي

بقيت كاعده يمه لليل اجتي خاله شافتنه كاعدين سويه وحدنه كالت مهند وين

اياد/مموجود من العصر طلع وبعده ما رجع

اتصلت عليه تكول اشو ميجاوب ليش
بقت تتصل

اياد/امي شويه ويجي ليظل بالج

رند
قلقت عليه حيل ليش ميجاوب بس متجرئت اتصل بي مو هو الي اتخله عني خلاص مهند كلمن بطريقه
صارت ساعه 11 واحنه كاعدين وخاله تتصل واياد يتصل وميجاوبهم
ورا شويه فتح خط على خاله
بس مو هو الي جاوب
صديقه كلها اني صديقه مهند يمي بايت اليوم ونايم ليظل بالج عليه
هنا اطمنه وكدرنه كلمن يطب لغرفته حته ينام
صعدت للغرفه حضنت اللعابه مال رنوده بنته وبقيت اسولف وياها كولتلها ياريتج آْنَتي باقيه عايشه واني الي ميته انتي عندج اب حقيقي يحبج حيل وعندج بيبيه وجد وعم تستحقين تعيشين بهالحياة اكثر مني اله اني شعندي ماعندي احد المن عايشه الصدمات وحده ورا الثانيه وكعن على راسي خليت راسي على المخده وقررت من باجر ابدي صفحه جديده صفحه مابيها مهند من باجر اتصرف بعقلي وبس مااتصرف بعواطفي بعد لازم اتغير وادوس على كلبي غمضت عيوني ونمت

مهند
بعد ماحجيت وي رند وتاكدت ماعدها اشكال باعاقه اياد لان مااريدها تنضلم وبنفس الوقت دست على كلبي سالتها لو آٌنـي مو بحياتج واياد على هذا وضعه توافقين كالت اوافق اطمنت ماعدها مشكله بوضعه لان فعلاً اياد شاب مرتب وحلوو وانيق ومثقف
ضحيت بحبي لخاطر آخـۅيھ لان هو محتاجهه الرند اكثر مني خصوصا بالي شفته اليوم وضعه مرد كلبي اني جاي احترك من جوايه ادمرت اتحطمت ابد مو هينه ولاسهله عليه اكول لحبيبتي وافقي على اخويه بس اياد وضعه يبجي الصخر ومااريد اصدمه بلاكثر واكله اني احب رند وراح اتزوجها راح اخسر آخـۅيھ الي هو بامس الحاجه اليه اخسره للابد شكد ما تكون الحبيبه او الزوجه عزيزه وغاليه بس لاخ اغلى واعز وخصوصاً اني ماعندي غير هلاخ الواحد
وهم اخاف على رنوده تعيش وحدها واخاف لاتروح لولد خالتها خلي تصير لاياد ع لاقل مطمن عليها وابقه سند الها وبضهرها حته لومن بعيد صح مراح تكون حبيبتي بـٍْْـٍْ؏ـٍْْد بــَس راح تبقه بنتي راح ابقه احسبها مثل بنتي رنوده حته لو صارت زوجة اخوي
طلعت يم جماعتي احس نار مشتعله بيه طلبت منهم يجيبون شرب وسهرنه بيت صديقي شرب ونسوان صار فتره طويله ممتقرب لابنيه من قبل وفاة سجى بس هالمره تقربت وشربت بكثره اريد انسى
لدرجه ماكدرت حته اسوق السياره وارجع لبيتنه
امي واياد حركو التليفون ماجاوبتهم بقيت اصيح همه السبب امي السبب هي دخلتها بحياتي وهي طلعتها من حياتي
جماعتي يريدون يعرفون شكو ماكلتلهم بس صديقي جاوب كال ظل بالهم علــيك
اخذت لابنيه ودخلت للغرفه
احس نفسي ضايع مره ثانيه بعد ما طلعت من القوقعه الي جنت بيها رجعت طبيت بيها مره ثانيه