#لعبة_القدر
رند
وصلو للبيت اول ماطبت خاله سلمت عليها ولنوب على عمو
وراهم طب مهند يدفع اياد بالعربانه اول مره اشوفه لاياد
شكله ابيض ولابس نضارات طبيه شعره ولحيته جوزي لونهم اشقر يعني وجسمه انعم من مهند بس ميشبه مهند اياد يشبه خاله حيل ومهند يشبه عمو وقليل ماخذ من خاله
اياد اول ماشفته شبهته بالمطرب سعد المجرد حيل يشبهه
اول. ماطب رفع راسه باوع عليه مديت ايدي صافحته
رند/الحمدالله على سلامتك يااربي الشفاء العاجل انشالله
اياد/تسلمين ربي يحفظج
منى/ايودي هاي رنوده بنت خاله ابتسام
اياد/اي امي عرفتها قابل منو يكون غيرها
منى/رنوده حضرتي الغرفه الجوه الاياد
رند/اي خاله حضرتها ونضفتها ورتبتها
منى/عاشت ايدج بنتي
رند/يله راح اصب الغده
منى/يله بين ما نغسل جوعانين حيل
مهند/كلبي مردني على اياد من شفته على كرسي المعاقين طوبته وطلعت بره بجيت لان اختنكت حيل ومااريد ابجي
كدامه ماريد احسسه بشي
طبيت للمطبخ وكفت اغسل بوجهي
رند/مهند طب عيونه حمر عرفته جان يبجي هو اول مادخل اياد راساً طلع بره شفته يغسل وجهه رحت جبتله الخاولي اخذه من ايدي نشف وجهه وخلاه على الكرسي
بقيت اني احضر الغده مهند يكلب بتليفونه كاعد على الكرسي
مهند/رنوده من السبوع الجاي اجيبلج ملازم مال سادس حته تبدين تقرين مابقه شي للدوام لتظلين ملتهيه بالمطبخ والتنضيف انتي ممجبوره تخدمينه مستقبلج اهم من كلشي اتفرغي الروحج والدراستج
رند/انشالله
بنفس الوقت احس مسؤليه البيت كله صارت عليه خاله ملتهيه بالدوام وهسه اْكّــًّيّدْ راح تلتهي باياد هم الطبخ والتنضيف والمواعين والملابس والكوي كولهن اني اسويهن ممتعاجزه منهم بالعكس على الي قدموه اليه احس هالشي قليل بحقهم ومرتاحه بالشي الي دا اسوي بس صدوك نسيت دراستي وقررت من السبوع الجاي اوازن بين البيت وبين دراستي
مهند/جاي اشوف رند على طول بالمطبخ لو تطبخ لو تنضف لو تغسل ملابس لو تكوي مسؤليه البيت كلها وكعت براسها وهي تشتغل ومتشكي ابد نست دراستها انقهرت عليها حجيت وياها حته تتفرغ لنفسها هي فعلاًممسؤله علينه ولامجبوره تخدمنه اني ملابسي انزعهن منا ورا سـَاعات الكاهن مغسولات ومكويات ومعلكات بالكنتور مرتي الي جنت مدللها دلال مصاير والي حته طبخ متعرف تطبخ ولا يوم كلتلها اتعلمي وطبخيلي ورغم دلالي الها مايوم سوت الي سوته رند ابد جنت اله اكلها غسلي ملابسي ياله تغسلهن واكثر لمرات اشوفهن بيهم بقع مال تايت متغسلهن زين اما رنوده قايمه بكل واجباتي وواجبات اهلي باحسن صوره شفتها هامله دراستها وهي سادس قررت اجيبلها ملازم حته تقرا واني هم اقريها هالسنه خليها تلتهي بدراستها حته بس تعطل اتزوجها
شفتها حضرت الميز اشكال مسويه على الغده راحت صاحت امي وابويه اني كمت جبت اياد بعربانته دفعته يم الميز حته يتغده اليوم نتغده كلنه سويه بس بدون فرحه بسبب الي صار الاياد بقينه ناكل رنوده مقابيلي كاعده وبصفي اياد ومقابيله امي وابويه بدايه الميز
اني اكل وعيوني على رند حسيتها تاكل قليل ومترفع عينها ابد اكيد مستحيه من اياد
محمود/ابني ورا الغده جيب الكصاب حته يذبح الخروف
اذا يبقه بالحديقه راح يدمرها
مهند/ماشي يابه هو اني رابطه حته مياكل الورد
محمود/اختي ام احمد خابرتني بعديومين يرجعون للعراق زياره يجون وهم كالت اريد آٍجُـي اشوف اياد
منى/اي اني هم خابرتني كالت راح نجي اني وابو احمد ونوسه لان نور زوجها ممخليها تجي علمود اطفالها واحمد زوجته حامل بشهرها هم ميكدر يجي بس خابروني حجو ويايه اعتذرو خطيه
مهند/هي نوسه هم هالسنه تخرجت مو
محمود/اي هالسنه تخرجت صيدله
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
