لعبة القدر

البارت 44

#لعبة_القدر
رند
احس كلبي نار على اياد بلحضتها مو بعيني اي احد تفكيري كوله يم اياد مرن عليه ال4 سـَـــاعْــات كأنهن 4 سنوات شِفـــٰٰتْ الدكتور  طلع وركضت عليه سالته وخايفه لا يكولي فشلت العمليه بقيت اراقب عيون الدكتور واني منتضره منه الجواب الخوف والقلق كتلني كلبي يدك سريع ودموعي تجري
الدكتور/الحمدالله على سلامته العمليه نجحت
رند/من الفرحه محسيت بنفسي اله كاعده بالكاع وابجي دموع الفرح يمكن اول مره بحياتي تنزل من عيوني دموع الفرح خاله وعمو ومهند الكل فرحانين بقيت اتشكر ربي الف آلـْ ح ـمـِْدِّ اللّـٰه والشكر ياااربي رحت على خاله حضنتها واثنينه نبجي
منى/بنتي لوما انتي جان اياد مصار اله امل بالحياة بــَس الفضل آلُـ✿ـجُ انتي الي رجعتي اياد للحياة مره ثانيه
رند/الحمدالله على سلامته
ورحت على عمو. هم كوتله الحمدالله على سلامته باسني من راسي وكال الف الحمدالله يااربي
كعدت على صفحه منتضرينه يطلع متقربت على مهند ولا اريد اباوع بوجهه من هالحضه لان من تخايلت نفسي افقد اياد عرفت هو شكد غالي عندي وعزيز لذالك لازم احاول قدر لامكان ابتعد عن مهند منا ورايح

مهند/فرحنه حيل بنجاح عمليه اياد ويمكن اكثر شخص فرح بينه هي رند تبجي بحركه ومن كاللها الدكتور نجحت شفتها شلون نزلت للكاع وتبجي وحضنت امي وابويه وكعدت على صفحه تباوع للكاع وتضحك وتبجي نفس الوقت امي وابويه طبو للغرفه مال اياد منتضرينه يطلعونه ورند بقت بالممر كاعده كعدت بصفها كلتلها الحمدالله على سلامته
رند/مدنكه راسي وحجيت ربي يسلمك ويحفظك
الحمدالله نجحت العمليه جنت خايفه حيل خايفه لااخسره والله امووت بدونه هو صار كل حياتي وهو گـِْـِْلِْ عائلتي وسندي واماني اااااف فرحانه حيل ومرتاحه حيل يله غير يطلعونه شو تاخرو

مهند/حسيت نفسي غرت من اخويه وهو بين الحياة والموت رند حافضها على كلبي من تحجي الحجايه اذا متصنعه واذا مجامله واذا من كل كلبها اعرف كولشي عليها وهسه رند تحجي من كل كلبها هيج رند بس تقربلج اياد حبيتي لهل درجه لحد يوم حنتي جنتي تبجين عليه هسه هيج صرت اني مجرد شخص عًـًـًآدًيً وتحجين ويايه برسميات
اوووووووووف اتمنه اصير مثلج واعاملج نفس متعامليني واعامل زوجتي مثل ماانتي تعاملين زوجج بس مو بيدي مااكدر احبج احبج احبج شلوووون بيه شسويتي بحالتي دمرتيني ودمرتي حياتي كلها
شفنه اياد طلعوه ورند ركضت عليه تمشي وياهم ولازم ايده هو بالبنج بعده دخلو الغرفته حولناه على الجربايه
اجه الدكتور فحصه كال شويه ويصحى علكوله مغذي وضربوه ابر
بقينه منتضرينه يصحى
رند/بقيت كاعده يمه ولازمه ايده بست ايده الحمدالله والشكر حبيبي يله افتح عيونك الحلوات عاد
بقيت كاعده ولازمه ايده لحد ما فتح عيونه اول ماصحى بقه يهذي اميي ورند يصيح
اياد/امييي
منى/هاماما حبيبي هياني يمك يانور عيوني الحمدالله على سلامتك
اياد/وين رنوده حبيبتي رنوده
رند/فدووه الوجهك  عيون وكلب رنوده الحمدالله على سلامتك
مهند/بسته من راسه حبيبي ايودي الف الحمدالله على  ســَلامتك
محمود/الحمدالله والشكر على سلامتك بابا
اياد/العمليه نجحت
رند/اييي اييي نجحت نجحت حبيبي
راح مهند صاح على الدكتور يجي يفحصه لان صحه
اجه الدكتور فحصه كال كولشي تمام وانشالله بعد شهر نبدي وياه بالعلاج الطبيعي خلال شهر ثاني راح يكدر يوكف عليها ولافضل نشدله طرف اصطناعي لرجله الثانيه  حته يكدر يمشي عليها حته لو عكازه وحده يكون افضل من الكرسي المتحرك