#لعبة_القدر
مهند
طبيت للبيت وسديت الباب طبت زمن للغرفه كاعده على الجربايه وتلعب بالماسكه مال الورد مالتها
زمن بدلي حته نتعشه
باوعت عليه كالت مااكدر افتح البدله
وكفت وراها فتحت البدله الها وطلعت نزعت الستره والرباط وفتحت دكم مقدمه القميص نزعت ساعتي وكفيت ردني جان اكو عشه جاهز
طلعت زمن لابسه الثوب الابيض مالتها بدت تحمي لاكل بالمايكر وخلته على الميز كعدنه تعشينه وطبينه للغرفه هنا صار لازم اتقربلها اذا متقربت راح يصير نقص برجولتي تقربتلها واني تفكيري كله برند شدا تسوي هــًـًســًه حته ماادري بروحي شلون تقربتلها حته مباركتلها ولا بالي يمها ولاسالتها اذا تاذت لو لا كمت طبيت للحمام فتحت الدوش وصرت جواه بالي كله يم رند لو مكايلتلي هوايه احسن وهوايه ارحم ليش هيج تعذب بيه ليش فوك العذاب الي اني بيه طلعت تمددت على الجربايه ونمت
كعدت على صوت التليفون شِفـٍـْت زمن نايمه
جاوبت
الووو ها امي
ايي الحمدالله
ربي يبارك بيج
انشالله هسه شغله ساعه واحنه يمكم
الله وياج
كعدت زمن كولتلها يله كومي بدلي امي خابرتني مسويتلنه ريوك اني كايم ابدل
اخذت ملابس وطبيت للحمام سبحت وبدلت
طلعت للكراج ورا شويه طلعت زمن كالت صباح الخير عمري
كلتلها صباح النور حبي
شغلت السياره ورحت لاهلي
رند/بعد مارجعنه من العرس طبيت للغرفه قبل اياد بقيت على مكياجي وتسريحتي لبست الثوب الابيض مال عرسنه من هاليله لازم اطلع مهند من كلبي لان لااياد ولازمن يستاهلون يتعذبون ويانه
عدلت الحمره ورشيت عطري شويه وطب اياد بقه يباوع عليه ابتسم تمددت على الجربايه
فتح ايده رحت يمه حضني وباسني من راسي
اياد/هااا حبيبتي جهازتلي اليوم
رند/ايي حبيبي
باسني من شفتي وبعدها من ركبتي بوسـّﮧ💋 قويه لدرجه ترك اثر قوي بركبتي وتقربلي صرت زوجته باسني من راسي وكال الف مبرووك حبيبتي
بعدها حسيت بنحول قوي بجسمي
كوه كدرت اسبح نمت حته بدون ماامشط شعري
صحيت الصبح اريد ارفع راسي من المخده مااكدر جسمي كوله مصخن كمت طلعت صارت بوجهي زمن فتحت عيوني هاي شجابها
سلمت عليها كولتلها شعجب اجيتي
زمن/خاله خابرتنه كالت مسويتلكم ريوك واجيني اني ومهند
رند/هااا هلابيكم طبيت للمطبخ كعدت على الكرسي وخليت راسي على الميز كولت الخاله فدووه اريد حبايه بندول راسي وجسمي كوله يوجعني شويه شفت الحبايه كدامي نمدت ايد رفعت راسي مهند الي نطاني الحبايه خليت عيوني بعيونه
مهند/طبيت للمطبخ ومجان اكو احد بالمطبخ امي هستوها طلعت شِفـٍــٰٰتْ رند مخليه راسها على الميز وكالت على حبايه بندول فتحت الصيدليه اخذت حبايه و وخليتها كدامها رفعت جان بيدي كلاص مي اريد انطي الها تشرب الحبايه بس رفعت راسها شِفـٍــٰٰتْ اثر كولش قوي ازرك بركبتها عرفت بالي صار البارحه بلا وعي عصرت الكلاص بيدي حيل وكسرته
رند/فزيت شِفـت ايده انجرحت بقت تذب دم ركضت على الصيدليه طلعت كطن وتعقيم بس طبت زمن كالت شكوو شبيها ايدك اخذت مني الكطن والتعقيم وبقت هي تعقمها
مهند/ماادري جنت اشرب مي وطك الكلاص بيدي
لفتها اليه بعدها اجه اياد وامي وكعدنه كولنه نتريك
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
