لعبة القدر

البارت 37

#لعبة_القدر
مهند ثاني يوم الخطوبه رحت للشغل اتلكاني ابويه معصب حيل
مهند/هـْﮩـااا حجي خيرك
محمود/تعالي مهند اكعد اريد احجي وياك بموضوع
مهند/كعدت كل ضني بمواضيع الشغل يحجي مثل گـِْـِْلِْ مره.
محمود/ليش تركت البيت
مهند/يابه عادي واذا تركته يعني عندي بيت وكعدت بي مابيها شي
محمود/لا ابني بيها شي بالنسبه اليه انت عزابي لا عندك مره ولاشي وبيته منو بي حته اتركه غرفتك ومستقر على ﺸنـٌٍـٍوﯛ بعد عفت البيت
مهند/يابه هـًُّـيًُْـچ عجبني اسكن ابيتي
محمود/اني بعمري ماجبرتك على شي ابني ولا بيوم قررت عنك بشي انت من يوم يومك تمشي حياتك بس ابني كاافي اريدك تزوج واطمن عليك وتكون اسره انت كبرت والى متى تبقه هيج هسه اياد الحمدالله كدرنه نطمن عليه وكلنه نعرف رند شنو وماعدنه شك بيها ابد راح تصونه وتحافظ عليه وتداريه الحمدالله بس بقيت انت ابني دامك حاب تعيش ابيتك تزوج وابقه ابيتك عايش زوجتك اخذت جزاتها بالدنيه وراح تاخذه بالاخره وبنتك كولنه نعرف طفله مالها ذنب طير بالجنه حته ماعليها حساب ابني باوع النفسك والحياتك شويه الى متى تبقه هيج بلا زواج والعمر جاي يمشي واني هم حاب اشوف اطفالك اذا وحده ابالك كولي اخطبهاالك

مهند/ماكو وحده ابالي يابه وممفكر بالزواج هسه

محمود/آٌنـي حاب ازوجك انت واياد بنفس اليوم

مهند/نصدمت شنووو نفس اليوم اني واياد كلت بكلبي اني عريس ورند عروسه بــَس كلمن لغير واحد ااااااخ يانار كلبي
كتله عود ورا زواج اياد آٌنـي اخطب هــًـًســًه ممستعد بعدها نفسيتي تعبانه
كلت بكلبي خلي اشوف اخر حلم اليه يتحطم كدام عيني وبعدها اذا كدرت اتعايش وي الوضع وادخل انسانه ثانيه بحياتي
محمود/ماشي ابني آلُـِْلُـه كريم زين ارجع للبيت بين ما تزوج
مهند/لايابه خليني مرتاح هيج
محمود/براحتك ابني براحتك

رند/بده يوم جديد بحياتي
هسه صرت مخطوبه وعلى ذمه رجال ومو من حقي افكر بشخص ثاني بس هالشي مو بيدي طلعت من غرفتي ورجلي اخذتني لغرفه مهند فتحت باب الغرفه شِفـٍـت قميصه مشمور على الجربايه رحت لزمته وشميته اختنكت شلون مراح تشوفه بعد يوميه واني عيوني متعوده يوميه تشوفه احس البيت صار بلا طعم بدونه
رجعت القميص بمكانه وطلعت سديت الباب نزلت جوه
كعدت اياد حته يتريك وياخذ علاجه
اياد/صباح الخير اميرة البنات
رند/صباح النور لزم ايدي وباسها ولابتسامه تارسه وجهه

اياد/شكد حلو يصير يومي من اصبح بوجهج الملائكي

رند/يله اياد عندك علاج حته تتريك وتاخذه

اياد/انشالله زين تسمحيلي اكولج حبيبتي

رند/جريت نفس ودنكت راسي عادي كولي

اياد/صار حبيبتي هسه اغسل واجي

رند
مشت لايام وخلصت العطله ورجعت للدوام بالوقت الي آٌنـي بالدوام يجي مهند للبيت يم اياد بس ابد ما تصدف ونتشاوف هو يعرف وقت رجعتي كل ماارجع يكولي اياد قبل شويه طلع مهند جان هو الي يوصلني هسه صار السايق مال خاله هو الي يوصلني ويرجعني
اياد يوم على يوم احسه يتعلق بيه اكثر ويحبني اكثر على طول يتغزل ويسمعني كلام حلوو صح اني اتعاطف عليه بس مااكوه ابد اياد حباب وفقير وكلبه كولش طيب واشوفه يسوي اي شي في سبيل. يسعدني ابسط شي هو يوميه يقدملي ؤردهـ🌹. بلاضافه الى الكلام الحلو الي يسمعنياه وعلى طول يكولي اميرة البنات
بس بنفس الوقت مدا احس عندي مشاعر حب عاطفي اتجاهه مرت لايام واياد هو الي يساعدني بدراستي صح نو علمي واني ادبي بس يسرحلي رياضيات وانكليزي ويسمعني بقيه المواد هلص الدوام ودخلت بكلوريه الحمدالله كعدنه بالبيت حته ندرس فتره قبل لامتحانات هنا كرست وقتي اكثره للدراسه اياد سوالي جدول اوقات للدراسه وراح امشي عليه غرفتي عباره عن كتب وملازم واوراق حته مالي واهس المهن
خلال هالفتره ابد ماشفت مهند اخر مره شفته هي بيوم العقدمالتي بس يوميه اطب الغرفته واستنشق عطره
احس كلبي طاك عليه بس مابيدي شي مااكدر اتصل عليه بصفتي ﺸنـٌٍـٍوﯛ بعد حته اتصل عليه
مر على عطلتي 10 ايام تعبانه فد نوب من ورا الدراسه واكلي حيل قليل صار وسهر وتعب نزلت الضهر حته اكل شي واصعد اكمل دراسه لفيت شعري ليفوك مكفش صاير ولابسه برموده وبدي ربع ردن لان محد بالبيت هسه بس اياد ونايم نزلت اركض على الدرج وصلت لاخر بايه وصار كدامي وجهه بوجه