لعبة القدر

البارت 10

#لعبة_القدر
رند
كعدنه على المرجوحه مهند مرجع راسه ليوره ويباوع على السمه بقه صافن شويه حسيته مخنوك حيل بده يحجي
مهند/الطفله الي شفتيها تصير بنتي
رند/شنووو ليش انت متزوج
مهند/رنوده بس اسمعيني لتحجين شي ابد رحمه لاهلج
رند/تمام
مهند/اييي هاي بنوتي اسمها ريناد بس اني مااصيحلها ريناد ابد من ولادتها اصيحلها رنوده
رند/فتحت عيوني رنوده. تذكرت من سالني على اسمي من ماما صاحت عليه ونوده اول يوم نجي بي الهم بس ماكدرت احًـجي بس اسمع
مهند/ايي رنوده هاي بنتي رنوده روحي من الدنيه هاي
بس راحت نزلت دموعي والعبره خنكتني
رند/وين راحت
مهند/باعي اني من جنت بالجامعه ادرس حبيت وحده ويايه اصغر مني بسنه اسمها سجى متت عليها عشقتها بجنون وهي هم تحبني جانت علاقه حب بينه الكل يحجي بيها اخر سنه جامعه خطبتها وجان اسعد يوم بحياتي حبيبتي صارت حلالي خلصنه الجامعه وتزوجنه سويتلها افخم عرس الكل تسولف بي وبيومها اني الفرحه مساعيتني حبيبتي صارت ويايه بنفس البيت كعدنه هنا وي اهلي ورا اشهر صارت حامل بريناد بــَس جابتها طلبت نطلع بيت وحد كلتها ماكو احد لَيــِْش نطلع بــَس هي رادت كالت اني عاجبني اكعد بيت وحدنه نستقر كلتلها يجرالج اشتريت بيت وكعدتها بي اني وياها ورنوده هي سمتها ريناد كلتها صعب باللفض كالت عاجبني اني بقيت ادلعها رنوده كله رنوده اصيحلها صارت روحي من الدنيه رنوده اعشقها اموت عليها بدت تكبر صار عمرها سنه سويتلها احلى ميلاد الي صورته ميلادها بغرفتي شايلها
اول كلمه نطقتها بابا متعلقه بيه بشكل صارت سنتين وزاد تعلقها بيه متنام اله بحضني شعرها اشقر مثل لون شعرج بالضبط ونفس النعومه أّمُِـوت على شعرها اشمشم بي جنت من ارجع من الدوام جنت ادرس 
تكعد بالكراج تنتضرني اول ماافتح الباب تركض عليه اخذها بحضني ومن ارجع من الشغل هم صار عمرها 3 سنوات وحركاتها ودلعها زادو بلاكثر سويتلها غرفه كلشي لون وردي بيها سويتلها غرفه مال اميرات واشكال العاب جبتلها جانت متنام بيها اله بحضني
دللتها هي وامها احبهن اثنينهن نفس المحبه سجى اوووف ياسجى دللتها بشكل جنت حيل احبها واحترمها واقدرها وماارفضلها طلب ابد حته متعرف تطبخ جانت كله من بره اجيب الاكل ولا يوم كلتلها تعلمي الطبخ ابد كلشي على راحتها. عفته من كعدنه ابيت وحدنه حسيتها ابتعدت عني متهتم بيه حته ملابسي انزعهن متغسلهن ولاتكويهن اله اني اكلها ياله مايوم حاسبتها وكلتلها ليش هاملتني لَيــِْش متهتمين بيه كلت ميخالف خاف ضايجه رغم جنت ميمر يومين او ثلاثه اذا مااطلعهم واونسهم
بيوم ابويه خابرني كال باجر رايحين للبصره نستلم السيارات وصلن بتت يم اهلي لان ب4 نروح
بقت هي ورنوده بالبيت ماقبلت تجي وياي لاهلي
بس قبل لنطلع اني وابويه خابروه كالوه صارت اشكالات وراح تتاخر يومين ابويه كال لعد شعدنه رايحين عود يومين ونروح بقيت نايم يم اهلي ب7 الصبح كعدت كلت خلي اسويلهن مفاجئه اروح بدون مااكلهم اني جاي
اخذت كيمر وصمون حار وحليب واجبان ورحت للبيت فرحان راح اسويلهم مفاجئه وارجع احضن مرتي وبنتي وانام لان جان شته والجو بارد شهر لواحد هالحجي قبل سنه ونص تقريباً عندي نسخه من المفتاح مال بيت فتحت الباب طبيت وصلت للمطبخ سمعت صوت سجى تضحك وتسولف بغرفتنه عبالي وي رنوده كلت شعجب رنوده كاعده بهيج وقت بس لمحت الضوه مفتوح مال غرفه رنوده طبيت لكيتها نايمه بغرفتها انصدمت طلعت وعفت باب غرفتها مفتوح رحت فتحت باب غرفتي وو