#لعبة_القدر
رند
بقينه اني واياد وحدنه بالغرفه بعد ما خاله سلمت علينه وهمست باذني بنتي اريدكم تبيضون الوجه وانتي لتخافين وهله هله وي ايودي انتي صرتي حلاله بعد انـ شـاء الـلّه تكونون سويه على الحلوه والمره
رند/دنكت راسي كولتلها انـ شـاء الـلّه خاله
منى/يله ماما اني رايحه مهند ينتضرني وهذا العشه مالتكم وباجر انـ شـاء الـلّه الصبح قبل ساعه 12 يجي مهند ياخذكم
رند
طلعت خاله وقفلت الباب وراها رجعت كعدت على الجربايه
رند/اياد اساعدك تبدل ملابسك
اياد/اي والله الستره ضايقتني
رند/تمام نزعته الستره وهو نزع الرباط واليلك والقميص
اياد اني طابه للحمام ابدل واطلع
اياد/تمام بس خليني اساعدج افتحلج قيطان البدله
رند/اوك
بده وكفت كدامه وبده يفتح القيطان والسحاب طبيت للحمام لبست الثوب الابيض والروب فوكاه طلعت كعدت كدام المرايه فتحت التسريحه
اياد/يله نتعشه
رند جان اكو ميز صغير بالغرفه لان هي سويت مو غرفه خليته كدامه وفرشت الاكل بقينه نتعشه وهو گـِْـِْلِْ شويه يوكلني آٌنـي مدنكه راسي مشاعري بين الخزن والخوف القهر
كملنه العشه ودك تليفونه
كال هذا مهند جاوبه
اياد/الووو ها هنودي
مهند/سكران كوه احجي ماادري بروحي اشرب واتخايل اياد شلون راح ينام وي رند واشرب بلازيد اخر شي لدمت التليفون ودكيت
الووو هااا اياد تزوجت لوبعدك
اياد/شنوو مهند شبيك وشبي صوتك
مهند/اخذت مرتك بعدك بشرني خلي افرحلك
اياد/مهند شبيك شنو هالحجي انت شارب مو
مهند/معليك بيه شارب ماشارب المهم سولفلي شسويت وياها مثل ماعلمتك مووو خوما اذيتها
اياد/عصب حيل كاااافي مهند انت ابد مو بوعيك يله باااي
رند/شفته عصب ماعرفت شكله سد الخط وشمر التليفون على الجربايه وبقه يفرك براسه
كوتله شكوو شبيك وشبيه مهند خوما صاير شي
اياد/لا مصاير شي بس مهند سكران فد نوب وميدري بروحه شيحجي
رند/عصرني كٓٓلٍٰــبي عليه لان اعرف هو ميشرب اله فد نوب متاذي وهسه شصاير بحاله ماادري طبيت للحمام بقيت صافنه على روحي بالمرايه وابجي اتمنه هذا كابوس واصحى منه اتمنه اطلع منا واروح اركض الخضن مهند واكوله مااكدر مااكدر خلصني اريدك انت اريدك الك دااحس روحي بسجن بقيت بالربع ساعه ابجي اندك الباب عليه اياد كال رنوده بيج شي شو تاخرتي ظل بالي عليج حبيبتي
رند/غسلت وجهي وطلعت كوتله مابيه شي
اياد/ليش عـُـيـُونج حمر جنتي تبجين
رند/دنكت راسي ايي ابجي
اياد/لزمني من ايدي ليش حبيبتي خايفه
رند/احس روحي مختنكه انفجرت اييي خايفه وليش مااخاف مثلاً لو مالي حق اخــّّـّّاف هم بكلشي مالي حق لا انطي رأي ولااخاف ولاابجي بقيت اصيح واعصر براسي
اياد/شبيج حبيبتي اني شكولتلج حته هيج تعصبين بس اهدئي تعالي اكعدي هنا
رند/امعد اوكف امشي آنام معليك بيه اني انسانه مو لعابه حته تتحكمون بيه بكيفي كولشي بكيفي خلااااص افهم مااكعد وراح ابقه واكفه بكيفي
اياد/رند شبييييج الخاطر الله شو ابد مو ع بعضج شصارلج
رند/صحيت على صوته صيح حيل باسمي باوعت عليه كلت بكلبي اني شدا اسوي وشدا اتصرف هو شنو ذنبه
كلت مابيه شي بس تعبانه اريد اسبح طبيت للحمام سبحت وشبعت بجي وطلعت كعدت امشط شعري وهو كاعد يباوع عليه بدون ميحجي شي
اياد/حبيبتي اذا تحسين نفسج مو جاهزه عادي مْْـو مهم خليها غير يوم اهم شي راحتج ماشي عمري
رند/ايي والله دااحس نفسي موجاهزه اتمنه تتفهمني وتعذرني
اياد/لا حبيبتي عادي مادامج انتي يمي مو مهم شي اهم شي شوفتج وتنامين بحضني بس هذا الي يهمني
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
