#لعبة_القدر
مهند
كعدت الصبح
رحت بوجهي للشغل كلفت واحد من العمال العدنه اسمه ابو علي
كتله ابو علي رايد كادر تنضيف عندي بيت ينضفونه
ابوعلي/استاذي يـعـنـي تريد عمال شبي البيت انقاض لو شنو
مهند/لا مابي بناء بــَس بيت عًـًـًآدًيً وبي اثاث كامل بــَس متروك صارله فتره طويله ﯙيرايدله تنضيف يعني مسح وتنكيت غسل بردات والتخم والفرش هيج شي يعني
ابو علي /اذا هيج سهله استاذي هاي شغل نسوان شوكت تحب اني اجيب زوجتي وبنتي ينضفونه الك تدلل
مهند/لاحبيبي مااريد اتعب احد
ابوعلي/شنو هالحجي استاذي مرت اخوك وبت اخوك مابيها شي
مهند/كفوو منك غالي ربي يحفظهم الك لباجر اذا تكدر لتجي للشغل بس اخذكم للبيت وخلي ينضفونه
ابوعلي /صار باجر انشالله
رند
خاله كالت بس يجي عمج من السفر بعد يومين نعقدلكم وباجر العصر اشتريلج الذهب مادام عندج عطله
مهند مارجع للبيت بليل كولش طبيت الغرفته اشم بعطره وحضنت مخدته وبقيت ابجي بحركه وادعي ربي يطلعه من كلبي وينسينياه
بقيت بغرفته لليل كولش لحد ما حسيت نفسي نعست حيل اخذت مخدته ورشيت عليها كومه من عطره ورجعت الغرفتي نمت عليها واني اشم بعطره
غفيت على احزاني على عذابي ومصيري على قدري الي مااعرف ليوين راح يوصلني
ثاني يوم
كعدت نزلت جوه طلعت اياد
والتهيت بالمطبخ اريد اي شي التهي بي انسي نفسي بقيت انضف لبيت مخليت شي منضفته في سبيل الهي نفسي
مهند/رجعت للبيت الضهر لكيت اياد نايم ورند تغسل بالكراج طبيت بدون مااباوع عليها صعدت لغرفتي غيرت ملابسي انتبهت لعطري القبغ مفتوح مالته والمخده مالتي مموجوده بالغرفه رحت لغرفه رند حسيت بشي فتحت باب الغرفه لكيت مخدتي على جربايته شلتها شميتها المخده متروسه عطري
كلت بكلبي اوووووف ياا رند شدا تسوين بحالج وشسويت بيج اني وشسويت بنفسي
عفت المخده بغرفتها ورجعت الغرفتي كملت تبديل ورشيت عطر ونزلت.رجعت للشغل
رند
اجتي خاله من الدوام كالت بس نتغده وتحضري نطلع مراح اروح للعياده اليوم
شفتها اتصلت على مهند
مهند/بالشغل واتصلت امي فتحت خط
هااا امي
منى/هلا ابني شلونك
مهند/الحمدالله
منى/اريدك تجي تبقه يم اخوك آٌنـي ورند عدنه مشوار نخلصه ونرجع
مهند/ساعه واجي عود
رند
كملت غده واني بدلت نزلت لكيت مهند هستوه جاي كاعد ع الميز وخاله تصبله الغده واياد بالهول يتفرج تلفزيون
من شِفـٍـْْــٰٰتْ مهند رجعت للهول كعدت
صاحتني خاله كالت يله رنوده السايق اجه
طلعنه للسياره
مهند /كملت غده ورحت كعدت يم اياد كتله ٱڱڵـك هنا ﯙيـن راحن امي ورند
اياد/امي تريد تشتريلها الذهب لان الجمعه الجايه نعقد
مهند/اهااا بيها الخير احجي وبداخلي اتكطع عبالك منيتي قربت اختنكت حيل
كتله كوم ايودي خلي ابدلك ونطلع اني وياك
اياد/وين نروح
مهند/نطلع لكوفي لاي مكان يله تعال اطلعلك ملابس
طبيت كدامه فتحت الكنتور طلعتله ملابس بدلتله وصعدته بالسياره وخليت الكرسي مالته بالجنطه وطلعنه اخذته لكوفي نزلنه نراكيل وكهوه
أنت تقرأ
لعبة القدر
Romansتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
