لعبة القدر

البارت الثالث

#لعبة_القدر
رند
ثاني يوم اجه انمار جابلي تليفون وبي خط جانت ماما موجوده كعد شويه وراح كال عود نتخابر

بليل خابرني اني ممتعوده على السهر وخصوصا دوام عندي ثاني يوم گـِْـِْلِْ شويه اكله يله خلي نسده اريد انام حسيته ضاج سده وراح
ورا اسبوع وماما ملتهيه بشغلها واني بالدوام اجه انمار وامه كالو نروح نشتري الذهب ورحنه اني وياه وامه وامي اشترولي ذهب كلاده ومحبس وتراجي وحلقه. وماما اخذتله حلقه فضه ورجعنه للبيت وصلونه كالو الجمعه الي تجي ناخذج نشتريلج الملابس والنيشان حته اول جمعه بالعطله نسوي العرس
ومشت الايام وصار يوم خميس اليوم ماما جانت رايحه للزياره لكربلاء واني ممداومه مجان عندي شي بقيت بالبيت خابرني انمار جنه نسولف كوتله ماما بكربلاء اليوم
كال خلي اجي اشوفج
رند/مااكدر شتجي محد بالبيت
انمار/شبيج هو بس اشوفج وبعدين اني زوجج ترى يعني الخطوبه كلها مابقينه كاعدين وحدنه ابد ميصير هيج
رند/ماشي تعال شويه و تروح

اجه انمار اول ماطب بقه يباوع عليه بنضرات غريبه يتفحصني من فوك ليجوه جنت لابسه دشادشه فانيله لونها احمر ربع ردن
انمار/اووووف شنو هالجمال شنوو هالبياض كله اليه هذا
رند/بده يتقرب مني  حضني دفعته  انمار عفيه وخر كلت بس اشوفج
انمار /ترى انتي حلالي شبيج واذا حضنتج وبستج
رند/عفيه مااحب هاي الحركات قبل الزواج.
بداخلي احس نفسي ممتقبلته ابد مااعرف شلون وافقت بي نضراته مال واحد ابد مو راحه

بده يتقرب مني واني ادفع صار عصبي لدرجه جرني مٰـن دشداشتي انشكت بيده
انمار/اسمعي لج لتستشرفين براسي كتلج اني زوجج وحته اليه حق اخذج هسه هم ومادام عاندتيني شو اله اخذج هسه خاف آلُــجُ نيه تعوفيني تحلمين متقبلين احضنج ولاابوسج موو خاف احد ابالج لو تحبين واحد من هذا مالج نفس بيه مووو

رند/بده يتقرب مني الدشداشه انشكت بين جسمي بقيت اعيط صار فوكايه كأنما وحش ادفع بي مااكدر بقيت اعيط واضرب بي اكله وخر انمار وخر عفيه
محسيت اله الباب اندفر حيل وواحد سحب انمار من فوكايه ضربه بوكسي لزكه بالحايط

مهند/جنت راجع من المعارض للبيت ودك تليفوني خالتي ابتسام جاوبتها
هلا خاله
ابتسام/هلا هنودي حبيبي انت وين
مهند/راجع للبيت ليش
ابتسام/خاله اني بالزياره بكربلاء وعطلت السياره يمكن نتاخر واتصل على رنوده متجاوبني ظل بالي يمها فدووه تكدر تمر للبيت بس تشوف خوما بيها شي وكللها امج تتصل عليج ليش متجاوبين
مهند/انـ شـاء الـلّه خاله هسه امر عليها اني هم قريب عليكم

سديت الخط ولفت السياره طبيت على منطقتهم طبكت السياره بالباب ونزلت دكيت الباب شفته مفتوح بس مردوده محد ماكو بقيت ادك متطلع فتحته وطبيت لباب المطبخ ادك سمعت صوتها تعيط وخر مني عفيه وخر
دفرت الباب وطبيت لكيتها بالهول وواحد فوكاها وهي تدفع بي تعيط وتبجي رحت سحبت الولد ودفرته شفته عرفت هذا خطيبها ضربته بوكسي على خشمه بقه يصب دم ماكدر حته يحجي بس يمسح بخشمه
باوعت عليها دشداشتها مشكوكه وصدرها مبين تبجي وتغطي بروحها شعرها اول مره اشوفه مكفش وصاير هوسه
درت وجهي كلتلها استري نفسج
ورحت سحبت الولد من ياخته
مهند/انت شجاي تسوي لك حيوان شفتها وحدها عبالك ماعدها ضهر واستغليت الفرصه مو امردك برجلي والله
انمار/وانت شعليك اني زوجها والي حق بيها انت ابن خالتها مالك حق تضربني وتمنعني من زوجتي
مهند/هااا زوجتك يعني راساً زوجتك والك حق بيها ماكو شي اسمه خطوبه عندك مو سحبته من ياخته وشمرته بره  بقه يهدد ويتحلفلي
كتله اعلى ما بخيلك اركبه يله ولي
طبيت وسديت الباب عطت بيها
تليفونج وين
رند/حسيته نقذني بس بنفس الوقت متت خجل ومستحى منه صرت بموقف لا احسد عليه 
لفيت نفسي بالشال غطيت شعري وجسمي وكعدت ابجي طب عاط بيه تليفونج وين