لعبة القدر

البارت 28

#لعبة_القدر
رند
عسى ربي ميحرمني منك ومن حنانك
مهند/ولايحرمني منج ومن اهتمامج بيه رنودتي حبيبت الكلب
رند/نعست خليت راسي على الكشن ونمت
مهند/طبينه للمنطقه كعدتها
رنوده حبيبتي
رند/فتحت عيوني نعسانه فركت وجهي بيدي
مهند/وصلنه عمري اكعدي
رند/اااي تكسرت الطريق متعب طويل
مهند/اني ميت نعس اريد بس اوصل اسبح وانام

رند
وصلنه للبيت
نزلت من السياره لكينه اياد بالحديقه وخاله يمه واكفه ترش بالزرع
رند/السلام عليكم
اياد و منى /وعليكم السلام
الحمدالله على السلامه
رند/ربي يسلمكم
كعدت على الكرسي وفتحت الحجاب نزعته فتحت شعري بقيت افرك بي منزله راسي من رفعت راسي شِفـٍت اياد صافن عليه ابتسمت بوجهه هو هم ابتسم ودنك راسه
اجه مهند شايل بيده علاليك الحلويات سلم عليهم ونطاهن لامه
كعدنه شويه خاله بقت تطلع بالحلويات وتوزع النه اكلنه كولتلهم من رخصتكم صاعده اسبح وانام
مهند/واني هم صاعد انام تعبت مٰـن الطريق والسياقه
رند صعدت على الدرج ومهند وراي وصلت الغرفتي درت وجهي شفته واكف يم باب غرفته شمرلي بوسـّﮧ💋 بالهوى وطب لغرفته واني طبيت سبحت ونمت
كعدت ساعه 8 بليل غسلت ونزلت
بعدني واصله للهول خاله صاحت رند كعدي المهند ينزل يتعشه
رجعت صعدت فتحت باب غرفته شفته نايم وكفت يم الجربايه واكعد بي مهند هنودي اكعد تعشه ساعه 8
مهند/اممم فتحت عيوني مااكعد اله تنطيني بوسه
رند/دنكت ابوسه من خده بس راساً دار وجهه ووصارت على شفته ضربته على صدره لك حيال
يله كوم بسرعه عفته ونزلت
طبيت للمطبخ خاله واياد بالمطبخ  كعدت يمهم نزل مهند باوع عليه ابتسم وغمزلي
دنكت راسي استحيت لااحد يحس بشي
خاله فتحت الموضوع بخصوص الدكتور وعلاج اياد
منى/ايودي ماما لكينه الك طبيب بتركيا ودزله مهند التقارير مالتك واطلع عليهن وكال اكو عمليه اله صح نسبت نجاحها ‎%‎40 بس المهم اكو نسبه واكو امل
اياد/امي مااريد اتعذب واتامل وبلاخير انصدم ويخيب ضني خليني هيج والله كريم
منى/ابني ياحبيبي افهم اكو نسبه ولازم يصير عندك اكل وتتشجع وتخلي ابالك انت راح تسوي العمليه وتنجح وترجع تمشي من جديد
اياد/اوووووف ماادري ماادري
مهند/حبيبي ضروري تسوي العمليه الى متى تبقه هيج مأيس من الدنيه بعدين منو الك
اياد/ايي قصدك منو يداريك ويعتني بيك لان حته زواج مااتزوج منو تقبل بيه بهذا وضعي منو الي تخلص عمرها تخدمني
منى/ليش ابني انت دكتور والف من تتمناك
مهند/حبيبي والله نزوجك ولسويلك احلى عرس
رند/انت ورده ادب واخلاق وثقافه وهوايه الي يتمننك
اياد/رفع وجهه عليه وكال يله مادام هيج راح اتزوجج الج لان ماكو غيرج تتحملني ههههههه
مهند/جنت اشرب مي راساً غصيت بكيت اكح اختنكت
امي راساً كامت تطبطب على ضهري وتصيح اسم الله
باوعت على رند بس تباوع عليه
امي رجعت كعدت حسيت تباوع على اياد وعلى رند
خفت من نضراتها حيل
كمت من العشه صعدت الغرفتي
ورا نص ساعه دزيت رساله الرند
تعالي اصعديلي بسرعه
رند/قريت المسج مالته كملت المواعين وصعدت
طبيت لغرفته لكيت يفتر بالغرفه اول ماطبيت راساً الباب وكال تعالي اريدج بموضوع ضروري
رند/احجي شنو خوفتني
مهند/راح اعترف لامي اني وياج نحب بعض
رند/شنووو
مهند/ايي رند لان امي خاف براسها غير فكره
رند/لاا فدووه استحي واذا عرفت اتقيد حته بحركاتي بالبيت
مااريد لاخاله ولا اي احد يعرف آٌنـي وياك نحب بعض بداعتي بروح بنتك والله ماابقه هنا اذا احد يعرف استحي ش
مهند/زين خلي نتزوج
رند/هنودي بس خلي اكمل السادس هذا تحديد مصيري مااريد التهي بالزواج واخاف يصير طفل فدووه اصبرلي اول مااخلص امتحانات نهايه السنه نتزوج
مهند/اووووف اووووف
رند/شبيك حبيبي من شنوو خايف
مهند/باوعت عليها بس ماردت اكلها حته مااخلي الفكره براسها وخصوصاً هي بسن مراهقه واخاف تنجرف للموضوع وتفكر بي
كلت هيج ماكوو شي بس اني بعد مااتحمل اشوفج كدامي ومااكدر اتقربلج تعبت حيل اريد يوميه انيمج بحضني
رند/دنكت راسي ولهذا مااريد التهي عن دراستي
مهند/مااشي ماااشي حبيبتي
روحي جيبي كتبج حته ادرسج شويه
راحت جابت الكتب واني ادرسها وبنفس الوقت افكر و بالموضوع اكل راسي التفكير
بقينه ساعتين ندرس صارت ساعه ب12
رند/حبيبي نعست حيل باجر نكمل خلي انام
مهند/اوكي عمرري روحي نامي
رند/لميت الكتب تصبح على خير حيااتي
مهند/وانتي بخير كليبي
رند/راحت للغرفه واني نزلت يم اياد شفته يقرا كتاب بقيت اسولف وياه بخصوص العمليه واقنعه
مهند/ايودي هااا حبيبي هسه قررت تروح تسوي العمليه
اياد/ماادري مهند خايف لا تفشل العمليه ويخيب ضني وتتازم حالتي بالاكثر
مهند/حبيبي مادام اكو نسبه جرب شخسران بالكت الله يباوع الحالتك وتنجح العمليه خلي عندك امل
اياد/الله كريم واذا ردت اسويها شوكت يعني
مهند/السبوع الجاي موعدك
اياد/انشالله اجرب والله كريم
مهند/ايي عفيه هيج خلي عندك اصرار وعزيمه وكول راح تنجح لتفكر بالفشل ابد
اياد/آلُـِْلُـه كريم