لعبة القدر

البارت الرابع

#لعبة_القدر
مهند
تفضلي بس ترى محد بالبيت امي وابويه مسافرين امي اسبوع وترجع وابويه 4 ايام او 5 ويرجع

رند/دنكت راسي استحيت كوتله عًـًـًآدًيً ارجع للبيت مااحب اثقل عليك

مهند/تذكرت هذاك الحيوان وكلت وحدها وامها كالتلي امانه يمكم  كلتلها لا طبي جوه لتبقين وحدج بالبيت كلشي يصير

رند/طبيت خليت الجنط مالتي شفته تمدد على القنفه ونام كلي طبي بالغرفه مال ضيوف اخذي راحتج واشر على. الغرفه الي جانت بنهايه الممر اخذت الجنط وطبيت بيتهم عباره عن حديقه وكراج كبار وصاله كبيره وهول وغرفه اهله وغرفه للضيوف ومطبخ حار وبارد. وفوك مااعرف كم غرفه بــَس غرفه مهند فوك
طبيت للغرفه بيها اخشاب غرفه نفرين  مسوينها للضيوف بدلت ملابسي لبست دشداشه فانيله سبورت لون اسود وبيها خطين ابيض وتمددت على الجربايه ونمت لان بقيت كاعده للصبح وي ماما ولنوب راساً بدلنه واجينه يعني من لبارحه منايمه غطيت بالنوم

مهند/كعدت ساعه ب11 المعرض مسدود لحد ما يرجع ابويه كمت سويت كوب جاي وطلعت جبن وصمون كعدت آتــريك اليوم بليل اني متفق وي جماعتي يجون يسهرون يمي وسهرتهم من نوع ثاني شرب ونسوان ولنوب رند اجتي هنا شلون هــًـًســًه اذا اكلهم مااكدر راح يخبصوني ليش وليش وهمه يدرون اليوم اني وحدي بالبيت
صارت ساعه 1 ورند ماطلعت من الغرفه واني اريد اطلع شلون تقيدت بيها

رند/فزيت ع اتصال امي تطمن عليه بس ماكولتلها منى مسافره باوعت على الساعه ب2 الضهر كمزت من مكاني لبست حجابي وطلعت غسلت ورحت للمطبخ مهند ماكو طلعت بره لكيته يغسل بسيارته اني علاقتي بي حيل بحدود واستحي منه هم بقيت واكفه ومدنكه راسي

مهند/انداريت لكيتها واكفه
صح النوم
رند/اسفه ماادري بالوقت بس من اوت لبارحه منايمه وبقيت للصبح كاعده وي امي
مهند/اذا جوعانه طبي سوي شي تاكلينه لان بعد شويه عندي طلعه خوما تخافين تبقين وحدج

رند/بكلبي صدوك اخاف لان بيتهم جبير واخاف ابقه وحدي بس كوتله لا عادي اخذ راحتك ابقه ادرس
طبيت للمطبخ طلعت طماطه وبيض سويت شفته طب كوتله تريد تاكل كال لاساعه 3 بدل وطلع.
اني اخذت كتبي وطلعت بالحديقه ادرس اخاف اطب جوه وبقيت من ال3 لل 8 بليل بالحديق شفته اجه دخل سيارته للكراج باوع عليه اجه يمشي باتجاهي
مهند/هلوو شدا تسوين
رند/هلوو دااقرا
مهند/اها اكلج ساعه10 راح يجون جماعتي يمي يباتون اخذي غراضج من الغرفه وصعدي فوك وعود لتنزلين ابد
رند/قبل لتصير ساعه 10اخذت غراضي وصعدت اول مره اصعد للطابق الثاني  بيبان كولهن مسدوده فتحت اول باب جانت غرفه جبيره وبداخلها حمام الغرفه عباره عن طراز راضي راساً عرفتها هاي غرفه مهند شِفـٍـت على الميز اطار وبي صوره طفله استغربت لان همه ماعدهم اطفال منين هاي الطفله  اباوع على الغرفه شفت صوره ثانيه هم بايطار لنفس الطفله
يطلع عمرها سنتين او ثلاثه وحده من الصور مال حفله ميلاد وهو شايلها ويبوسها
طلعت كتبي وكعدت ادرس بقيت لحد ساعه 12 لنوب نمت
فزيت ساعه 8 ميته جوع خليت حجابي على راسي ونزلت
شِفـٍـت مهند نايم على القنفه بالهول والي صدمني ملابس نسائيه مشمورات على التخم وبالكاع حذاء هم نسائي كعب كلت بكلبي اني شعليه شِفــٰٰتْ على الطبله بالنص بطاله كزاز فارغات فكرتهن عصير ووشفت علب اجباس ومواعين كرزات بلاضافه الطب له هوسه وحته بالكاع مشمر الكشور والكواغد
مديت ايدي دااريد اكل جبس وسمعت مهند عاط راساً لااااا وخري ايدج لتاكلين شي فزيت راساً