#لعبة_القدر
مهند
طبيت للاداره
السلام عليكم
المديره/ۆعلـِيكم السلام تفضل
مهند/ست اٍُِجٌِيت علمود رند حسن اني وياها
المديره/انت شتصير منها
مهند/ابن خالتها
المديره/رند تخربطت اثناء الامتحان وقاعتها فوك هسه الست تصعدك الها حته تاخذها لان هي كملت لامتحان وصار اغماء عدها منيميها على الرحله
مهند/كمت على حيلي شبيها رنوده
المديره/عيني هسه تصعد ونزلها يمكن هبوط صار عدها
مهند/اخذتني المدرسه صعدتني فوك طبيت للقاعه مالتها نايمه على الرحله ويمها مدرسات اثنين وحده تغسل وجهه ووحده تحاول توكلها جكليته
كالت تفضل اخذها للمستوصف افضل يقيسون ضغطها
مهند/طبيت احجي وياها رنوده تسمعيني رنوده
بس ماكو فاقده شلتها بحضني مثل الطفله ونزلت والمدرسه وياي تمشي
صار راسها يم ركبتي وشلتها انطتني محفضتها نزلت بيها جوه كبل للسياره رجعت الكشن ليوره ونيمتها وكبل للمستوصف وديتها يمنه بالمنطقه نيموها على السديه اجه ولد شاب مضمد يريد يقيس ضغطها كتله شنو المستوصف مابي مضمدات ممرضات
كال لا اكو هسه اصيحلك وحده طلع يصيح ابنيه
شِفـٍـْت شعرها طالع من الحجاب عدلته الها حته ميبين شعرها
اجتي ابنيه طبت. قاست الضغط مالتها كالت فد نوب ضغطها هابط راح اخليلها مغذي
تريد تشد الكانوله بيدها كالت بس الزملي ايدها حته اشكلها
لزمت ايدها وهي شكلت الكانوله وخلتلها مغذي بقيت كاعد يم راسها اريدها تصحى خلص المغذي وبدت تصحى فتحت عيونها على كيف
مهند/ها رنوده تسمعيني
رند/مهند اني وين
مهند/صار عندج اغماء بالصف وجبتج للمستوصف
رند/مااتذكر اخر شي حسيت الدنيه تفتر بيه وعيوني غوشن وبعدمحسيت بشي
مهند/اي دز عليه الاداره وصعدت للقاعه نزلتج وجبتج هنا طلع ضغطج فدنوب هابط
رند/شلون نزلتني
مهند/شلتج بحضني
رند/خليت ايدي اليسرى على وجهي استحيت من عرفت شايلني وايدي اليمنه بيها المغذي
طبت ابنيه
هااا عيني صحت
مهند/اي صحت
رجعت قاست الضغط كالت شويه صعد بس هم بعده هبوط خليها تاكل يمكن مماكله
مهند/اي صح مماكله وقلة نوم هم هسه اكدر اخذها
كالت اي اكدر تاخذها وخرت المغذي بقت الكانوله بيدها كالت خاف ميستقر ضغطها وتحتاج مغذي بعد واذا متحتاج شيلوها الها على كيفكم
مهند/انشالله اني والدتي دكتوره وهي راح تهتم للموضوع شكرا الج
لزمتها من ايدها وطلعنه للسياره الجو حار شغلت تبريد مشينه مسافه وكفت يم ماركت نزلت وحدي بقيتها بالسياره اخذت عصاير ونساتل ورجعت صعدت
فتحت العصير والنستله خليتهم بيدها كلتلها اكلي
ورجعنه للبيت طبينه كلتلها رنوده نامي شويه ارتاحي
لان قلة نوم وهاي الحلويات خليهن يمج هم اكليهن حته ميصير اغماء عندج بعد
رند/تمام شكرا والله دا اتعبك ويايه
مهند/دكافي بعد لتعيدين هذا الحجي لباجر شعندج امتحان
رند/تاريخ عندي
مهند/سهله روحي ارتاحي ونامي شويه والضهر نبلش نقرا
طبت لغرفتها تمددت على القنفه صرت احس نفسي مسؤول على هاي لابنيه وبكل مره اتذكر امها من كالت امانه يمكم دير بالك عليها وفعلاً احسها امانه عندي واريد احافظ على هالامانه
أنت تقرأ
لعبة القدر
Romanceتدور احداث القصه بين بنت فقيره الحال بـٍْْـٍْ؏ـٍْْد فقدان ابيها وامها ستكون لعبه بيد عائله غنيه ليلعب بها القدر
