صدفة مستشفى توام

4

السلام عليكم. . شحالكم؟ اتمنى تكون عيبتكم الروايه وستمتعتوا وانتوا تقرونها.. عندي طلب صغير اذا عيبتكم وتبوني اكمل تفاعلوا ابا اشوف تفاعلكم عشان اقدر اكمل. احبكم💖

ام لطيفه : ميره وين اختج
ميره ( خت لطيفه اصغر عنها بسنه ) : امايه بنتج مطيحه ف بيت عميه راشد(ابو سيف) من تنش لين ترد ترقد مستويه ما اشوفها
ام لطيفه : ماشاءالله من متى هالمحبه
ميره : مادري اسألي بنتج. . قبل بالغصب تروح والحين كله هناك
ام لطيفه : اتصلي لها خليها ترجع الحين

بيوت اهل لطيفه كلهم ف نفس الحاره يسيرون لبعض مشي بحكم انه البيوت عدال بعض او متجابلات

ردت لطيفه البيت وسارت ويا امها الغرفه لانها تباها ف موضوع

ام لطيفه : شو وراج انتي كل يوم هناك
لطوف : امايه اسير لبنات عميه مليت من البيت هناك كلنا نتلايم وسوالف وضحك
ام لطيفه : لطوف عن الجذب ترى مب ياهل جدام
لطوف : حشى امايه ماقلت ياهل بس هالصدق
ام لطيفه : انزين تعرفين منو خطبج
انصدمت لطيفه بدا قلبها يدق بسرعه وتطالع امها بنظره استغراب معناتها كملي 
ام لطيفه : ذياب ولد خال عيال عمج راشد الي انتي كل يوم مطيحه ف بيتهم
لطوف : وانا شو يخصني
ام لطيفه : يخصه انج كل يوم سايره هناك عشان تشوفينه ما تستحين انتي؟
لطوف : امايه والله ما عرفه ولا شي بس اشوفه بين فتره وفتره عندهم وقولي لهم انا مب موافقه
ام لطيفه : ع شو مب موافقه مب ع كيفج ع الاقل فكري وعقب قولي مب موافقه
لطوف : شو يعني مب ع كيفج
ام لطيفه : ما برد ع العرب الحين فكري وعقب بنشوف وسيرات بيت عمج كل يوم هذي ماباها

وهالشي الي كانت لطيفه خايفه منه انه ياخذها حد ويكون هالحد اقرب الناس لسيف

دخلت لطيفه غرفتها وهي تصيح ماتبا ذياب وذياب يكون ربيع سيف من يوم كانوا صغار واقرب واحد له. الي سوته لطيفه انها دخلت على سيف ف الانستا وكلمته
لطوف : سيف لا تخسر الي ف خاطرك لانه بيي يوم وبتخسرها لاقرب الناس لك
(سيف ما يعرف حساب لطيفه هذا ودوم كانت تكلمه جيه بدون ما يعرفها وكل مايسألها من تكون تقوله مب لازم تعرف+مره اعترف لها انه في حد ف خاطره)
سيف : شو قصدج 
لطوف : مجرد نصيحه واتمنى تستفيد منها
سيف : شكرا ع النصيحه

سيف كان يعرف انه ذياب خاطره ف وحده ويبا يخطبها بس ما يعرف منو هذي وذياب نفس الشي يعرف انه سيف ف خاطره وحده بس مايعرف منو هي
قعد سيف يفكر شو تقصد هذي وكيف تعرف الي ف خاطريه وكيف بخسرها وبين تفكيره اتصل عليه ذياب
سيف : مرحبا الذيب
ذياب : هلا سواف اقولك طلع انا عند الفه ياينك
سيف : ع كيفك هو ع الاقل قولي من قبل مب يوم توصل تقول
ذياب : عن الهذربه الزايده عاد طلع بقولك شي
سيف : الله يعطينا خيرك ياينك
طلع سيف وركب ويا ذياب وكان ذياب مستانس ولاحظ سيف هالشي
سيف : قول قول شعندك مستانس
ذياب : خطبتها
سيف يضحك ع شكل ذياب كيف يقولها وهو بيطير من الفرحه 
سيف : بالبركه يا ريال ما بغيت منو هذي تعيس.. اسف اقصد سعيدة الحظ
ذياب : اول شي بعدها ما وافقة من ساعتين اميه رمست امها بعدين تكون بنت عمك
تلاشت الضحكه عن ويه سيف وبدا لستغراب وفكر ف كلام هذيج البنت انه الي ف خاطرك بياخذه اقرب الناس لك
سيف : اي عم وكيف تعرفها
ذياب : لطيفه وايد اشوفها اخر فتره ف بيتكم بالصدفه يوم اكون اترياك ف السياره ويوم نقعد ف الميلس اشوفها من الدريشه داخله ولا طالعه.. سألت ختك وقالت لي كل شي ابا اعرفه
سيف : وليش ماقلت لي
ذياب : قلت لك انه حد ف خاطريه
سيف : انزين قلت انه حد ف خاطرك ليش ماقلت اني اعرفها
ذياب : لاني ادري ما بيعيبك البنت بنت عمك وانا ما كلمتها هي كلمة اميه عنها وان شالله بتكون من نصيبي
سيف : ترى حتى انا ولد عمتك وقبل هذا ربيعك من يوم كنا صغار كيف تخطب وترمس امك وكل شي وانا اخر من يعلم
ذياب : سيف هدي شوي شو فيك توك تبارك لي ولا لانك عرف انها بنت عمك عصبت
سيف : لا ما عصبت بس لو انا كنت بقولك مب حلوه منك ما تقولي
حاول سيف يمسك اعصابه ويهدي من نفسه ولا ينفعل اكثر
ذياب : شو فيك الحين
سيف : مصدع من الصبح ماطاع يفجني هالصداع
ذياب : انزين انته مصدع انا شو يخصني تطلع غيضك فيه
سيف : اسف بس مصدع وحركتك مب حلوه انا ماكنت اتحرى بينا اسرار
ذياب : اقول جب جب مابينا اسرار انا غلطان اني شليتك الحين بردك بيتكم
سيف : احسن من مجابل ويهك
سيف ماكان مصدع بس عشان يخفي الي فيه والنار الي ف صدره. عرف انه هذيج البنت تكون بنت عمه واول ما وصل البيت دخل الغرفه وكلمها
سيف : لطيفه
لطوف : ؟
سيف : انتي لطيفه صح
لطوف : هيه
سيف : ليش ماقلتي من البدايه انج انتي وليش ما بينتي لي
لطوف : قلت لك مبا اطيح من عينك اذا عرفة منو انا
سيف : ليش تطيحين من عيني ماسويتي شي غلط
لطوف : سيف عرفة صح؟
سيف : هيه وربي يفرحج وياه
لطوف : يعني مب انا الي ف خاطرك؟
سيف : انتي بنت عمي وذياب ولد خالي
لطوف : شو يعني سيف؟
سيف : صح انتي الي كنتي ف خاطري بس ذياب ربيعي ورابي ويايه واقرب لي من خواني لا تتوقعين بسوي مشاكل بينا
لطوف : كنت؟ والحين خلاص يعني؟ بعدين انا ماقلت لك سو مشاكل اصلا انا قلت لهم مب موافقه
سيف : ليش يعني ما توافقين ذياب ريال ونعم فيه
لطوف : تباني اوافق!
سيف : كيفج انا اتمنى لك كل خير

شو تتوقعون بيستوي؟