فكر سيف انه يبتعد عن لطيفه شوي لين يخطبها بس ما عرف كيف يفتح وياها الموضوع وقعد طول الليل يفكر شو يسوي، وهو قاعد يحوط ف السياره تذكر الكيسه الي حتطتها له وشغل الليت وشلها اول ما فتحها حصل عطرها لوف الي كل مره تتعطر به، فتح العطر وتعطر منه وهو يتذكر كل شي يخصها اول مره يحس بجملة لا تهدي الي تحبه عطر لانه العطر اكثر شي يذكرك فالشخص. حس وقتها انه ما يقدر يبتعد عنها حتى ولو فتره بسيطه بس قال لنفسه بيقلل اتصالاته فيها. وفي نفس الدقيقه صور العطر ف الانستا وكتب عليها
(كل ما رشيت عطرك فاحت ذكرياتك) وحطها ستوري ودخل عليها خاص وقالها : شكرا فديتج ع العطر
ف اليوم الثاني فليل بعد روتين يومي ممل كانت العايله كلها متجمعه ف بيت عبدالله (ابو لطيفه) وناصر كان ياي ويايب وياه سويتات وايده لانه يدري لطيفه تحب السويت ومن ضمن السويتات كان قدامه سويت اول ماشافه صوره وطرشه للطيفه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فون لطيفه كان ع الطاوله الي ف الممر وصدف انه سيف الي خطف من عداله وشاف الاشعار واستغرب انه واتس والأفتر مب غريب والاسم NM وشك ف شي وسحب الفون وحطه ف مخباه وطلع السياره فتح فونه ودخل قروب العايله ودور ناصر ولقى نفس الافتر. حس بشعور وايد غريب كان وده ينزل ويقول للكل عن كل شي ويفضحهم وكان وده لو يمسك ناصر ويضربه. دخل فر الفون ع الطاوله الي كان عليها وطلع.
الي ف بال سيف الحين انه لطيفه تعلب ع الكل ف نفس الوقت وانه انغش فيها وتذكر اليوم الي كانت لطيفه واقفه ويا ناصر عند الباب وكان واضح انه ناصر متضايق من شي وتذكر بعد اليوم الي كانوا فيه ف بيت يدتهم الصبح وياهم ناصر( حيوانه كانت تواعدنا مع بعض ومن غير منصور بعد، انا كيف حبيت وحده وصخه مثلها)
بعد ماراحوا الكل لطيفه اتصلت له لانها استغربت كيف طلع فجأه وبدون ما يقولها شي، اتصلت مره مرتين ثلاث حتى ف الانستا ما يرد وعقب محاولات رد لطوف : سيفوه فيك شي؟ سيف وبنبره جديه : لا شو تبين لطوف : خوفتني عليك قلت شي استوى سيف : مافيني شي لطوف وهي مستغربه : اذا حد وياك برمسك عقب! سيف : لا ترمسيني ابد ولا ابا اشوفج لطوف مصدومه : شو مستوي؟ سيف : اسألي عمرج شو مسويه لطوف بعدها مب فاهمه : شو سويت انا؟ سيف : لا تسوين فيها المسكينه الحين ترى عرف كل شي لطوف : شو الي تعرفه انزين قولي؟ سيف : الي بينج انتي وناصر يا حيوانه كيف ترمسينا ف نفس الوقت وتواعدينا مع بعض شو من طينه انتي؟ لطوف وهي خانقتها العبره : والله انك مب فاهم شي خلني افهمك سيف : شو تفهميني انا شفته يرمسج واتس لطوف : انته ما شفت شي لو شفت كنت بتفهم سيف : مابا افهم شي شفت الي لازم اشوفه يالله برايج وبند الفون ف ويها وخلها ها تصيح ع رخام غرفتها البارد طول الليل لين تعبت ونامت ع الارض
