صدفة مستشفى توام

8

نشت لطيفه عند الصلاة ونصدمة انه سيف بعده ع الخط

لطوف : سيفوه
...
لطوف : سيفوه ايييه
سيف : بلاج شو ايه
لطوف : يالله نش صلاه
سيف : بس خمس دقايق
لطوف : ولا دقيقه يالله
سيف : شو فيج مطوع الحاره
لطوف : نش اقولك
سيف : خلاص خلاص لا تحنين نشيت بصلي وبرد اكلمج
لطوف : لا لا بسير بيت يدوه
سيف : لا والله انتي كيف تطلعين جيه الفير بروحج
لطوف : هذوا بيت يدوه بينا وبينها باب
سيف : خلاص نتلاقى هناك
لطوف : اك باي
صلة لطيفه وسبحت ع السريع ولبست لها كندوره وشيله بيضاء (كل كناديرها وشيلها لونها ابيض) وتدخنت وتعطرت نفس كل مره وطلعت بس وهي قاعده تمشي تذكرة شي وردت
لطوف : نوني
نوني (الخادمه) : نعم لطيفا يريد شي
لطوف : هيه اذا حد سأل عني انا ف بيت ماما عوشه
نوني : ان شاء الله
كملة لطيفه طريقها وهي حاطه سماعاتها وتسمع غنيه اول مادخلت سمعت صوته يسولف ويضحك ويا يتدها
لطوف : صبحكم الله بالخير
ردوا مع بعض : صباح النور
لطوف وهي تبوس راس يدتها : افا يالغاليه اشوفهم اليوم ماخذين مكاني ويضحكونج
اليده : عاد سبقج سيف اليوم
لطوف : ماعليه بس اليوم. . شحالك سيف
سيف : بخير الحمدالله شحالج
لطوف : نحمدالله. . ها امايه تريقتوا ولا بعده انا ميته يوع
اليده : لا ادري انج بتين اترياج . . وانته سيف متريق ولا بتتريق ويانا؟
سيف : لا اميه انا ما احب اتريق عليكم بالعافيه
لطوف : اونه كيف عايش انته اصلا احلا شي الريوق
(سيف انصدم من اسلوبها قدام اليده بس عيبه)
اليده : مب ع كيفه بيتريق ويانا اليوم
سيف : بس عشانج بتريق اليوم
(امممم عشان منوه😏)
نشوا كلهم يتريقون مع بعض سيف كان عايبنه الوضع انه لطيفه ماخذه راحتها وحركاتها عفويه بس العفويه الحلوه الي ع دلع ع برستيج كانت جدا ع طبيعتها ما تتصنع شي وهذا الي مخلي سيف ينعجب فيها اكثر واكثر من خلصوا طلع سيف عشان دوامه الساعه ثمان دوبه يلحق
وهو في الطريق وصله رابط غنيه (ماجد المهندس - محلا اللقى)
شغلها وهو مستانس اول مره صباحه يكون حلو جيه
طرش لها : فديت اللقى وفديت الصباح وفديت الشوفه اذا كل يوم صباحي بيكون جيه بنش من الفير
طرشت له فيس يضحك

انشغل سيف ف الدوام ولطيفه بروتينها الممل لين خلص سيف دوامه الساعه ثمان فليل واول ما طلع كلمها
سيف : عادي اتصل
لطوف : هيه
سيف : الو
لطوف : هلا
سيف : مرحبا مليون توه راح التعب كله
لطوف : شو هالدوام الي 12 ساعه
سيف : اداوم يومين شفت صباحي وعقب ثلاث ايام اجازه وعقب يومين شفت ليلي
لطوف : انزين 12 ساعه وايد
سيف : شو نسوي هالدوام
لطوف : بس بعد دلع شو ثلاث ايام اجازه انا عقب اسبوع بنكرف ف الجامعه ف هالحر كل يوم وانته نايم
سيف وهو يضحك : ليش الحسد
لطيفه عيبتها الضحكه اول مره يضحك جيه ف حبت تكمل : مب حسد هذا دلع
ضحك اكثر وستانسة لطيفه
سيف : انزين اقولج توني داخل الحاره انتي وين ابا اشوفج ما شبعت اليوم
لطوف : الحين بروح اتعشاء عند يدوه تعال
سيف : خلاص بسبح وبيكم
لطوف : لا تتأخر ولا ما بنخلي لك عشاء
سيف : يالله كيف بطينيه كل همج بطنج
ضحكة لطيفه من الخاطر ع اسلوبه
سيف : يالله شي ف خاطرج وصلت البيت
لطوف : سلامتك باي

نشت لطيفه بدلت ملابسها بشي افخم وتدخنت وتعطرت وحطت بلشر وقلوس وطلعت ما تحب تحط ميكب وايد تحس انها احلا جيه

دخلت بيت يدتها وكان الكل موجود مثل العاديه بيت يدتها فليل مايفضى عيالها وحريمهم واحفادها كلم يكونون موجودين سلمت ع الكل وعقب سارت صوب بنات عمومتها وقعدت تسولف وياهم، الكل كان موجود ف نفس الصاله بس البنات بروحهم والشباب بروحهم والكبار بروحهم كانت اجواء عائليه صدق. دخل سيف والكل كان مستغرب لانه سيف ما يحضر هالتجمعات اليوميه الا ف الويكند وبعد قليل
بدة صوات الكل تتعالا : اوه سيفوه من وين طالعه الشمس... غريبه سيف ياينا... مرحبا مليون اسفرت ونورت.. شي بيستوي اليوم.
انحرج سيف بس سلم ع الكل وقعد عند الشباب
سالم : ها بوهناد غريبه ياينا هنيه ف العاده ماتي غير الميلس اخر الليل تقول حرامي
سيف : ياريال ملينا وقلنا نغير الروتين شوي بعدين تعود تعود خلاص كل يوم بيك
سالم : زين تسوي
الكل يسولف ويضحك مع بعض وثنينه كانوا شابكين ع جو بعض بس محد لاحظ هالشي

خلص اليوم ورد كل وحد بيته الا الشباب يروحون الميلس يكملون السهره. لطيفه قالت لسيف يسهر وياهم لانها من الصبح وياه وهي ما بتتأخر اصلا بتنام مانمت عدل اليوم الي قبله

طبعا ثنينتهم مستانسين ع التجربه الي عاشوها اليوم كانت تجربه يديده ومغامره حلوه لهم. سيف ماكان يحب يدخل علاقات ع مواقع التواصل الاجتماعي كان يبا يعيش تجربه صدقيه بمعنى الكلمه (شكله كان حاس🫢). ولطيفه شخصيتها قويه بس الكل يقول عنها بطرانه وشايفه نفسها وثقيله بزياده لانها ما كانت تعطي ويه ولا ترد ع حد بذات ف الانستا لانها تشوف انهم كلهم جذابين، ولطيفه كانت دائما تسمع الناس تقول عنها حلوه واجمل بنات العايله والها حظور وايد قوي وتجذب الانتباه مما خلاها صدق تتكبر ولا حد يقدر ايب راسها ( مايب راسها غير هالسيف😉)

اتمنى يكون عيبكم البارت لاني جدا هالبارت كتبته مرتين ووايد انقهرت لاني عقب ما كتبته اول مره استوى شي وايد بايخ وضاع كل شي