صدفة مستشفى توام

27

تدرون مرة فتره وعرسوا سيف ولطيفه بس الحب الي بينهم ما دام، او خلونا نقول صح بعدهم يحبون بعض بس ما يقدرون يتفاهمون ع اتفه الاشياء ويختلقون المشاكل بينهم من لا شي

سيف وهو يصارخ : ألف مره قلت لج هالحيوانات الي عندج ف الدوام ما تتكلمين وياهم ولا اقعدي ف البيت
لطوف : افهم انه هذا شغل الي بيني وبينهم شغل
سيف : خلاص ماله داعي الشغل اقعدي ف البيت
لطوف : متى نرتاح من شكوكك
سيف : والله يا لطيفه ان ما قدمتي استقالتج يا تشوفين شي ما يرضيج
لطوف : ما بقدم استقاله عشان غيرتك الزايده
طلع سيف وسكر الباب وراه بقوه وراحت لطيفه لغرفتها بتنفجر من كثر ماهي معصبه

بعد ساعه هدت هي شوي وهو خذ له لفه ورجع بعد ما حس انه يقدر يتفاهم وياها
دخل لقاها قاعده ع الشبريه تشتغل ع لابها
سيف : ممكن نتفاهم
لطوف : تعال اقعد
سيف : شغل ما اباج تشتغلين عند شباب اذا ع الفلوس انا بعطيج
لطوف : مب سالفة فلوس بس سيف غيرتك بدة تقتلني كأنك مب واثق فيني
سيف : واثق فيج بس انا ماباج تتمين طول اليوم قدام هالوث
لطوف : خلاص بنقل مكان كله بنات
سيف : ما عندي مشكله اتفقنا بس اذا ما حصلتي بتقدمين استقاله
لطوف : شو فيك انته ع الاستقاله
سيف : انا قلت لج
لطوف : لا ما تفقنا اذا لقيت شغل بنقل واذا مالقيت خلاص بتم ف دوامي
سيف : اختاري يا انا يا دوامج
انصدمت لطيفه من كلامه وايد : سيف لهادرجه تشوف نفسك رخيص ف عيني عشان تقارن بينك وبين الدوام
سيف : انا قلت لج
لطوف : من صدقك سيف؟
سيف : اتمصخر وياج انا!
لطوف : الحين بقدم استقاله بس تعرف شي؟
سيف : شو!
لطوف : حتى انته ما اباك اذا تشوف نفسك رخيص لهالدرجه
راحت طلعت شنطتها وقعدة تلم اغراضها
سيف : شو معنى هالحركه البايخه ترى ما بتسيرين مكان
لطوف : مب ع كيفك
سيف : مدامني ريلج ع كيفي
لطوف : مب انته خيرتني بينك وبين الدوام! وانا ما باك ولا اباه طابت نفسي
سيف : عن لستهبال لطوف لا تستوين ياهل
لطوف : انا الحين ياهل؟ انا؟ ترا غيرتك تقتلني تلوع بجبدي ماقدر اتحمل اكثر
سيف وهو ياخذ الملابس الي ف ايدها ويصارخ : ترا يا حيوانه لو ما احبج ما بغار لو ما احبج ما بسوي هذا كله بس انتي حيوانه ما تفهمين
لطوف وهي تصارخ اكثر : الي يحب يوثق صح يغار بس مب شراتك مرض انته ما توثق فيني حتى
سيف قعد ع الكرسي وخلاها تلم اغراضها بدون ما يسوي شي وقبل لا تطلع
سيف : سيري اسبوع وعقب بيي اشلج ونتفاهم
طلعت لطوف بدون ما تقول له ولا كلمه راحت بيت ابوها وكأنها بس رايحه جيه بدون سبب والي يسألها عنه قالت لهم عند ربعه

ف اليوم الثاني راحت الدوام وقدمة ع نقل
المدير : ممكن اعرف اسباب النقل
لطوف : مب مرتاحه ف دوامي هنيه
المدير : بنقلج بس بيكون ف دبي والنقل بيتأخر شوي يباله اسبوعين  
لطوف يا ف بالها انه سيف الحين يداوم اصلا ف دبي : بفكر وبقولك
المدير : خذي راحتج
لطوف : شكرا استاذ