صدفة مستشفى توام

17

لطيفه واهلها وصلوا بيت يدتهم وبدوا يسلمون ع الاهل والكل مرتبش بذات انه خالاتها وعيالهن كلهم بعد ياين وكل واحد ينزل اغراضه من طرف
اليده عفراء : بنات انتن خلكن ف بيت فالح لا تنزلن اغراضكن
فالح (خال لطوف) : هيه صح خلكم هناك احسن عشان تاخذن راحتكن والشباب بيروحون بيت محمد
مهره (بنت خالها فالح) تعالن عيل بنروح بيتنا اول بتحطن اغراضكن وعقب بنرد

مهره : بنت خالهم فالح عمره 21 فرق بينها وبين لطوف شهرين
سلامه : اخت مهره عمرها 15
روضه : بنت خالتهن عمرها 20 
عليا : بنت خالتهن الثانيه عمرها 23
نوره : بنت خالهم محمد عمرها 20

راحن البنات كلهن بيت خالهم فالح وكان المكان مقلوب فوق تحت شنطه داخله وشنط مفروره  اغراض طايحه هنيه وكيسة عبايا هناك قعدا البنات لين الساعه عشر عدلن كل شي
نوره : ايييه مابا اروح بيتنا عقب ابا انام عندكم
مهره : يالله عاد حسستيني بيتكم اخر الدنيا هذوا ف نفس الحوش بعدين ما بتروحين الشباب هناك
لطوف : اشتقت لكن يالخايسات من زمان عنكن
روضه : خيييبه تقريبا من قبل كورونا ما بتنا مع بعض جيه
مهره : هي والله صح الحمدالله يوم يتوا اليوم
ميره وهي داخله من برا : بناات سرعه بقول لكن شي
لطوف : اختي واعرفها يايبه علوم
تقربن البنات وقعدا مع بعض
روضه : رمسي
ميروه : تخيلن شو شفت برا
مهره : شو خلصي
ميروه : علايه بنت خالوه
مهره : هذي طلعت العن عن اختها ما ترمس مره وحده
لطوف تضرب ميره : قهرتيني شو فيها
ميروه : تخيلن كانت تكلم فون اونه ترمس بنت بس صوت سماعتها كان عالي وسمعت صوت ولد
لطوف : جذابه!
مهره وهي تضحك : حليلكن انتن ما تدرن بالموضوع؟
نوره : لا تراهن ما كانن هنيه
روضه : اوووه اما انه استوت حفله اخر مره يوم كنتوا محد
ميروه ولطوف يطالعن بعض : نحنا دوم يفوتنا الاشياء الحلوه
لطوف : انزين شو استوى رمسن
مهره : تذكرن اخر مره كنا متلايمين فيها وانتوا كنتوا طالعين البر
ميروه : هييه؟
مهره : قبل ما يروحون بيتهم بيوم كنا كلنا قاعدين ف بيت يدوه
وعقب في حد اتصل لها وهي بالغلط حطت سبيكر
نوره : وهي قالت اونه حد مخلط
روضه : هيه حد مغلط بيقول هلا حبيبي
البنات ماتن ضحك ع تقليد روضه
ميروه : انزين وعقب
مهره : ماشي قالت حد مغلط
نوره : لاااا المشكله نحنا عدالها نشوف الرقم مسجل قلب
لطوف : خيييبه مقواها
روضه : تخيلي فليل شو قالت؟
ميروه : شو
مهره : اونه انتوا يهال مابا اقعد وياكم وعقب طلعت برا تسولف ويا خروفها
لطوف وهي تضحك : ع اساس هي الكبيره تراها اكبر عنا بس بسنه
نوره : ما تشوفينها اليوم ما قعدت عندنا ولا قالت شي
روضه : شكلها خالوه يايبتنها غصب
لطوف : ما توقعتها صراحتا
مهره : شو رايكن نطلع نقعد برا نخرب عليها الجو
كلهن ضحكن ع نذالتها وطلعن مع بعض بيقعدون ف الحوش والجو كان حلو مب حر ولا برد

روضه : اييه الشباب اليوم وين ما شفت حد منهم
مهره : كلهم معزومين اليوم عند ربعهم بيردون فليل متأخر وبيسيرون بيت عمي محمد بيتمون هناك
لطوف : تعرفون من زمان ما شفتهم احس لو اشوفهم الحين ما بتذكرهم عدل
ميروه : حتى انا
روضه : اكييد ما تن الا ف المناسبات ساعه وتروحن
لطوف : ياخي كل ما تتلايمون تكون عندنا مخططات
مهروه : الله والمخططات
نوره : ميروه وينها هذي نحنا طالعين نخرب عليها
ميروه : تصدقين مادري كانت قاعده عند الدري قبل ما ادخل عليكن
روضه : بتلقينها خاشه بكان تكلم حبيب القلب
لطوف : بس لا حد يسمع
قعدن البنات يسولف ويضحكن مع بعض وكل وحده تقول شو استوى وياها ف هالكم شهر لين وصلت الساعه وحده