صدفة مستشفى توام

5

السلام عليكم
احداث اليوم شوي معقده بس بحاول ابسطها لكم واتمنى تعيبكم وتستمتعون ف القراءه💖

عقب يومين من اخر شي استوى
لطوف : الو
ابو لطيفه : هلا لطيفه شحالج
لطوف : بخير ابويه شحالك
ابو لطيفه : الحمدالله اقولج انتي وين؟
لطوف : ف البيت ليش؟
ابو لطيفه : اباج ف الميلس تعالي
لطوف : انشاءالله
نزلت لطيفه الميلس والف فكره وفكره ف راسها، دقت الباب
ابو لطيفه : تعالي بابا محد
دخلت سلمت ع ابوها وقعدت تترياه يتكلم
ابو لطيفه يضحك : بلاج تتنافضين
لطوف : مادري غريبه تزقرني جيه الميلس
ابو لطيفه : هو في موضوع بغيتج فيه
لطوف : زين!
ابو لطيفه : سمعي عيال عمومتج عرفوا عن موضوع الخطبه وياني منصور قبل شوي (منصور يكون اخو ناصر التوأم الي ف خاطره لطيفه). . يقول هو اولا من الغريب وانج ف خاطره من زمان بس يترياج تتخرجين عشان يخطبج؛ وتبين الصدق انا بعد اشوف انه ولد عمج اولا وريال ونعم فيه وعنده منصب وخير ومدامج ف خاطره ليش لااء
لطوف : كيف ناصر ولا منصور (لطيفه مب مستوعبه تخلص من واحد يطلع لها توأمه)
ابو لطيفه : منصور
لطوف : بس بابا. .
ابو لطيفه : قبل لا تقولين الي عندج انا ما عندي مشكله ف اختيارج تبين ولد عمج ولا ذياب اهم شي انتي شو تبين
لطوف : ابويه فديتك انا قلت لمايه مب موافقه ع ذياب بس قالت لي فكري ومنصور وايد كبير
ابو لطيفه : صح كلام امج فكري خذي وقتج ما بضغط عليج

لطيفه تحس عمرها مب فاهمه شي تحس انها ف حلم واحد يحبها ويباها والي يخطبها اخوه وهي تبا واحد ويخطبها ولد خاله وربيعه الروح بالروح

اتصلت بشويخ وقالت لها اتيها البيت
اول ما وصلت شيخه يتها الغرفه جان تنش لطيفه وتحضنها وهي تصيح
شويخ : ايه بلاج شو مستوي
لطوف : تخيلي شويخ ولد عمي اليوم يقول لابويه انا اولا من الغريب
شويخ : واخيرا تكلم مابغى
لطوف : لا مب سيف
شويخ : ناصر؟
لطوف : لااء
شويخ : ارمسي لا صفعج
لطوف : اخوه منصور
شويخ : جذابه من وين طلع هذا
لطوف : مادري بس بابا قالي ع كيفج اختاري الي تبينه
شويخ : وسيف مارد كلمج
لطوف : سيف من اخر مره قالي الله يوفقج وياه ماكلمني
شويخ : يعني هذا منصور طلع احسن عنه. . ويت تعالي ناصر ما كلمج ولا قالج شي
لطوف : ناصر يدري انه لو خطبني ما بوافق عشان جيه ماقال شي بس مادري شو ردت فعله عقب الي سواه اخوه
شويخ : حرام وايد كاسر خاطري هالناصر
لطوف : وانا شو يخصني
نخلي البنات يسولفون سوالف البنات ما تخلص🌚

تبون تعرفون شو ردت فعل ناصر عقب الي سواه اخوه؟
طبعا شباب العايله كلهم يرمسون ف الميلس بيت يتدهم الي يلعب سوني والي يلعب ورقه والي يسولف.
جان يقولهم منصور..
منصور : شباب بقولكم شي
سيف قاعد عداله : الله يستر رمس الي ما يرمس اكيد في شي كايد
منصور : مادري اليوم سويت شي مادري هو صح ولا غلط
علي (ولد عمهم بعد) : ارمس ارمس
منصور : اليوم سرت بيت عمي عبدالله (ابو لطيفه)
سيف مستغرب شو السالفه : انزين!
منصور وهو يطالع سيف :كلنا ندري انه ولد خالك خطب لطيفه وصراحتا من زمان هي ف خاطريه وقلت لعمي
سيف ما عطا اي ردت فعل بس ناصر الي كان يلعب سوني وكان مركز ف كلام اخوه من اول ماقال اسمها حس الدنيا ظلمة ف عينه تصنم مكانه ما سمع باقي الكلام. . انتبه عليه سالم (اخو سيف) الي كان يلعب وياه
سالم : ناصر ايه ناصر ارمسك انا
بس مافيه اي ردت فعل
سالم : منصور تعال شوف اخوك هذا شو ياه
منصور : نصور شو فيك
بس بعد ناصر مسكر عينه ويضغط بكل قوه ع جهاز السوني عشان يمسك اعصابه
نش منصور وسار صوبه : نصور شو فيك شو تحس
ناصر يوخر ايد اخوه وينش : قوم عني لا اهفك احس راسي بيتفجر
منصور : توه ما فيك شي تعال
ناصر طلع ولا سوا سالفه ركب السياره وف صدره ضيقه يدري انه لطيفه مستحيل توافق ع منصور بس بعد متضايق انه اخو الي تشارك وياه كل شي من يوم كان صغير شاركه ف حب البنت الي ف خاطره. . كان متأكد من رفضها بس بعد ف نفس الوقت يتخيلها لو وافقة وخذت اخوه و عاشة ف بيته وعيالها يشلون اسم اخوه مب اسمه.

وفي الطرف الثاني سيف الي كان واضح عليه الا مباله كان من داخل يفور لانه منصور سوا شي هو ماقدر يسويه تضايق ووايد بعد بس كان يلوم نفسه اكثر وانه هو الي ضيعها من ايده.