لطيفه قبل ما تنام دخلت الانستا وشافت استوريات سيف وشافته حاط كلام حب وغراميات ووايد ضايقها الشي حتى نامت وهي تصيح بهدوء. الصبح نشت قبلهن كلهن وتسبحت وقررت تكشخ اليوم ماتبا تبين لحد انها متضايقه وتبا تنسي عمرها بعد.
سوت ميكب نهاري حلو يناسب ملامحها ويبرزها اكثر خلت شعرها مفتوح بس خذت خصل من الاطراف وربطتهم لبست كندوره ومشيله بيضاء مثل كل مره تعطرت بعطرها وتدخنت بعود وطلعت سايره فلة اليده وهي ف طريقها لقتها يايه عشان توعي البنات
لطوف : السلام عليج يدوه
اليده : يا مرحبا شو هالزين
لطوف : فديتج يدوه وين سايره؟
اليده : سايره اوعي هالهرمات الي حتى الحين راقدات يحيج يوم مب شراتهن
لطوف : راقدات الا عند الصلاه برايهن
اليده : محد ضربهن ع ايدهن قالهن لا ينامن
لطوف : زين انا بسير داخل
اليده : برايج ابويه سيري خالاتج هناك
دخلت لطيفه وسلمت ع خالاتها وقعدت تسولف وياهن لين ما كتملوا كلهم وينها البنات
مهره : انتي متى نشيتي جيه كاشخه
لطوف : من الصبح ورحت غرفة ميود اتمكيج هناك عشان ما ازعجكن
مهره : خييبه انشاءالله ما قلبتي المكان؟
لطوف : لا ياهل جدامج انا
مهره : ميود ما يحب حد يدخل غرفته
لطوف : ليش يعني
مهره : ما يخلينا انا وسلامه ندخل اذا دخلنا ولقى شعره وحده يهزبنا ويسوي حفله
لطوف : لا شعري ما يطيح بس خليت اغراضي هناك قلت عقب بشلها يوم بتنشن
مهره : ادعي انه ما يدخل الغرفه ونحنا هنيه
شوي ودخلوا الشباب بس مايد ماكان موجود عندهم
لطوف : سعود ميود وين؟
سعيد : مادري امكن راح البيت
لطوف وهي تطالع مهره : انشاءالله ما يقول شي
قعدت لطيفه تتريا مايد وهي خايفه من ردت فعله لانه مهره خوفتها
يوم دخل مايد كان جدا عادي ولا في شي سلم ع الكل وقعد
لطيفه تطالعه تترياه يقول شي
ونتبه عليها
مايد : شو فيج تطالعيني
لطوف : مب معصب
مايد : لا ليش؟
لطوف : سوري ما كنت ادري انك ما تحب حد يدخل غرفتك وكانن البنات نايمات عشان جيه
مايد : اهاا يعني انتي الي حاطه اغراضي عندي
لطوف وهي متفشله : هي
مايد : زين عادي بس اهم شي ما تعقين شعرج ولا تخيسين المكان
لطوف : شكرا
مهره : ميود يالخايس انا وسلامه تعصب علينا وتهزبنا شهر جدام وهي عادي
مايد : كيفي
سعيد : والله حتى انا مستغرب
روضه من بعيد : انتوا ايه قاعدين تسولفون شو عندكم
لطوف : ماشي
عقب الغدا كانت لطيفه سايره تاخذ لها ديو من الثلاجه وكان شعرها وايد طويل وطالع من الشيله
دخل عليها مايد المطبخ
مايد : اقولج
طالعت فيه : نعم؟
مايد : لفي شعرج طالع
لطوف : ماعندي ربطه هنيه يوم بسير فلتكم بعدله
مايد : الحين سيري لا تمين جيه قدام الكل
طالعت فيه بستغراب وهو عطاها ظهره وطلع
لطوف ف خاطرها تقول : شو فيه هذا ليش جيه يرمسني منو هو اصلا عشان يقولي شو اسوي
أنت تقرأ
صدفة مستشفى توام
Romanceصدفه في المستشفى تحيي دقات قلوب من زمان موقفه. تجدد في هذيج الصدفه حب مدفون من سنين طويله.
