صدفة مستشفى توام

11

ناموا ع الخط وكل واحد ف سابع نومه حتى لطيفه الي كانت كل يوم تنش ع صوت الاذان ما سمعته اليوم.

ع الساعه سبع اندق باب لطيفه ودخلت امها

ام لطيفه : لطوف ماما فيج شي
لطوف وهي تفج السماعه من اذنها وتدخل الفون تحت الفراش بارتباك : ها ماما شو فيج
ام لطيفه : ماشي يايه اشوفج فيج شي؟ 
لطوف : لا مافيني شي كنت نايمه بس
ام لطيفه : خلاص كملي نومج
لطوف : لا خلاص بنش بسبح وبنزل

من طلعت امها قعدت تدور ع فونها تبا تشوف بعده ع الخط ولا لا بس طلع بعده حطت السماعه
لطوف بصوت خفيف يادوب ينسمع : الوه
سيف : الحين تقصرين صوتج عقب ما وعيتيني بصريخج؟
لطوف وهي تضحك ع نبرت صوته : سوري ماما دخل عليه
سيف : سمعتها
لطوف : نش يالله اليوم ما صلينا
سيف : انشاءالله مطوعنا

تسبحت لطيفه وطلعت لها كندوره يديده وشيله وتدخنت وتعطرت وحطت لها ميكب خفيف خلها احلا بزياده وخذت لها فلات هرمز وطلعت

امها وخوانها كانوا ف الصاله
لطوف : صباح الخيرات
ام لطيفه : صباح النور تعالي قعدي تريقي ويا خوانج
حمد : لطوف تعالي قعدي ويايه براويج شو شتريت ف الربلوكس (حمد يكون اخوها الصغير عمره 6 سنوات)
لطوف بصوت خفيف بدون ما يسمع حمد : ع اساس انا اعرف الربلوكس
محمد : لطوف ترى ما يعرف بس يقلدني كل شي اسويه يسوي شراته (اخوها عمره 10 سنوات)
لطوف : انزين عادي اذا تعلم منك
حمد : هذا جذاب
لطوف : بس خلاص كل واحد يقعد ساكت
وطبعا ما سولها سالفه وقعدوا يتضاربون
لطوف : انا ماعرف ميروه كيف تقعد وياكم
شوي ووصلها اشعار
سيف : وينج اترياج
لطوف : شو السالفه
سيف : لاوالله لطوف انا اترياج ف بيت اميه عوشه وانتي تقولين شو السالفه
لطوف : ويت بيك اتريق🤣
سيف : عافيه بس لا تتأخرين اشتقت لج
طرشت له : ❤️
كملت ريوقها ومن خلصت لفت ع خوانها
لطوف : بتسيرون ويايه ولا بتتريون اميه
حمد : انا بسير وياج
محمد : لا انا بقعد
ام لطيفه : خلوا التلفونات ع الطاوله وروحوا يالله
محمد : اميه مابا اسير الحين ملل هناك كلهم كبار
لطوف : احسن عشان تقعد عند الريال تتعلم منهم شوي
محمد : انتي جب
لطوف وهي طالعه : قليل ادب انته ما تتغير

لطوف وايد تنرفزها تصرفات خوانها وطولت لسانهم عشان جيه ما تقعد وياهم ولا تشوفهم الا قليل ودائما تقول لامها تبند اليوتيوب عنهم لانه هو الي معلمنهم طولت السان بس ماشي تغير يتبند فتره ويرد

دخلت بيت يدتها وهي متنرفزه لانه من اول ما طلعوا من البيت محمد ما سكت وتم يقل ادبه اكثر

لطوف وهي ملامها جديه : السلام عليكم
تقربت من يدتها وسلمت عليها وقعدت ماسكه فونها تحاول تهدا حتى ما رفعت عينها ف سيف
طرشلها سيف : شو فيج معصبه
لطوف رفعت عينها وطالعته وعقب كتبة : اسكت عني الحين
سيف : اوف ليش عاد
ردت عطته نظره
سيف : كل هالجمال ومعصبين مايصير
لطوف فيها شعور لمعصب ومايبا يضحك
اليده : لطيفه ابويه شو فيج اليوم لا يكون بعد شي يعورج
لطوف : لا امايه فديتج مافيني شي
حمد : اميه عوشه تضاربت ويا محمد
لطوف ما تحب تتكلم عن مشاكلها قدام حد ولا تحب تقول شو الي ضايقها
اليده : لطيفه انتي الكبيره بدال ما تدافعين عنهم تتضاربين وياهم
لطوف كانت وايد متضايقه وكلام يدتها بعد زادها اكثر ونظرات سيف تحس خلاص اذا تكلمة بتقلب الدنيا ومستحيل تسكت
محمد : اميه عوشه هي كله تدخل فينا وتخلي اميه تشلت تلفوناتنا
سيف : محمد عيب اختك اكبر عنك
قامت لطيفه ماحبت تقعد اكثر وراحت عند الباب الي يودي ورا البيت وعدت تصيح بدون صوت
بس بعدها كانت تسمع اصواتهم وهم يتناقشون
دقايق ووقف وراها سيف
سيف : لا لطوف لا خربتي الميكب كان وايد حلو
تمت تمسح دموعها الي ع ويها وهي عاطيتنه ظهرها : كيف شفت انه اخترب ؟
سيف : احساسي قالي انج خربتيه والكحال اكيد واصل ليت دبي الحين
تغطي ويها وهي بعدها عاطيتنه ظهرها توها تستوعب انه صح : سيفوه يالخسف روح داخل
سيف وهو ميت ضحك : منو فينا الخسف الحين انا والا انتي
لطوف : جب
سيف : تبيني ادخل؟
لطوف : هيه
سيف : بشرط ولا بجابلج وبشوف ويهج الخسف
لطوف : خلص بسرعه
سيف : دخلي الحمام الحين وغسلي ويهج وتعالي الصاله ولا كأنه شي استوى
لطوف : زين روح الحين
راح عنها سيف وراحت هي الحمام تغسل ويها بس طرا ع بالها شي وطلعت من الباب الي ورا بدون محد يشوفها وراحت البيت، دخلت غرفتها طلعت الميكب كله ع الطاوله وبدت تتمكيج من الخاطر وركبت رموش ولبست عدسات رصاصيه وروج احمر الدرجه الي تجنن ع بياضها، وزادت عطر براري من هند العود ووقفت قدام المنظره تطالع شكلها وهي مستانسه. شافت فونها انه كل اشعارات من سيف ما نتبهت عليها وكم اتصال
دخلت الجات وشافت
سيف : وين سرتي انا قلت لج اتين الصاله مب تختفين
وكان بعد مطرش وايد اشياء غير بس سوت سكب عليها وردت : سوري فوني كان ميوت الحين بيي رحت بيتنا
مارد عليها سيف.
دخلت بيت يدتها الي كان وايد زحمه اليوم لانه يوم اليمعه والعايله كلها تكون موجوده دخلت بثقه وبتسامه حلوه خلتهم كلهم يشوفونها
عمها مبارك (ابو ناصر ومنصور) : مرحبا مليون الله الله شو هالزين كله
سارت لطيفه تسلم ع الموجودين وعقب قعدت سيده مجابله سيف الي كان معصب ورضى يوم شاف شكلها
طرشت له : رحت اتمكيج بس عشان عرب ما يقولون خسفه
سيف : احلا خسفه
لطوف : زين لا يطلعن عيونك بس🤣
سيف : فداج عيوني
سيف كان وايد منبهر اول مره يشوفها جيه فول ميكب ووايد مستانس لانه كل مره يشوفها تكون احلا من المره الي قبل

عقب الغدا كانت لطيفه طالبه سويتات وطالعه تستلم الطلبيه
وهي داخله ع الباب تلاقت ويا ناصر ووقف يطالعها
لطوف : شو فيك ناصر
ناصر : اشتقت لويهج
لطوف : عن لستهبال قوم خلني ادخل
ناصر كان واضح ع ويهه كيف متضايق بس بعد ما قام تم مجابلنا
لطوف : ناصر قوم حر ابا ادخل
طلع وخلاها تدخل
لطيفه ما سوت سالفه لحركة ناصر لانها متعوده ع اسلوبه وكيف انه من كل شي يتضايق، قعدت عند البنات تسولف وتضحك لين ما خلصت القعده وكل واحد راح بيته بس البنات راحوا بيت عمهم عبدالله (ابو لطيفه) طالبين الصالون ايهم يتعدلن قبل ما تبدا الجامعه هالاسبوع.

لطيفه ماشاءالله ظفورها وايد حلوه وطويله كانت كل مره تسوي اظافرها العاملات يقولن لها كأنه اكستنشن

ودوم : عنود شلي المارون دسيه عن لطوف
عنود وهي تضحك : وين بتسوي سالفه
لطوف : تراني اسمعكن
اليازيه : ياخي لطوف انتي ما تملين دوم حاطه نفس اللون
لطوف : لا مب دوم
ميره : هيه صح مب دوم بس تمسحه اسبوع تحط لون غير وعقب ترده
البنات كلهم تموا يضحكن عليها ويستهبلن

صورة لطوف بكس الالوان وطرشته لسيف : اختار لي لون
سيف : اي شي بتطينه حلو
صورة له المارون : حتى هذا؟
سيف : هيه حلوعليج دوم تحطينه
لطوف : خلاص ما بحطه🙂
سيف : كيفج انا ماعرف
اختارة لون غير لانه حتى سيف قال لها دوم تحطينه

دانه : شفتوا الي انا شفته!
البنات : شو
دانه : لطوف صورة البكس لحد وهو الي اختار لها
لطوف : وليش هو مب هي
عنود : اوهو ما عندج سالفه انا قلت الحين عندها موضوع
ودوم : كلنا ندري انها طرشت لشويخ الا دانوه راقده
لطوف توها تستوعب انها من كم يوم ساحبه ع شويخ وقررت ترمسها فليل من يروحن البنات

عند الشباب كانوا كلهم موجودين ف الديوانيه ويا ربعهم بس ناصر الي كان مختفي ولا حد يدري وين سار الي يعرفونه كان متضايق وطلع

ناصر راح دبي كان وايد متضايق لانه شاف نظرات لطيفه لسيف وعرف انه هذا الي كلمته عنه قبل سنه

(نرد لمحادثه قديمه كانت بين ناصر ولطيفه
ناصر : عطيني سبب واحد بس لرفضج؟
لطوف : نصور افهم ماقدر ارمسك
ناصر : لا ترمسيني انا اباج
لطوف : بقولك شي
ناصر : اسمعج
لطوف : انا احب حد
ناصر : لطوف ترمسينه؟
لطوف : لااء
ناصر : كان بينكم شي؟
لطوف : لا اصلا لو ارمسه او كان بينا شي ما شفتني الحين ارمسك
ناصر : شو يعني
لطوف : مستحيل ارمسك لو كان بيني وبينه شي
ناصر : هو يدري!
لطوف : مايدري
ناصر : انا بعضوج تعرفين بغلاتج عندي
لطوف : ناصر انساني وعيش حياتك الدنيا ما وقفت عليه 
ناصر : قولي هالكلام لعمرج مب اليه لو الدنيا ما توقف ع حد ما كنتي تحبينه وترفضيني وهو اصلا مايدري عن هوى دارج)

نرد لناصر وحواره مع نفسه : يعني طول هالوقت الي تحبه كان سيف؟ انا يوم كنت اترياها بالساعات ف بيت اميه عوشه ما كانت اتي واذا يت تقعد ف مكان ما اشوفها فيه بس هو اتي كاشخه وتقعد قدامه بعد