صدفة مستشفى توام

6

اللهم اخرجني من حولي إلى حولك ومن عزمي الى عزمك ومن ضعفي الى قوتك ومن كسري إلى عزتك ومن ضيق الى براح ارادتك.

كانت لطيفه هذيج الليله تصلي وتدعاء وتطلب من ربها ييسر امورها، كانت شوي تصيح وشوي تستغفر وشوي تلح ف الدعاء. تدرون ف شوه كانت تفكر؟
(كان كل تفكيرها سيف) ليش جيه يسوي فينيه ليش ما كان هو الي كلم ابويه لو كنت انا الي ف خاطره صدق كان تكلم.

دقايق ووصلتها رساله كانت هي متوقعه المرسل

ناصر: لطوف ادري انج مب نايمه
لطوف : نعم ناصر؟
ناصر : ما بتوافقين صح!
لطوف : ما بوافق
ناصر : لها درجه الي تحبينه غالي

سكتت لطيفه وهي تقول في نفسها
شو يا ناصر لو تدري انه الي احبه عايش ويانه وقريب منا ولا يسوي الي انته تسويه

مر اسبوع على اخر تطورات وكان كل شي هادي

باب لطيفه يندق
لطوف : هاااه
ميره : لطوف نشي يبونج تحت
لطوف : يالله شو يبون بعد
ميره : تعالي سرعه
نشت لطيفه سبحت ولبست كندورتها وخذت لها شيله بيضاء مثل كل مره وطلعت
لطوف : ميروه يا زفته منو يباني
ابو لطيفه : انا اباج تعالي هنيه الصاله
كانت لطيفه عند الدري وتصارخ ويوم سمعت صوت ابوها يقولها تعالي تذكرة الموضوع وتمنت لو تنشق الارض وتبلعها
لطوف تدخل الصاله وكأنه حد يسحبها سلمة ع ابوها وتوقف قدامه : هلا ابويه امر بغيت شي
ابو لطيفه : هيه اقعدي اشوف
تقعد لطيفه غصب
ابو لطيفه : ها ابويه اشوفج ماخذه راحتج وناسيه الموضوع
لطوف : لا ابويه مب ناسيه الموضوع
ابو لطيفه : شو رايج
لطوف : ابويه انا مب موافقه على اي واحد فيهم مابا اعرس الحين اشوف نفسي بعدني صغيره ولا خلصت دراسه بعد
ابو لطيفه : ولد عمج بيترياج لين تخلصين ما عنده مشكله
لطوف : ابويه بعدني مطوله ولين اخلص يستوي خير فديتك خلني ع راحتيه
ابو لطيفه : الي تباه شيخة البنات بيستوي
لطوف تنش تبوس راس ابوها وهي فرحانه : فديتك ابويه الله لا يحرمنا منك
ابو لطيفه وهو يضحك : هذا كله بس لاني قلت لج الي تبينه ؟ لطوف وهي قافطه : لا فديتك
راحت غرفتها وهي تحس انها مرتاحه تحس انها شوي بتوقف من التفكير بس ما كانت تعرف شو الي يترياها ف هالايام اليايه

(وانتوا تعرفون؟)