صدفة مستشفى توام

15

مرة فتره ع علاقتهم مافي شي تغير نفس الروتين ونفس ماهم
الي فرق فيهم انهم كل يوم يحبون بعض اكثر من قبل منصور خطب اليازيه بنت عمه الي هي اخت سيف وناصر بعده ما خطب حد لانها لطيفه بعدها ف خاطره ولا يقدر ياخذ وحده ثانيه ويظلمها معه

كل شي كان حلو بين لطيفه وسيف لين اليوم

: الوه
لطوف : هلا عنود
عنود : لطوف دخيلج تعالي بيتنا
لطوف : ليش شو مستوي
عنود : ياخي بنت خالوه الغلسه عندنا مادري من وين نازله المحبه اليوم يايه صوبنا
لطوف : لا تكون هذيج الدلوعه
عنود : هو في غيرها غلس ف الدنيا
لطوف : ياخي اذا بين ودوم والبنات كلهم بيج ما احب اقعد عنها وايد
عنود : بكلم ودوم ودانه وانتي وميره تعالن
لطوف : دقايق وبنيج

راحت لطيفه تقول لميره
لطوف : ميروه نشي بنروح بيت عمي راشد
ميروه : لا بروح بيت عمي مبارك
لطوف : دانوه بتي عندنا بعد هذيج حصوه هناك
ميروه : يعععع ما اطيقها
لطوف : كلنا ما نطيقها عشان جيه ما بنخلي عنود بروحها
ميره وهي تطالع اختها : وانشاءالله بتسيرين جيه بدون ميكب وبجلابيه
لطوف وهي تضحك : اكيد بسير جيه خل تشوف لو شو ما تلبس ما تي شي عندي
ميروه : والله صح ما دري ع شو شايفه عمرها ورافعه خشمها نحنا بدون شي احلا عنها وهي فل ميكب
لطوف : يالله يالله خلصي بنروح

تلاقن البنات عند باب الحوش وهن داخلات
ودوم : يالله هذي شو يابها
لطوف : ياخي لا هي تحبنا ولا نحنا نحبها مادري ليش يايه
دانه : اييه بس الحين بندخل لا تسمعكن
ميروه : خل تسمع هذا الصدق
دخلن البنات وراحن الصاله الي فوق وسلمن ع حصه وكل وحده تقول كلام حلو من طرف وهو كله جذب

عنود : حصوه غريبه اليوم عندنا
حصه : ملانه وقلت ايي صوبكم بس اذا ما تبوني بروح
لطوف : لاوالله ما تسيرين عنود مب قصدها شي بس استغربت لانج ما تينا الا ف المناسبات
عنود : هيه صدق يعني استغربت
ودوم : والله زين سويتي ع الاقل خليتينا نقعد مع بعض نغير الروتين شوي
حصه : هالفتره مستوي كله ملل بذات اني موقفه دراسه وكله ف البيت وربايعيه انشغلن ماقدر اسير لهن
لطوف : حياج متى ما يطري ع بالج تعالي

طبعا البنات قعدن يجاملن بعض ومع الكلام حسن البنات انه حصه وراها شي مب يايه بس جيه

ع المغرب دخلوا سيف وسالم مع بعض بعد ما خلص سيف دوامه وسالم راد من عند الشباب وشافوا البنات وسلموا عليهن، لطيفه حست بنظرات حصه ع سيف وكيف تتدلع وتسوي حركات من اول ما دخلوا وكيف شقت الحلج
دخل سيف غرفته ع اساس بيتسبح وبيبدل وجيه وصله اشعار
لطوف : لا تطلع لين اقولك
سيف : ليش
لطوف : بس لا تطلع اذا تبا تطلع قولي
سيف : اك