مر هالاسبوع ع لطيفه نفس الجدول مع اهل امها سهرات لين الصبح وسوالف وضحك، كانت تبين للكل انها مستانسه وعادي الامور طيبه بس من داخلها كانت وايد متضايقه اول مره تبتعد عن سيف هالكثر. واليوم صار يوم انهم يرجعون بيتهم.
لطوف : ميروه يالله انا نزلت اغراضي خلصي اميه هداده
ميروه : وييت انزين روضوه شوفي عباتي عندج ما حصلتها
روضه : لا انا سكرت شنطتيه ماعندي شي
مهره : ميروه عباتج ف الكبت
لطوف : برايج انا بنزل مافيه ع محاضره
نزلن لطيفه وروضه مع بعض وراحن فلة اليده عشان يسلمن ع الكل هناك قبل لا يروحون
دخلن وقعدن عند عليا الي كانت من الصبح مخلصه وتبا تروح
ميثه (ام لطيفه) : لطوف سيري شوفي خوانج خليهم ايون
لطوف : انشاءالله اميه
سارت فوق تشوف حمد ومحمد
لطوف : حمود بند السوني وحطها ف شنطتها بنروح
محمد : بعده بعده شي وقت
لطوف : محمد عن الهذربه يالله قوم
حمد : متى بنروح؟
لطوف : الحين اميه قالت نزلوا
خلتهم ونزلت وكان الدري قدام طاولة الطعام وهي نازله كانت فاتحه شعرها وقاعده تلفه ومايد الي كان قاعد ياكل كان يشوفها
مايد : ايه انتي ام كشه تغطي
ردت لطوف فوق بسرعه عدلت شعرها ونزلت
لطوف : وانته ليش كله تطالع؟
مايد : انتي الي طلعتي جداميه
لطوف : عادي غمض عينك وسو انفسك ما شفت
مايد : لاوالله!
لطوف : هي والله
وقعدت عنده ع نفس الطاوله عشان تاكل
لطوف : منو مسوي فواله؟
مايد : مادري بس لذيذه ذوقي هذي
وعطاها سندويج دياي وخذتها
سعيد الي كان ياينهم عشان ياكل : لا بعد شو رايك تلقمها ؟
عمر : يا ريال خربنا الجو الرمنسي
لطوف : امحق جو رمنسي لا بعد عند منوه؟ عند هذا الي دوم يغلس عليه ويهزبني
مايد : انا اهزبج؟
روضه توها تدخل وتسمع كلامهم : هي حتى يوم كنا صغار كنت كل يوم تصيحها
خالد : مسكينه كانت دوم تكسر خاطري
سعيد يضحك : لا المشكله لطوف الي تبدا ف الضرابه وعقب تسير تصيح
لطوف : جب جب قعدوا كلوا وانتوا ساكتين
روضه : تصدقون مابا اروح كان احلا اسبوع هالاسبوع
لطوف : صح كان وايد حلو
مايد : ف اجازة الشتاء بنطلع كلنا البر
لطوف : اذا ما سافرنا
سعيد يأشر ع لطوف : وايد بطرانه هذي
ميروه وهي يايه من برا : يا حماره نحنا نترياج وانتي تطفحين
لطوف : يالله مع السلامه شباب
حمد : ايه ميروه تعالي دوج
لطوف : خلها ما تبا
ميروه : شو
عمر : خذي هذي وياج حلوه
وعطوها من سندويج الدياي وراحت
طلعن الصاله سلمن ع الموجودين وراحن
وهم ف الطريق اتصلت لعنود
لطوف : هلا وغلا
عنود : مرحبا مليون بالخايسه
لطوف : شحالج
عنود : بخير الحمدالله شحالج
لطوف : نحمدالله شو هالازعاج
عنود : والله كلنا ف بيت عمي مبارك والشباب يتياحدون ع سالفه سخيفه
لطوف : خيبه هذا مب مياحد ضرابه
عنود : صدق انتي وين؟
لطوف تجذب عليها : طالعه الكوفي وقلت اتصل اسلم عليج اشتقت لج
عنود : حياااتي متى بتون ؟
لطوف : باجر الصبح
عنود : I'll waiting
لطوف : يالله حبي برمسج عقب
عنود : باي
أنت تقرأ
صدفة مستشفى توام
Romanceصدفه في المستشفى تحيي دقات قلوب من زمان موقفه. تجدد في هذيج الصدفه حب مدفون من سنين طويله.
