نشت لطيفه لبست وراحت بيت يدتها بدون ما تكلم سيف لانها تدري عنده اجازه و كان مساهر ف خلته يرقد بس الغريب انها اول ما دخلت حوش بيت يدتها شافت سيارته دخلت البيت وشافته قاعد ويبتسم قدامها.
سيف : شو ها ويهج متنفخ من الرقاد
لطوف : العرب تقول صباح الخير
سيف : صباح النور تعالي يايب لج براتا
لطوف : الله منو قدي. . وييت يدوه وين
اليده وهي طاله من غرفتها : هنيه امايه
تروح لطيفه تسلم يدتها وعقب قعدت تاكل
لطوف : سيفوه مره ثانيه يوم بتيب براتا يب لي مخلوط امواج ماحب بطاطس عمان وايد
سيف : هذا بدال ما تقولين شكرا تتأمرين عليه، اميه شوفي بنتج ما تستحي
لطوف : امايه صدق انا اقوله شو احب انا باكل ولا هو
اليده : البنت صادقه عيل اتيب شي ع كيفك هي ما تحبه
سيف : لطوف حطي السندويجه من ايدج لا تاكلين
لطوف وهي تضحك : باكلها مب ع كيفك
سيف : بنشوف منو بيب لج مره ثانيه
اليده : انتوا توم وجيري شو فيكم اليوم
لطوف : هذا شكله مواصل امايه شوفي ويهه
سيف : بسم الله يالساحره شدراج
اليده : وليش ابويه مب نايم مب زين
سيف : اميه ماعندي دوام اليوم كنت مساهر قلت بتريق وياج وعقب بنام
اليده : وحد ينام الضحى؟
لطوف : امايه محد يروم عليه انا انام من وقت وانش من وقت
سيف وهو يبتسم بخبث : لطوف وايد مستانسه اليوم ف شوه حلمانه
لطوف وهي تضحك : ما يخصك انته
يطالعها وهو يبتسم ويحرك حواجبه
طرشت له ف الانستا : ليش مواصل
واشرت ع فونها عشان ينتبه
سيف شاف بس مارد عليها : اميه تدرين انا ليش مانمت امس
لطيفه تطالع بستغراب تباه يكمل
اليده : ليش ابويه شي يعورك
سيف : لا اميه ليته بس جيه
اليده : بسم الله عليك شو فيك
سيف : في وحده سارقه قلبيه يا اميه و شاغله باليه وعوفه فينيه ما تخلينيه اسهر ويايها
اليده : خس الله ويه العدو ع هالرمسه
لطوف ماسكه ضحكتها بس ويها كان احمر
سيف : انزين اميه شو اسوي بطرانه ما تعطيني ويه
اليده : زين تسوي فيك
سيف : اوهو لا تسمعج بتصدق وبتبطر اكثر عليه
اليده : سيف ابويه شكلك تخربط تبا تنام روح فديتك
لطوف تضحك بصوت عالي : سيفوه خلاص روح نام امايه راغتك
سيف : انتي سكتي ما بروح مكان
لطوف : تقول حق منو سكتي
سيف : لطوفوه
لطوف : بعد لطوفوه تبا تتضارب من الصبح انته
اليده : الله بصباح خير اليوم انتوا مب صاحين كل واحد يروح بيت ابوه اقعد بروحي احسن من مجابلكم
لطوف : خلاص امايه انا زعلت بروح
سيف ينش : حتى انا زعلت بروح
لطوف : خلاص انا بقعد مدامك بتروح
طالعها سيف بنظره حقد وطلع
ف الانستا
سيف : حيوانه خليتيني انش وقعتي
لطوف : احسن عشان تنام🤣
سيف : مب منج من الي مواصل عشان يتريق وياج بس ما عليه
لطوف : حيااااتي انا🥺
سيف : بنام لا تكلميني
لطوف : نوم العوافي
لطوف وايد حبت الشعور انه سيف مانام وتعنى ياب لها ريوق بس عشان يقعد وياها ويشوفها
أنت تقرأ
صدفة مستشفى توام
Romanceصدفه في المستشفى تحيي دقات قلوب من زمان موقفه. تجدد في هذيج الصدفه حب مدفون من سنين طويله.
