اليوم يوم الملجه كل شي كان تمام وكل شي كان حلو، خلوا الملجه ف بيت عبدالله ابو لطيفه عشان البنات ياخذن راحتهن وهن يتلبسن لانه لطيفه ما عندها اخوان كبار وثاني شي انه سيف بيقدر يشوف لطيفه بس منصور ما يقدر يشوف اليازيه لانه باجر العرس.
الساعه خمس العصر اندق باب الميلس وزقروا يزوي عبدالله (ابولطيفه) : اليازيه ابويه تعالي الشيخ يبا يسألج اليازيه تقربت من الباب وقال لهم انها موافقه وخذت الكتاب ووقعة عليه وعقبها صار دور لطيفه ونفس الشي تقدمت قالت لهم موافقه ووقعة ورجعة مكانها ومن عقب الكل بدا يبارك لهن وعند الشباب نفس الشي لين كل حد راح بيته وتم سيف والبنات راحن فوق عشان سيف يدخل عند لطوف دقايق ودخل سيف ولطوف كانت قاعده لابسه درس (بحط لكم صورته) وحاطه ميكب وايد ناعم بس يادوب برز ملامحها وكانت فاتحه شعرها مسويتنه الويفي الكبير بس من تحت كانت طالعه وايد كيوت وناعمه وحلوه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اول ماشافها سيف وهي وقفت سيده تخبل عليها تقرب منها وباسها ع راسها : مبروك فديتج لطوف وهي مستحيه : الله يبارك لك تقرب منها وحضنها وهي بعد حضنته كأنها كانت تتريا هالشي كأنه شي فقدته من زمان وتوه رد لها سيف وهو بعده حضننها: اخيرا صرتي حلالي لطوف : اشتقت لك وايد سيف وهو يبعدها عشان يشوف ويها : وانا اكثر والله قعدوا مع بعض مستانسين لين دخلت امها وامه ام سيف : ربي يسعدكم ويوفقكم قامت لطيفه من مكانها وسيف بعده قاعد وماسك ايدها لطوف : الله يبارك لج خالوه ام لطيفه : يالله بسكم من بعض اليوم وقف سيف : خالوه ليش ما تحبيني توني مالج يا دوبيه ام لطيفه ضحكة غصب : حشى ما اكرهك بس بعده ورانا عرس باجر سيف : ماعليه ام لطيفه : ماعليه بخليكم ع راحتكم تعالي ام سيف خليهم عن ياكلنا ولدج ام سيف : انا بروح البيت فديتج شي ف خاطرج ام لطيفه : سلامتج طلعت ام سيف رايحه بيتهم وام لطيفه رايحه فوق وخلوهم رواحهم سيف : باجر لازم اشوف كشختج لطوف : بفكر سيف : شو بفكر لطوف : يعني بفكر سيف : مب ع كيفج انزين بيج لين عندج لطوف : عشان اميه وامك يستلمنك سيف : محد له خص ف حلالي ولا انتي شرايج لطوف : ماعليه بنشوف بس حبيبي عادي اروح اتسبح وانام عشان باجر سيف : مع انه مابا اروح بس يالله حبيبي اشوفج باجر وقام بيطلع وقامت وراه لين الباب لطوف : باي فديتك سيف باس راسها : باي حياتي
