صدفة مستشفى توام

22

ليلتها صلت لطيفه واستخارة وقعدة وايد تفكر واخر شي طرا ع بالها (ليش ما اعطي الي يحبني فرصه؟ امكن يكون هو العوض عن كل الي مضى امكن يكون احسن من الي احبه مردنا بنتعود ونتناسى لين ما ننسى، صح احب سيف واموت فيه ومستحيل حد ياخذ غلاه بس خله بعيد عني مب لازم كل شي نحبه يكون قريب منا)

فتحت ساوند كلاود ودورت اغنيه كانت ف بالها
تركتني ماقلت اسف وعتذرت
الين ذبلت كل احلام العمر

كثر المطر مشتاق لك
كبر السماء مشتاق لك

قد البحر مشتاق لك
ليتك شعرت

(والله انها ذبلت كل احلام العمر يا ماجد)

تضارب شعور بمعنى الكلمه للطيفه ماتعرف شو تبا

سيف ندمان وحاس بغلطه ومستعد يسوي اي شي بس عشان ترجع له. تعرفون يوم تحسون انكم خسرتوا شي جدا غالي وصعب يتعوض ف لحظه زعل او عصبيه زايده وتستوعبون عقب الي سويتوه؟ هذا بالضبط كان شعور سيف

مر اول اسبوع ولطيفه بعدها محتاره ولا حد يدري عن الموضوع الا اليوم قالت لعنود وطبعا عنود بتقول لاخوها

الساعه 12 فليل اتصل سيف للطوف وهي ردت من الشوق
لطوف : الوه
سيف : هلا لطوف شحالك؟
لطوف : بخير الحمدالله شحالك؟
سيف : بخير دامج بخير
سكت شوي سيف مب عارف شو يقول
لطوف : شو ف خاطرك
سيف : ادري انه مالي حق اقولج لا توافقين بس متصل عشان اقولج والله يا لطيفه اني تغيرت وعرفة قدرج وغلاتج ومستعد بالي تبينه بس لا تخليني لا تتخلين عن حبنا
لطوف : سيف انا وايد تعبت والله
سيف : عسى فيني ولا فيج
لطوف : بعيد الشر
سيف : انا وايد اسف تصرفة ف لحظة غضب
لطوف : وكل مره بتكون ف لحظة غضب بتكسرني؟
سيف : غلطه ولا بتنعاد
لطوف : غلطه انا دفعت ثمنها.. تدرني؟ انا وايد خايفه سيف خايفه اخذ اي قرار وخايفه منك
سيف : مني انا؟
لطوف : قلت لي انك ما توثق فيني يعني عادي ف يوم من الايام تشك فيني ع شي انا مالي ذنب فيه
سيف : والله اني واثق فيج وادري انه لو شو ما اسوي ما بحصل حد مثلج عطينا فرصه نرد كل شي نفس قبل واحسن
لطوف : بعطيك الجواب يوم بشوفك
سيف : الحين بيج
لطوف : عن لخبال نص الليل
سيف : انا ف الدرب راد البيت تعالي نكمل كل شي من نفس المكان الي وقفنا فيه
لطوف : خله باجر ف بيت امايه
سيف : اعتبر انه طاح الحطب
لطوف وهي شاقه الحلج : مادري يالله برايك بنام
سيف : ماتبيني اتم ع الخط؟
لطوف : لا يستوي خير لين باجر بنشوف شو بيستوي
سكرت عنه ودخلت فراشها وهي مخططه انه باجر بتخوز الشوق الي بينهم ، خذت وقت لين نامت وهي مستانسه.

نشت عند الصلاه صلت ولبست شي ع السريع وطلعت رايحه بيت يدتها بس الي صدمها انه كل حد واعي ومرتبش وكأنه فيه شي
لطوف : شو فيكم؟
عنود وهي تصيح : سيف مسوي حادث
لطوف : وين شو فيه عنود رمسي
عنود : مادري ما خلونا نسير عمومتيه راحوا والشباب
لطوف : متى هذا
عنود : الساعه ثنتين بس قالوا لنا قرب الساعه اربع