آشــين الحُــب

البـارت الرابع

البـارت الرابع
" آشين الحُب "

مسحت دموعي الجانت نازلة على خدي ، باوعت للموبايل سلام غالق المكالمة من زمان ..
جريت حسرة ونزلت ..

رحت للمطبخ وطلعت مكونات الشوربة علما يجون أهلي ..  خليت الشوربة على النار وخليت الكرسي ورجعت راسلت سلام ..

' سمسمتي وينك؟ '

شفت طلع بس خط واحد يعني ماعنده نت .. عفته ورحت اراسل بـ الكروب البنات ملتمات وديسولفن ..

رجعوا اهلي وسوينا العشا ..
قريب الساعه تسعه واندكت الباب طلع بابا  ، شوي ورجع صاح :- يااالله .. تفضل بوية مسلم تفضل ..

وكفنا نسلم عليه وكعد .. شوي واندك الباب ودخل جدو .. اجة يشوفنا كمنا نسلم علية .. خلص و التفت لـ مسلم بـ سؤال :- ها ولك مسلم شو هنا اليوم

ابو شهد ـ يااا بوية هلاا بيه

مسلم ـ عمي انه اسف اجيكم هيج وكت بس الشغل اليوم تأخر وسيارات ماكو ودنيا ليل كلت اجي عدكم والصبح اطلع

ـ هلا بيك بويةة

عفتهم يسولفون ودخلت للغرفة لكيت ابرار متمدده تسولف قصة لـ رياحين وهدى .. وعلى جهه نايمين يوسف واسماعيل ..

تقربت يمها ندستها : لچ تخيلييي منو عدنااا

ـ منووو!

ـ مُسلم ..

مجرد ماحجيتها نكزت : احلفيييي

ـ وداعتج

ـ عزززا

ـ اذا ماتردين تسلمين مثل كل مرة ابقي بـ الغرفة لان إحتمال نفرش الهم فوك

ـ ليييش؟

ـ متشوفين الكهرباء مگطوعه من العصر بابا ماعنده فلوس يسدد وأبو الخط گطعها ..

ـ وكلنا ننام فوك؟!

ـ لا مااعتقد بابا يقبل ..

ـ هااا

فرشت فراشي وطلعت .. جرتني امي على جهه :- اخذي ابرار واصعدي رشي السطح وافرشي فراش اني راح انطيكم منا .. وقبل لاتصعدون اترسي ترمس ماي بارد واخذي ..

ـ يمممه شطلعت هاااي

ـ اشتغلي بدون لسان يلاا استعجلن وطلعي ذيچ البرنسيسه من غرفتها يلاا

ـ حاااضر

فتحت الباب ومديت راسي :- امشي يلاا

ـ شكووو

ـ امي تريدنا يلااا

رحت ترست الماي وصعدت رشيت السطح شوي وصعدت ابرار تأففف :- خل نخلص بسرعة وانزل ترا صعدت بـ ملابس النوم ..

التفتت عليها لابسه تراك نص ردن وبرمودا جوا الركبه .. ورافعه شعرها كبايه بـ فوضوية ..

ـ شدعوا هلكد مهمته قابل راح يخطبج ..